പ്രഭാത വാർത്തകൾ

*🟨വീണാ ജോർജിന് പരിക്കേറ്റ സംഭവം; സംസ്ഥാന വ്യാപക പ്രതിഷേധവുമായി സിപിഎം*

തിരുവനന്തപുരം: ആരോഗ്യമന്ത്രി വീണാ ജോർജിനെതിരായ ആക്രമണത്തില്‍ പ്രതിഷേധിച്ച് സംസ്ഥാന വ്യാപകമായി പ്രതിഷേധവുമായി ഇടത് സംഘടനകൾ. സിപിഎം, ഡിവൈഎഫ്ഐ, എസ്എഫ്ഐ പ്രവർത്തകരുടെ നേതൃത്വത്തിലാണ് പ്രതിഷേധം.

കോൺഗ്രസിന്‍റെ ഓഫീസുകൾ ലക്ഷ്യമിട്ടായിരുന്നു പലയിടത്തും സിപിഎമ്മിന്‍റെ നേതൃത്വത്തിൽ പ്രതിഷേധങ്ങൾ അരങ്ങേറിയത്.

കണ്ണൂർ ഡിസിസി ഓഫീസിലേക്ക് എസ്എഫ്ഐ പ്രവര്‍ത്തകര്‍ നടത്തിയ പ്രതിഷേധ പ്രകടനം അക്രമാസക്തമായി. പ്രതിഷേധക്കാര്‍ ഡിസിസി ഓഫീസിലേക്ക് കല്ലേറിഞ്ഞു. പ്രതിഷേധക്കാര്‍ക്കെതിരെ പോലീസ് ലാത്തിച്ചാര്‍ജ് നടത്തിയതോടെ വൻ സംഘർഷം ഉടലെടുത്തു.

ഗേറ്റ് തുറന്നിട്ട് വെല്ലുവിളിച്ച കെഎസ്‌യു പ്രവർത്തകര്‍ എസ്എഫ്ഐക്ക് നേരെയും കല്ലേറ് നടത്തി. സംഘര്‍ഷത്തില്‍ കെഎസ്‌യു സംസ്ഥാന ജനറൽ സെക്രട്ടറി ഫർഹാൻ മുണ്ടേരിക്ക് പരിക്കേറ്റു. പിന്നീട് കോൺഗ്രസിന്‍റെ നേതൃത്വത്തിൽ സിപിഎം ജില്ലാ ഓഫീസിലേക്കും പ്രതിഷേധ മാർച്ച് നടത്തി.

നെയ്യാറ്റിൻകരയിൽ സിപിഎം പ്രവർത്തകർ യൂത്ത് കോൺഗ്രസിന്‍റെ രാപ്പകൽ സമര പന്തൽ തകർത്തു. എംഎൽഎയുടെ നേതൃത്വത്തിൽ നടന്ന പ്രതിഷേധത്തിനിടെ വി.ഡി. സതീശന്‍റെ ഫ്ലക്സ് ബോർഡുകൾ വ്യാപകമായി നശിപ്പിച്ചു.

കാഞ്ഞിരപ്പള്ളിയില്‍ സിപിഎം-ഡിവൈഎഫ്ഐ പ്രവര്‍ത്തകര്‍ പ്രതിഷേധ പ്രകടനം നടത്തി. കോണ്‍ഗ്രസിന്‍റെ കൊടിമരം തകര്‍ത്തു. പതാക കത്തിച്ചു. പുതുയുഗ യാത്രയുടെ ബോര്‍ഡുകള്‍ തകര്‍ത്തു.

കൊല്ലം പുനലൂരിൽ ഡിവൈഎഫ്ഐ പ്രവര്‍ത്തകര്‍ കോൺഗ്രസിന്‍റെ ഫ്ലക്സ് ബോർഡുകൾ നശിപ്പിച്ചു. കോഴിക്കോട് മുക്കത്തും ഡിവൈഎഫ്ഐ പ്രകടനത്തിനിടെ യുഡിഎഫ് ഫ്ലക്സ്‌ ബോർഡുകൾ നശിപ്പിച്ചു.

  

   *🟨ഉ​മ്മ​ന്‍​ചാ​ണ്ടി​യു​ടെ പേ​ര് പ​റ​യ​ണ​മെ​ന്ന് സരിത പ​​​റ​​​ഞ്ഞുവെന്ന് കോ​ട​തി​യി​ൽ ഫെ​നി​യു​ടെ മൊ​ഴി*

കൊ​​​ട്ടാ​​​ര​​​ക്ക​​​ര: സോ​​​ളാ​​​ര്‍ കേ​​​സി​​​ല്‍ ജു​​​ഡീ​​​ഷ​​​ല്‍ ക​​​മ്മീ​​​ഷ​​​ൻ മു​​​ന്പാ​​​കെ ഉ​​​മ്മ​​​ൻ​​​ചാ​​​ണ്ടി ഉ​​​ൾ​​​പ്പെ​​​ടെ​​​യു​​​ള്ള രാ​​​ഷ്‌ട്രീ​​​യ​​​നേ​​​താ​​​ക്ക​​​ളു​​​ടെ പേ​​​ര് പ​​​റ​​​യ​​​ണ​​​മെ​​​ന്നു സ​​​രി​​​ത എ​​​സ്.​​​നാ​​​യ​​​ർ പ​​​റ​​​ഞ്ഞു​​​വെ​​​ന്നു ഫെ​​​നി ബാ​​​ല​​​കൃ​​​ഷ്ണ​​​ൻ കൊ​​​ട്ടാ​​​ര​​​ക്ക​​​ര ജു​​​ഡീ​​​ഷ​​​ല്‍ ഒ​​​ന്നാം ക്ലാ​​​സ് മ​​​ജി​​​സ്‌​​​ട്രേ​​​റ്റ് കോ​​​ട​​​തി മു​​​മ്പാ​​​കെ മൊ​​​ഴി​​​ന​​​ൽ​​​കി.

അ​​​ഡ്വ. സു​​​ധീ​​​ര്‍ ജേ​​​ക്ക​​​ബ് വാ​​​ദി​​​യാ​​​യി അ​​​ഡ്വ.​​​ ജോ​​​ളി അ​​​ല​​​ക്‌​​​സ് മു​​​ഖേ​​​ന ഫ​​​യ​​​ല്‍ ചെ​​​യ്ത കേ​​​സി​​​ലാ​​​ണ് ഫെ​​​നി ബാ​​​ല​​​കൃ​​​ഷ്ണ​​​ന്‍റെ മൊ​​​ഴി ര​​​ണ്ടാം ദി​​​വ​​​സ​​​വും എ​​​ടു​​​ത്ത​​​ത്. ഈ ​​​കേ​​​സി​​​ന് പ്ര​​​ഥ​​​മ​​​ദൃ​​​ഷ്ട്യാ ക​​​ഴ​​​ന്പു​​​ണ്ടെ​​​ന്നു ക​​​ണ്ട കോ​​​ട​​​തി ഒ​​​ന്നാം പ്ര​​​തി​​​യാ​​​യ സ​​​രി​​​ത എ​​​സ്. നാ​​​യ​​​ര്‍​ക്കും ര​​​ണ്ടാം പ്ര​​​തി​​​യാ​​​യ കെ.​​​ബി. ഗ​​​ണേ​​​ഷ് കു​​​മാ​​​റി​​​നും കോ​​​ട​​​തി സ​​​മ​​​ന്‍​സ് അ​​​യ​​​ച്ച് കേ​​​സ് ഫ​​​യ​​​ലി​​​ല്‍ സ്വീ​​​ക​​​രി​​​ച്ചി​​​രു​​​ന്നു. ഈ ​​​കേ​​​സി​​​ല്‍ അ​​​ഞ്ചാം സാ​​​ക്ഷി​​​യാ​​​യി​​​ട്ടാ​​​ണ് ഫെ​​​നി ബാ​​​ല​​​കൃ​​​ഷ്ണ​​​ന്‍ മൊ​​​ഴി ന​​​ല്‍​കി​​​യ​​​ത്.

ജു​​​ഡീ​​​ഷ​​​ൽ ക​​​മ്മീ​​​ഷ​​​നി​​​ൽ​​​നി​​​ന്നും ത​​​നി​​​ക്കു നോ​​​ട്ടീ​​​സ് ല​​​ഭി​​​ച്ചു​​​വെ​​​ന്ന​​​റി​​​ഞ്ഞാ​​​ണ് സ​​​രി​​​ത കാ​​​ണാ​​​ൻ എ​​​ത്തി​​​യ​​​തെ​​​ന്നു ഫെ​​​നി പ​​​റ​​​ഞ്ഞു. ഇ​​​തു​​​സം​​​ബ​​​ന്ധി​​​ച്ചു കാ​​​ര്യം അ​​​ന്വേ​​​ഷി​​​ച്ച​​​പ്പോ​​​ള്‍ നി​​​ല​​​വി​​​ലു​​​ള്ള യു​​​ഡി​​​എ​​​ഫ് സ​​​ര്‍​ക്കാ​​​രി​​​ന് ഒ​​​രു പ​​​ണി കൊ​​​ടു​​​ക്ക​​​ണ​​​മെ​​​ന്നു സ​​​രി​​​ത പ​​​റ​​​ഞ്ഞു. ഉ​​​മ്മ​​​ന്‍​ചാ​​​ണ്ടി ഉ​​​ള്‍​പ്പെ​​​ടെ​​​യു​​​ള്ള നേ​​​താ​​​ക്ക​​​ളു​​​ടെ പേ​​​ര് പ​​​റ​​​ഞ്ഞു​​​ത​​​ന്നു. ന​​​മു​​​ക്ക് മ​​​റ്റു രാ​​​ഷ്‌ട്രീ​​​യ​​​പാ​​​ര്‍​ട്ടി​​​ക്കാ​​​രു​​​ടെ പി​​​ന്‍​തു​​​ണ​​​യു​​​ണ്ടെ​​​ന്നും പ​​​റ​​​ഞ്ഞു.

സോ​​​ളാ​​​ര്‍ ക​​​മ്മീ​​​ഷ​​​ന്‍ മു​​​മ്പാ​​​കെ മൊ​​​ഴി ന​​​ല്‍​കി​​​യെ​​​ങ്കി​​​ലും സ​​​രി​​​ത പ​​​റ​​​ഞ്ഞ പ്ര​​​കാ​​​രം മൊ​​​ഴി ന​​​ല്‍​കി​​​യി​​​ല്ലെ​​​ന്നും ഫെ​​​നി കോ​​​ട​​​തി​​​യി​​​ൽ മൊ​​​ഴി​​​ന​​​ൽ​​​കി. പ​​​ത്ത​​​നം​​​തി​​​ട്ട ജ​​​യി​​​ലി​​​ൽ നി​​​ന്ന് സ​​​രി​​​ത ന​​​ൽ​​​കി​​​യ ആ​​​ദ്യ​​​ക​​​ത്ത് 21 പേ​​​ജ് മാ​​​ത്ര​​​മേ ഉ​​​ണ്ടാ​​​യി​​​രു​​​ന്നു​​​ള്ളൂ​​​വെ​​​ന്നും അ​​​തി​​​ൽ യു​​​ഡി​​​എ​​​ഫ് നേ​​​താ​​​ക്ക​​​ളു​​​ടെ പേ​​​രി​​​ല്ലാ​​​യി​​​രു​​​ന്നു​​​വെ​​​ന്നും ഫെ​​​നി മൊ​​​ഴി​​​ന​​​ൽ​​​കി.

ഇ​​​വ​​​ർ ജ​​​യി​​​ലി​​​ൽ​​​നി​​​ന്നും ഇ​​​റ​​​ങ്ങി​​​യ​​​ശേ​​​ഷം തി​​​രു​​​വ​​​ന​​​ന്ത​​​പു​​​ര​​​ത്തേ​​​ക്കു ഫെ​​​നി​​​യു​​​ടെ കാ​​​റി​​​ല്‍ പോ​​​യി സ​​​രി​​​ത​​​യു​​​ടെ വ​​​സ​​​തി​​​യി​​​ല്‍​വ​​​ച്ചാ​​​ണ് സ്വ​​​ന്തം കൈ​​​പ്പ​​​ട​​​യി​​​ല്‍ ഇ​​​വ​​​ർ 21 പേ​​​ജ് 25 പേ​​​ജാ​​​ക്കി മാ​​​റ്റി​​​എ​​​ഴു​​​തി​​​യ​​​ത്. പെ​​​രു​​​മ്പാ​​​വൂ​​​ര്‍ പോ​​​ലീ​​​സി​​​ന്‍റെ ക​​​സ്റ്റ​​​ഡി​​​യി​​​ലി​​​രി​​​ക്കെ താ​​​ന്‍ ത​​​യാ​​​റാ​​​ക്കി​​​യ ക​​​ത്തി​​​ന് 25 പേ​​​ജു​​​ണ്ടാ​​​യി​​​രു​​​ന്നു​​​വെ​​​ന്നു സോ​​​ളാ​​​ർ ക​​​മ്മീ​​​ഷ​​​നോ​​​ട് പ​​​റ​​​ഞ്ഞി​​​ട്ടു സ​​​രി​​​ത അ​​​വി​​​ടെ സ​​​മ​​​ർ​​​പ്പി​​​ക്കു​​​ക​​​യാ​​​യി​​​രു​​​ന്നു.

സ​​​രി​​​ത ത​​​യാ​​​റാ​​​ക്കി​​​യ 25 പേ​​​ജു​​​ള്ള ക​​​ത്ത് കോ​​​ട​​​തി​​​യി​​​ൽ തി​​​രി​​​ച്ച​​​റി​​​ഞ്ഞ ഫെ​​​നി, അ​​​വ​​​രു​​​ടെ കൈ​​​പ്പ​​​ട​​​യും സ്ഥി​​​രീ​​​ക​​​രി​​​ച്ചു.

    *🟨യുഡിഎഫിൽ സ്ഥാനാർഥി നിർണയം നീളുന്നു: രാഹുൽ ഗാന്ധി നേതാക്കളെ കാണും*

തിരുവനന്തപുരം: തെരഞ്ഞെടുപ്പ് സംബന്ധിച്ച് മുന്നൊരുക്കങ്ങൾ നേരത്തെ തുടങ്ങിയെങ്കിലും യുഡി എഫിലെ സ്ഥാനാർഥി നിർണയം പ്രതീക്ഷിച്ചതിലും നീളുകയാണ്. 50 സ്ഥാനാർഥികളുടെ ആദ്യ ലിസ്റ്റ് ഈയാഴ്ച ഇറങ്ങുമെന്ന് കരുതിയെങ്കിലും അത് മാർച്ച് ആദ്യ വാരത്തിലേക്ക് നീളും. സഖ്യകക്ഷിയായ ആർഎസ്പിയിലാകട്ടെ പടലപിണക്കങ്ങൾ ചെറിയ പൊട്ടിത്തെറിയിലേക്കു നീങ്ങുകയാണ്.

രണ്ടു ദിവസത്തെ സന്ദർശനത്തിന് കോഴിക്കോട്ട് എത്തുന്ന രാഹുൽ ഗാന്ധിയിലാണ് ഇനി പ്രതീക്ഷ. രണ്ട് പ്രത്യേക ചടങ്ങുകൾക്കായാണ് രാഹുലും പ്രിയങ്കാ ഗാന്ധിയും എത്തുന്നതെങ്കിലും കോൺസിലേയും യുഡിഎഫിലേയും നേതാക്കളുമായി ചർചയ്ക്ക് സമയം നോക്കുന്നുണ്ട്.

കഴിഞ്ഞ ഞായറാഴ്ച ഡൽഹിയിൽ ആദ്യഘട്ട സ്ഥാനാർഥി ചർച്ചയും സ്റ്റിയറിംഗ് കമ്മിറ്റിയും തീരുമാനിച്ചിരുന്നെങ്കിലും അതുമാറ്റി വയ്ക്കുകയായിരുന്നു. സിറ്റിംഗ് എംഎൽഎമാരുടെയും ജയസാധ്യതയുള്ള എ ക്ലാസ് മണ്ഡലങ്ങളിലെ സ്ഥാനാർഥികളെയുമാണ് 50 അംഗ ആദ്യഘട്ട പട്ടികയിൽപ്പെടുത്തിയിരിക്കുന്നത്.

ലീഗിൽ മലപ്പുറം ഭാഗത്തെ സീറ്റുകൾ സംബന്ധിച്ച് ആശയ കുഴപ്പമില്ല. എന്നാൽ കോൺഗ്രസുമായി വച്ചു മാറേണ്ട ചില സീറ്റുകൾ സംബന്ധിച്ച ധാരണയ്ക്കായി അവർ കാത്തു നിൽക്കുകയാണ്. ആർഎസ്പിയിൽ വിഭാഗീയതയാണ് പ്രശ്നം. എ.എ. അസീസ് സംസ്ഥാന സെക്രട്ടറിയായതോടെ അത് മൂർച്ഛിച്ചിരിക്കുന്നു.പ്രേമചന്ദ്രൻ എംപിയുടെ മകന്‍റെ സ്ഥാനാർഥിത്വം ഇരവിപുരം ചടയമംഗലം സീറ്റുകൾ വച്ചു മാറൽ എന്നിവയാണ് പാർട്ടിയുടെ മുന്നിലെ പ്രശനങ്ങൾ.

മറ്റു മുന്നണികളിലെയും സ്ഥാർനാർഥി പട്ടിക വൈകുന്നതിനാൽ കോൺഗ്രസിന് ഈ കാര്യത്തിൽ വലിയ ആശങ്കയില്ല. വി.ഡി. സതീശൻ നയിക്കുന്ന പുതുയുഗ യാത്ര മാർച്ച് ആറിന് തിരുവനന്തപുരത്ത് സമാപിക്കുന്നതോടെ കാര്യങ്ങൾ അന്തിമമായി തീരുമാനിക്കപ്പെടുമെന്നാണ് ഇപ്പോൾ കരുതുന്നത്. അതിനടുത്ത ദിവസങ്ങളിൽ തെരത്തെടുപ്പ് തീയതി പ്രഖ്യാപിച്ചുകൊണ്ടുളള്ള വിജ്ഞാപനവും ഇറങ്ങിയേക്കും.

    *🟨ല​ഹ​രി പ്രോ​ത്സാ​ഹ​ന വീ​ഡി​യോ പ​ങ്കു​വ​ച്ച വ്‌​ളോ​ഗ​ര്‍ മാ​പ്പുപ​റ​ഞ്ഞ് ത​ടി​യൂ​രി*

പേ​​​രാ​​​മ്പ്ര: “താ​​​ന്‍ അ​​​ധ്വാ​​​നി​​​ക്കു​​​ന്ന പ​​​ണം​​കൊ​​​ണ്ടാ​​​ണ് ല​​​ഹ​​​രി ഉ​​​പ​​​യോ​​​ഗി​​​ക്കു​​​ന്ന​​​തെ​​​ന്നും അ​​​തി​​​ന് നി​​​ങ്ങ​​​ള്‍​ക്ക് എ​​​ന്താ​​​ണെ​​​ന്നും” ചോ​​​ദി​​​ച്ച് പോ​​​ലീ​​​സി​​​നെ​​​യും എ​​​ക്‌​​​സൈ​​​സി​​​നെ​​​യും വെ​​​ല്ലു​​​വി​​​ളി​​​ച്ച് സോ​​​ഷ്യ​​​ല്‍​ മീ​​​ഡി​​​യ​​​യി​​​ല്‍ വീ​​​ഡി​​​യോ പ​​​ങ്കു​​​വ​​​ച്ച വ്‌​​​ളോ​​​ഗ​​​ര്‍ ഒ​​​ടു​​​വി​​​ല്‍ പ​​​ര​​​സ്യ​​​മാ​​​യി മാ​​​പ്പു​​പ​​​റ​​​ഞ്ഞ് ത​​​ടി​​​യൂ​​​രി.

മേ​​​പ്പ​​​യ്യൂ​​​ര്‍ സ്വ​​​ദേ​​​ശി​​​യാ​​​യ വി​​​ഷ്ണു​​​വാ​​​ണ് ല​​​ഹ​​​രി​​​വ​​​സ്തു​​​വെ​​​ന്ന് തോ​​​ന്നി​​​പ്പി​​​ക്കു​​​ന്ന വ​​​സ്തു കാ​​​ണി​​​ച്ച് ബു​​​ദ്ധ​​​ന്‍ എ​​​ന്ന ഇ​​​ന്‍​സ്റ്റാ​​​ഗ്രാം അ​​​ക്കൗ​​​ണ്ടി​​​ലൂ​​​ടെ പ​​​ര​​​സ്യ​​​മാ​​​യി ഉ​​​ദ്യോ​​​ഗ​​​സ്ഥ​​​രെ വെ​​​ല്ലു​​​വി​​​ളി​​​ച്ച​​​ത്. ഏ​​​താ​​​നും ദി​​​വ​​​സം മു​​​മ്പാ​​​ണു സം​​​ഭ​​​വം.

വീ​​​ഡി​​​യോ വൈ​​​റ​​​ലാ​​​യ​​​തോ​​​ടെ പേ​​​രാ​​​മ്പ്ര പോ​​​ലീ​​​സ് വീ​​​ട്ടി​​​ലെ​​​ത്തി​​​യ​​​തോ​​​ടെ വി​​​ഷ്ണു നി​​​ല​​​പാ​​​ട് മാ​​​റ്റി. വീ​​​ഡി​​​യോ​​​യി​​​ല്‍ കാ​​​ണി​​​ച്ച​​​ത് ക​​​ല്ലു​​​പ്പാ​​​ണെ​​​ന്നാ​​​യി​​​രു​​​ന്നു പ്ര​​​തി​​​ക​​​ര​​​ണം.

ല​​​ഹ​​​രി ഉ​​​പ​​​ഭോ​​​ഗം പ്രോ​​​ത്സാ​​​ഹി​​​പ്പി​​​ക്കു​​​ന്ന രീ​​​തി​​​യി​​​ലു​​​ള്ള വീ​​​ഡി​​​യോ പ്ര​​​ച​​​രി​​​പ്പി​​​ച്ച​​​തി​​​നു പോ​​​ലീ​​​സ് വി​​​ഷ്ണു​​​വി​​​നെ വി​​​ര​​​ട്ടി​​​യ​​​തോ​​​ടെ പോ​​​ലീ​​​സു​​​കാ​​​രു​​​ടെ സാ​​​ന്നി​​​ധ്യ​​​ത്തി​​​ല്‍ത്ത​​ന്നെ മാ​​​പ്പു​​പ​​​റ​​​ഞ്ഞു​​​കൊ​​​ണ്ടു​​​ള്ള പു​​​തി​​​യ വീ​​​ഡി​​​യോ വി​​​ഷ്ണു പോ​​​സ്റ്റ് ചെ​​​യ്തു.

കൂ​​​ടു​​​ത​​​ല്‍ പ്ര​​​ചാ​​​രം കി​​​ട്ടാ​​​നാ​​​ണ് എം​​​ഡി​​​എം​​​എ ആ​​​ണെ​​​ന്നു പ​​​റ​​​ഞ്ഞ് ക​​​ല്ലു​​​പ്പ് കാ​​​ട്ടി വീ​​​ഡി​​​യോ പ്ര​​​ച​​​രി​​​പ്പി​​​ച്ച​​​തെ​​​ന്നും ആ​​​രും ല​​​ഹ​​​രി ഉ​​​പ​​​യോ​​​ഗി​​​ക്ക​​​രു​​​തെ​​​ന്നും ഇ​​​നി സാ​​​മൂ​​​ഹി​​​ക പ്ര​​​തി​​​ബ​​​ദ്ധ​​​ത​​​യു​​​ള്ള വീ​​​ഡി​​​യോ​​​ക​​​ള്‍ പ്ര​​​ച​​​രി​​​പ്പി​​​ക്കു​​​മെ​​​ന്നും വി​​​ഷ്ണു പ​​​റ​​​ഞ്ഞു.

    *🟨ബാങ്കിംഗ് ആപ്പുകളിൽ ഉപഭോക്താക്കളെ കബളിപ്പിക്കുന്ന ട്രിക്കുകൾ പാടില്ല; തെറ്റിദ്ധരിപ്പിക്കുന്ന ഓപ്ഷനുകൾ നീക്കം ചെയ്യണമെന്ന് ബാങ്കുകളോട് ആർ ബി ഐ*

ബാങ്കിംഗ് ആപ്പുകളിലെയും വെബ്സൈറ്റുകളിലെയും തെറ്റിദ്ധരിപ്പിക്കുന്ന രീതിയിലുള്ള ഡിസൈൻ ട്രിക്കുകളും ഓപ്‌ഷനുകളും നീക്കം ചെയ്യണമെന്ന് കർശന നിർദേശം നൽകി റിസർവ് ബാങ്ക് ഓഫ് ഇന്ത്യ. ഉപഭോക്താക്കളെ തെറ്റിദ്ധരിപ്പിച്ചും, വ്യക്തമായ സമ്മതമില്ലാതെയും സേവനങ്ങളിൽ പങ്കാളികളാക്കുന്നത് തടയലാണ് പുതിയ നീക്കത്തിന്റെ ലക്ഷ്യം. ഒളിഞ്ഞിരിക്കുന്ന ഫീസുകൾ, തെറ്റിദ്ധരിപ്പിക്കുന്ന ഓപ്ഷനുകൾ, ഉപഭോക്താവിന്‍റെ വ്യക്തമായ സമ്മതമില്ലാതെ സേവനങ്ങൾ കൂട്ടിച്ചേർക്കുന്നത് (bundling) എന്നിവ 2026 ജൂലൈയോടെ ബാങ്കുകൾ പൂർണ്ണമായും നീക്കം ചെയ്യണമെന്നാണ് ആർബിഐ നിർദേശം നൽകിയിരിക്കുന്നത്.

ഏതെങ്കിലും സാമ്പത്തിക ഉൽപ്പന്നമോ സേവനമോ നൽകുന്നതിന് മുമ്പ് ബാങ്കുകൾ ഉപഭോക്താവിന്റെ നേരിട്ടുള്ള സമ്മതം വാങ്ങിയിരിക്കണം. സേവനങ്ങൾ റദ്ദാക്കുന്നത് സൈൻ അപ്പ് ചെയ്യുന്നതിനേക്കാൾ ബുദ്ധിമുട്ടുള്ള കാര്യമാണെന്ന പരാതികൾ പരിഗണിച്ച്, അത് ലളിതമാക്കാനും നിർദേശമുണ്ട്. ഡിജിറ്റൽ ബാങ്കിംഗ് സേവനങ്ങൾ കൂടുതൽ ലളിതവും സുതാര്യവും വിശ്വാസയോഗ്യവുമാക്കുക എന്നതാണ് ഈ നടപടിയുടെ പ്രധാന ഉദ്ദേശം. ‘ലോക്കൽ സർക്കിൾസ്’ നടത്തിയ വിപുലമായ സർവേയിൽ ഡിജിറ്റൽ ബാങ്കിംഗിൽ ഇത്തരം തെറ്റായ രീതികൾ വ്യാപകമാണെന്ന് കണ്ടെത്തിയതിനെ തുടർന്നാണ് ആർബിഐ പുതിയ നിയമങ്ങൾ കൊണ്ടുവരുന്നത്.

   *🟨പാകിസ്ഥാനിലെ 3.5 കോടി പേർ കൊല്ലപ്പെട്ടേനെ'; ഇന്ത്യ – പാക്‌ യുദ്ധം അവസാനിപ്പിച്ചത് താനെന്ന് ആവർത്തിച്ച്‌ ട്രംപ്‌*

വാഷിങ്ടൻ: ഇന്ത്യ–പാകിസ്ഥാൻ സംഘർഷം ഉൾപ്പെടെ എട്ട് യുദ്ധങ്ങൾ അവസാനിപ്പിച്ചത്‌ താനാണെന്ന അവകാശവാദം ആവർത്തിച്ച്‌ അമേരിക്കൻ പ്രസിഡന്റ്‌ ഡോണൾഡ്‌ ട്രംപ്‌. ഇന്ത്യയുടെ 'ഓപ്പറേഷൻ സിന്ദൂർ' അവസാനിപ്പിക്കാൻ താൻ ഇടപെട്ടില്ലായിരുന്നുവെങ്കിൽ പാകിസ്ഥാനിലെ 3.5 കോടി പേർ കൊല്ലപ്പെടുമായിരുന്നുവെന്നും ഇക്കാര്യം പാക് പ്രധാനമന്ത്രി ഷഹബാസ് ഷെരീഫാണ് തന്നോട് പറഞ്ഞുതെന്നും ട്രംപ് പറഞ്ഞു. യുഎസ് കോൺഗ്രസിന്റെ സംയുക്തസഭയെ അഭിസംബോധന ചെയ്യുകയായിരുന്നു ട്രംപ്.

ഏപ്രിൽ 22-ന് 26 പേരുടെ മരണത്തിന് കാരണമായ പഹൽഗാം ആക്രമണത്തിന് പിന്നാലെ, പാകിസ്ഥാനിലെയും പാക് അധിനിവേശ കശ്മീരിലെയും ഭീകര കേന്ദ്രങ്ങൾ ലക്ഷ്യമിട്ട് മെയ് ഏഴിനാണ് ഇന്ത്യ ഓപ്പറേഷൻ സിന്ദൂർ ആരംഭിച്ചത്. നാല് ദിവസങ്ങൾക്ക് ശേഷം, മെയ് 10ന് സംഘർഷം അവസാനിപ്പിക്കാൻ ഇന്ത്യയും പാകിസ്ഥാനും ധാരണയിലെത്തി. എന്നാൽ ട്രംപ് അവകാശപ്പെട്ടതുപോലെ മൂന്നാം കക്ഷി ഇടപെടൽ ‌‌‌ഉണ്ടായിട്ടില്ലെന്നും ഉഭയകക്ഷി തീരുമാനം വഴിയാണ് സംഘർഷം അവസാനിപ്പിച്ചതെന്നും ഇന്ത്യ വ്യക്തമാക്കിയിരുന്നു. എങ്കിലും നിരന്തരം തന്റെ അവകാശ വാദം ഉന്നയിക്കുകയാണ് ട്രംപ്. ഇതിനകം പല സന്ദർഭങ്ങളിലായി ഇരുപതോളം തവണ ട്രംപ് തന്റെ അവകാശവാദം ഉന്നയിച്ചു കഴിഞ്ഞു."

  

   *🟨"സ്വീഡനിലെ വംശീയതയ്ക്ക് ഇരയായി ഇന്ത്യൻ സംരംഭകൻ; സ്റ്റാർട്ടപ്പ് വിറ്റ് രാജ്യം വിടുന്നു*

സ്റ്റോക്ക്ഹോം: യൂറോപ്യൻ രാജ്യമായ സ്വീഡനിലെ കുടിയേറ്റ സംവിധാനങ്ങളുടെ വംശീയമായ സമീപനത്തിലും കെടുകാര്യസ്ഥതയിലും മനംമടുത്ത് തന്റെ സ്വപ്ന പദ്ധതിയായിരുന്ന സ്റ്റാർട്ടപ്പ് വിറ്റ് രാജ്യം വിടാനൊരുങ്ങി ഇന്ത്യൻ സംരംഭകൻ. ഹൈഡ്രോ സ്പേസ് സ്വീഡൻ എബി എന്ന കമ്പനിയുടെ സ്ഥാപകനും സിഇഒയുമായ അഭിജിത്ത് നാഗ് ബാലസുബ്രഹ്മണ്യയാണ് സ്വീഡൻ വിട്ട് ഇന്ത്യയിലേക്ക് മടങ്ങുന്നത്. തന്റെ ലിങ്ക്ഡ്ഇൻ കുറിപ്പിലൂടെയാണ് അദ്ദേഹം ഈ ഞെട്ടിപ്പിക്കുന്ന വെളിപ്പെടുത്തൽ നടത്തിയത്.

തിണ്ണമിടുക്കും വംശീയതയും നിറഞ്ഞ ഒരു സംവിധാനത്തിന് മുന്നിൽ തോറ്റുകൊടുക്കേണ്ടി വന്നതിന്റെ വേദന അദ്ദേഹം തന്റെ കുറിപ്പിൽ പങ്കുവെക്കുന്നു. "ഇന്ന് ഞാൻ ഔദ്യോഗികമായി ഹൈഡ്രോ സ്പേസ് സ്വീഡൻ എബിയുടെ സ്ഥാപകൻ, സിഇഒ സ്ഥാനങ്ങളിൽ നിന്നും പടിയിറങ്ങുകയാണ്. ഈ മാസം അവസാനത്തോടെ രാജ്യം വിടാൻ നിർബന്ധിതനായതിനാൽ ഞാൻ എന്റെ കമ്പനി വിറ്റിരിക്കുന്നു," ബാലസുബ്രഹ്മണ്യ കുറിച്ചു. ഇത് തന്റെ സ്വന്തം ഇഷ്ടപ്രകാരമുള്ള ഒരു പടിയിറക്കമല്ലെന്നും മറിച്ച്, "അപ്രാപ്തവും ശത്രുതാപരമായ സമീപനം പുലർത്തുന്നതുമായ ഒരു ഭരണകൂട സംവിധാനത്തിന്റെ കുടിയിറക്കലാണെന്നും" അദ്ദേഹം കൂട്ടിച്ചേർത്തു."

"സ്വീഡൻ ഒരു സ്റ്റാർട്ടപ്പ് സൗഹൃദ രാജ്യമാണെന്നത് വെറുമൊരു "പുറംമോടി" മാത്രമാണെന്നാണ് അദ്ദേഹത്തിന്റെ അനുഭവം. സ്വീഡിഷ് മൈഗ്രേഷൻ ഏജൻസിയിലെ ഉദ്യോഗസ്ഥർക്ക് ബിസിനസ് കാര്യങ്ങളിൽ പ്രാഥമിക അറിവ് പോലുമില്ലെന്നും, അവർ ആവർത്തിച്ച് വിസ നിരസിക്കാനുള്ള കാരണങ്ങൾ മാറ്റിക്കൊണ്ടിരുന്നുവെന്നും അദ്ദേഹം ആരോപിക്കുന്നു. ഈ സംവിധാനത്തോട് നിയമയുദ്ധം നടത്താൻ തനിക്ക് താല്പര്യമില്ലെന്ന് വ്യക്തമാക്കിയ അദ്ദേഹം ഇങ്ങനെ കുറിച്ചു: "അടിസ്ഥാനപരമായി തകർന്നതും വംശീയത നിറഞ്ഞതുമായ ഒരു സംവിധാനത്തോട് എന്റെ മൂലധനം ഉപയോഗിച്ച് പോരാടാൻ എനിക്ക് ഊർജ്ജമോ ആഗ്രഹമോ ഇല്ല."

തന്റെ ഉപജീവനമാർഗ്ഗം തകർത്ത ഉദ്യോഗസ്ഥരോടുള്ള പ്രതികരണവും കുറിപ്പിലുണ്ട്. "എന്റെ ഉപജീവനമാർഗ്ഗം തകർത്തതിൽ അഭിമാനം കൊള്ളുന്ന അഹങ്കാരിയും അപ്രാപ്തനുമായ ആ കേസ് ഓഫീസറോട്: നിങ്ങൾ എന്നെ മാത്രമല്ല പരാജയപ്പെടുത്തിയത്; സ്വീഡന്റെ ഭക്ഷ്യസുരക്ഷയുടെ ഭാവി കൂടിയാണ്," എന്ന് അദ്ദേഹം പറഞ്ഞു. മൈഗ്രേഷൻ ഏജൻസിയുടെ പീഡനങ്ങൾ തന്റെ മാനസികാരോഗ്യത്തെ തകർത്തുവെന്നും ഇതിൽ നിന്നും മോചിതനാകാനാണ് ഇന്ത്യയിലേക്ക് മടങ്ങുന്നതെന്നും അദ്ദേഹം വ്യക്തമാക്കി. ബാലസുബ്രഹ്മണ്യയുടെ പോസ്റ്റ് വൈറലായതോടെ സമാനമായ അനുഭവങ്ങൾ നേരിട്ട നിരവധി പ്രവാസികൾ അദ്ദേഹത്തിന് പിന്തുണയുമായി രംഗത്തെത്തിയിട്ടുണ്ട്."

    *🟨"യുവതിയും മൂന്ന് പിഞ്ചു മക്കളും കഴുത്തറുത്ത് കൊല്ലപ്പെട്ട നിലയിൽ; ഭർത്താവിനായി തെരച്ചിൽ*

ന്യൂഡൽഹി:വടക്കുപടിഞ്ഞാറൻ ഡൽഹിയിലെ സമയ്പൂർ ബദ്‌ലിയിൽ ഒരു കുടുംബത്തിലെ നാല് പേരെ വീടിനുള്ളിൽ കഴുത്തറുത്ത് കൊല്ലപ്പെട്ട നിലയിൽ കണ്ടെത്തി. 27വയസ്സുള്ള അനിത,ഇവരുടെ മക്കളായ അഞ്ച്,നാല്,മൂന്ന് വയസ്സുള്ള പെൺകുട്ടികൾ എന്നിവരാണ് കൊല്ലപ്പെട്ടത്.

ബുധനാഴ്ച രാവിലെയാണ് ദാരുണമായ സംഭവം പുറംലോകമറിഞ്ഞത്. സംഭവത്തിന് ശേഷം ഒളിവിലായ അനിതയുടെ ഭർത്താവ് മുഞ്ചുൻ കേവതിനെ കേന്ദ്രീകരിച്ച് പോലീസ് അന്വേഷണം പുരോഗമിക്കുന്നു.

ബിഹാറിലെ പട്ന സ്വദേശികളായ ഈ കുടുംബം സമയ്പൂർ ബദ്‌ലിയിലെ ഒരു വീടിന്റെ താഴത്തെ നിലയിലാണ് താമസിച്ചിരുന്നത്.ആസാദ്പൂർ മണ്ടിയിലെ പച്ചക്കറി കച്ചവടക്കാരനായ മുഞ്ചുൻ കേവതിനെ സംഭവത്തിന് ശേഷം കാണാതായത് സംശയം വർദ്ധിപ്പിക്കുന്നു.അയൽവാസികളാണ് വീടിനുള്ളിൽ മൃതദേഹങ്ങൾ കണ്ടെത്തി വിവരം പോലീസിൽ അറിയിച്ചത്.

മൂർച്ചയേറിയ ആയുധം ഉപയോഗിച്ചാണ് നാല് പേരെയും കൊലപ്പെടുത്തിയത്. "നാല് ഇരകളുടെയും കഴുത്ത് മൂർച്ചയുള്ള ആയുധം ഉപയോഗിച്ച് മുറിച്ച നിലയിലായിരുന്നു," എന്ന് പോലീസ് പറഞ്ഞു.

ക്രൈം ടീമും ഫോറൻസിക് വിദഗ്ധരും സംഭവസ്ഥലത്തെത്തി തെളിവുകൾ ശേഖരിച്ചിട്ടുണ്ട്.മൃതദേഹങ്ങൾ നിലവിൽ പോസ്റ്റ്‌മോർട്ടത്തിനായി മോർച്ചറിയിലേക്ക് മാറ്റിയിരിക്കുകയാണ്."

    *🟨വിവാഹവേദിയിൽ വധുവിന് വെടിയേറ്റു; പ്രണയപ്പകയെന്ന് പൊലീസ്*

പാട്ന: ബീഹാറിലെ ബക്സറിൽ വിവാഹാഘോഷങ്ങൾക്കിടെ വധുവിന് വെടിയേറ്റു. അയൽവാസിയായ ദീനബന്ധു എന്നയാളാണ് ആരതി കുമാരിയെ (18) ആക്രമിച്ചത്. വരനോടൊപ്പം സ്റ്റേജിൽ നിൽക്കുകയായിരുന്നു ആരതി. സുഹൃത്തുക്കളും കുടുംബാംഗങ്ങളും ചുറ്റുമുണ്ടായിരുന്നു. ഇതിനിടെയാണ് സ്റ്റേജിന് മുന്നിൽ കൂടിയിരുന്ന അതിഥികൾക്കിടയിൽ നിന്ന് ദീനബന്ധു ആരതിക്ക് നേരെ വെടിയുതിർത്തത്. പ്രണയപ്പകയാണ് പ്രകോപന കാരണമെന്ന് പൊലീസ് പറഞ്ഞു.

ചൊവ്വാഴ്ച രാത്രി 11നാണ് സംഭവം. വിവാഹ ചടങ്ങുകളുടെ ഭാഗമായി വധുവിന്റെ സഹോദരി വരന്റെ നെറ്റിയിൽ കുങ്കുമം ചാർത്തുന്ന ചടങ്ങ് നടക്കുമ്പോഴാണ് അക്രമി വെടിവെച്ചത്. ആരതിയുടെ വയറിലാണ് വെടിയേറ്റത്. ആരതിയെ ഉടൻ തന്നെ അടുത്തുള്ള ആശുപത്രിയിൽ പ്രവേശിപ്പിച്ചു. പ്രാഥമിക ചികിത്സയ്ക്ക് ശേഷം മറ്റൊരു ആശുപത്രിയിലേക്ക് മാറ്റി. യുവതി അതീവ ഗുരുതരാവസ്ഥയിൽ തുടരുകയാണ്.

പ്രതിയായ ദീനബന്ധു ഒളിവിലാണ്. ഇയാളുടെ മാതാപിതാക്കളെ പൊലീസ് ചോദ്യം ചെയ്യാനായി കസ്റ്റഡിയിലെടുത്തു. പ്രതി, മുൻപ് മദ്യക്കടത്ത് കേസിൽ ജയിലിൽ കിടന്നിട്ടുണ്ടെന്ന് പൊലീസ് പറഞ്ഞു."

    *🟨"അവിശ്വാസ പ്രമേയം തടയാൻ കൈക്കൂലി, ഗ്രാമപഞ്ചായത്ത് സര്‍പ്പഞ്ചും ഭര്‍ത്താവും അറസ്റ്റിൽ*

നാസിക്: ഉപസർപ്പഞ്ചിനെതിരായ അവിശ്വാസ പ്രമേയം തടഞ്ഞുവെക്കുന്നതിന് കൈക്കൂലി വാങ്ങിയ കേസിൽ ഗ്രാമപഞ്ചായത്ത് സർപ്പഞ്ചും ഭർത്താവും അറസ്റ്റിൽ. നാസിക് ജില്ലയിലെ റാസെഗാവ് ഗ്രാമപഞ്ചായത്ത് സർപ്പഞ്ച് മന്ദ ബെന്ദ്കുലെ, ഭർത്താവ് വിത്തൽ ബെന്ദ്കുലെ എന്നിവരാണ് പിടിയിലായത്.

ഉപസർപ്പഞ്ചിനെതിരായ അവിശ്വാസ പ്രമേയം അംഗീകരിക്കുന്നതിൽ നിന്ന് വിട്ടുനിൽക്കാനും മറ്റ് അംഗങ്ങളെ സ്വാധീനിക്കാനുമായി ഇരുവരും ചേര്‍ന്ന് 50,000 രൂപ കൈക്കൂലി ആവശ്യപ്പെട്ടതായി ആന്റി കറപ്ഷൻ ബ്യൂറോ ഉദ്യോഗസ്ഥർ പറഞ്ഞു.

മറ്റുള്ളവരുമായുള്ള ഒത്തുതീര്‍പ്പ് ചര്‍ച്ചകൾക്കൊടുവിൽ തുക കുറച്ചു. ഇരുവരും 25,000 രൂപയിൽ ഇടപാട് ഉറപ്പിച്ചു. പണം വാങ്ങിയുള്ള രാഷ്ട്രീയ നീക്കം സംബന്ധിച്ച വിവരം ലഭിച്ചതിന്റെ അടിസ്ഥാനത്തിൽ എസിബി സംഘം ഇവര്‍ക്കായി കെണിയൊരുക്കുകയായിരുന്നു.

സർപ്പഞ്ച് മന്ദ ബെന്ദ്കുലെ 14,000 രൂപയും ഭർത്താവ് വിത്തൽ ബെന്ദ്കുലെ 1,000 രൂപയും ഉൾപ്പെടെ ആകെ 15,000 രൂപ കൈക്കൂലിയായി സ്വീകരിക്കുന്നതിനിടെ എസിബി സംഘം ഇരുവരെയും കയ്യോടെ പിടികൂടി.

ഗ്രാമപഞ്ചായത്തിലെ ചില അംഗങ്ങൾ ഉപസർപ്പഞ്ചിനെതിരെ തഹസിൽദാർ മുമ്പാകെ അവിശ്വാസ പ്രമേയം സമർപ്പിച്ചിരുന്നു. ഈ പ്രമേയം പാസാകുന്നത് തടയുന്നതിനും അതുമായി ബന്ധപ്പെട്ട നടപടികളിൽ നിന്ന് വിട്ടുനിൽക്കുന്നതിനുമാണ് പ്രതികൾ കൈക്കൂലി ആവശ്യപ്പെട്ടത്. ഇക്കാര്യം അന്വേഷണത്തിൽ വ്യക്തമായതായി ഉദ്യോഗസ്ഥര്‍ പറഞ്ഞു. മഹാരാഷ്ട്ര മന്ത്രി നർഹരി സിർവാളിന്റെ മണ്ഡലത്തിൽ ഉൾപ്പെടുന്ന ഗ്രാമപഞ്ചായത്താണ്.

പ്രതികൾക്കെതിരെ പ്രിവൻഷൻ ഓഫ് കറപ്ഷൻ ആക്ട് പ്രകാരം കേസ് രജിസ്റ്റർ ചെയ്തിട്ടുണ്ടെന്നും കൂടുതൽ അന്വേഷണം പുരോഗമിക്കുകയാണെന്നും അറിയിച്ചു."

   *🟨സ​പ്ലൈ​കോ​യി​ൽ മൂ​ന്ന് ജീ​വ​ന​ക്കാ​ർ​ക്ക് സ​സ്‌​പെ​ൻ​ഷ​ൻ*

തി​രു​വ​ന​ന്ത​പു​രം: സ​ബ്സി​ഡി ലി​സ്റ്റി​ലു​ള്ള സാ​ധ​ന​ങ്ങ​ളു​ടെ സ്റ്റോ​ക്ക് ഉ​റ​പ്പു​വ​രു​ത്താ​ത്ത​തി​ന് മാ​വേ​ലി ക​സ്റ്റോ​ഡി​യ​ൻ ത​സ്തി​ക​യി​ലെ മൂ​ന്ന് ജീ​വ​ന​ക്കാ​ർ​ക്ക് സ​സ്പെ​ൻ​ഷ​ൻ. പ​റ​ക്കോ​ട്, മാ​വേ​ലി​ക്ക​ര, നെ​യ്യാ​റ്റി​ൻ​ക​ര ഡി​പ്പോ​ക​ളി​ലെ ജീ​വ​ന​ക്കാ​ർ​ക്കെ​തി​രെ​യാ​ണ് സ​പ്ലൈ​കോ​യു​ടെ ന​ട​പ​ടി.

മാ​വേ​ലി​ക്ക​ര ഡി​പ്പോ​യി​ലെ സീ​നി​യ​ർ അ​സി​സ്റ്റ​ന്‍റ് ആ​ർ. പ്രേം​നാ​ഥ്, നെ​യ്യാ​റ്റി​ൻ​ക​ര ഡി​പ്പോ​യി​ലെ ജൂ​നി​യ​ർ അ​സി​സ്റ്റ​ന്‍റ് വി​ഷ്ണു വി. ​ദേ​വ്, പ​റ​ക്കോ​ട് ഡി​പ്പോ​യി​ലെ സീ​നി​യ​ർ അ​സി​സ്റ്റ​ന്‍റ് എ. ​സ​നി​ത​കു​മാ​രി എ​ന്നി​വ​ർ​ക്കെ​തി​രെ​യാ​ണ് ന​ട​പ​ടി.

ഫെ​ബ്രു​വ​രി മാ​സ​ത്തെ വി​ൽ​പ​ന​യ്ക്കാ​യി സ​ബ്സി​ഡി സാ​ധ​ന​ങ്ങ​ളു​ടെ ആ​വ​ശ്യ​ക​ത അ​റി​യി​ക്കാ​ൻ ജ​നു​വ​രി മാ​സ​ത്തി​ൽ ഡി​പ്പോ​ക​ളി​ൽ അ​റി​യി​പ്പ് ന​ൽ​കി​യി​രു​ന്നു. പ​റ​ക്കോ​ട്, മാ​വേ​ലി​ക്ക​ര, നെ​യ്യാ​റ്റി​ൻ​ക​ര ഡി​പ്പോ​ക​ളി​ലെ മാ​വേ​ലി ക​സ്റ്റോ​ഡി​യ​ൻ ത​സ്തി​ക​യി​ലെ ജീ​വ​ന​ക്കാ​ർ വി​വി​ധ സ​ബ്സി​ഡി സാ​ധ​ന​ങ്ങ​ൾ​ക്ക് ആ​വ​ശ്യ​ക​ത​യി​ല്ലെ​ന്നാ​ണ് അ​റി​യി​ച്ചി​രു​ന്ന​ത്.

എ​ന്നാ​ൽ ഫെ​ബ്രു​വ​രി​യി​ൽ മൂ​ന്ന് ഡി​പ്പോ​ക​ളി​ലും സാ​ധ​ന​ങ്ങ​ൾ സ്റ്റോ​ക്ക് ഇ​ല്ലാ​തെ വ​രി​ക​യും പൊ​തു​ജ​ന​ങ്ങ​ൾ​ക്ക് വി​ത​ര​ണം ചെ​യ്യാ​ൻ സാ​ധി​ക്കാ​ത്ത സാ​ഹ​ച​ര്യ​മു​ണ്ടാ​യി. ഇ​തേ തു​ട​ർ​ന്നാ​ണ് മൂ​ന്ന് ജീ​വ​ന​ക്കാ​ർ​ക്കെ​തി​രെ ന​ട​പ​ടി​യെ​ടു​ത്ത​ത്.

പ​റ​ക്കോ​ട്, നെ​യ്യാ​റ്റി​ൻ​ക​ര ഡി​പ്പോ​ക​ളി​ൽ ചെ​റു​പ​യ​ർ, മ​ല്ലി , മു​ള​ക് തു​ട​ങ്ങി അ​ഞ്ച് സ​ബ്സി​ഡി സാ​ധ​ന​ങ്ങ​ൾ വീ​ത​വും മാ​വേ​ലി​ക്ക​ര ഡി​പ്പോ​യി​ൽ എ​ട്ട് സാ​ധ​ന​ങ്ങ​ളു​മാ​ണ് സ്റ്റോ​ക്ക് ഇ​ല്ലാ​തെ വ​ന്ന​ത്.

 

   *🟨മോദിയുടെ ഇസ്രയേൽ സന്ദർശനം: വിമർശനവുമായി പ്രതിപക്ഷം*

ന്യൂ​​​ഡ​​​ൽ​​​ഹി: പ്ര​​​ധാ​​​ന​​​മ​​​ന്ത്രി ന​​​രേ​​​ന്ദ്ര മോ​​​ദി ഇ​​​സ്ര​​​യേ​​​ലി​​​ൽ ന​​​ട​​​ത്തു​​​ന്ന ദ്വി​​​ദി​​​ന സ​​​ന്ദ​​​ർ​​​ശ​​​ന​​​ത്തി​​​നെ​​​തി​​​രേ പ്ര​​​തി​​​പ​​​ക്ഷം. മോ​​​ദി​​​യു​​​ടേ​​​തു ധാ​​​ർ​​​മി​​​ക​​​മാ​​​യ ഭീ​​​രു​​​ത്വ​​​മാ​​​ണെ​​​ന്ന് കോ​​​ണ്‍ഗ്ര​​​സ് കു​​​റ്റ​​​പ്പെ​​​ടു​​​ത്തി​​​യ​​​പ്പോ​​​ൾ ഗാ​​​സ വം​​​ശ​​​ഹ​​​ത്യ​​​യ്ക്കി​​​ട​​​യി​​​ലു​​​ള്ള പ്ര​​​ധാ​​​ന​​​മ​​​ന്ത്രി​​​യു​​​ടെ ഇ​​​സ്ര​​​യേ​​​ൽ സ​​​ന്ദ​​​ർ​​​ശ​​​ന​​​ത്തെ എ​​​തി​​​ർ​​​ക്ക​​​ണ​​​മെ​​​ന്ന് സി​​​പി​​​എം പ്ര​​​തി​​​ക​​​രി​​​ച്ചു.

ഗാ​​​സ​​​യെ നാ​​​മാ​​​വ​​​ശേ​​​ഷ​​​മാ​​​ക്കി മാ​​​റ്റി​​​യ ഇ​​​സ്ര​​​യേ​​​ൽ പ്ര​​​ധാ​​​ന​​​മ​​​ന്ത്രി​​​യെ മു​​​ഴു​​​വ​​​ൻ ലോ​​​ക​​​വും വി​​​മ​​​ർ​​​ശി​​​ക്കു​​​ന്പോ​​​ൾ ഇ​​​ന്ത്യ​​​ൻ പ്ര​​​ധാ​​​ന​​​മ​​​ന്ത്രി അ​​​ദ്ദേ​​​ഹ​​​ത്തെ ധാ​​​ർ​​​ഷ്‌​​​ട്യ​​​ത്തോ​​​ടെ ആ​​​ലിം​​​ഗ​​​നം ചെ​​​യ്യു​​​ക​​​യാ​​​ണെ​​​ന്നും ഇ​​​തു ധാ​​​ർ​​​മി​​​ക​​​മാ​​​യ ഭീ​​​രു​​​ത്വ​​​ത്തി​​​ന്‍റെ പ്ര​​​ക​​​ട​​​ന​​​മാ​​​ണെ​​​ന്നും എ​​​ഐ​​​സി​​​സി ജ​​​ന​​​റ​​​ൽ സെ​​​ക്ര​​​ട്ട​​​റി ജ​​​യ്റാം ര​​​മേ​​​ശ് കു​​​റ്റ​​​പ്പെ​​​ടു​​​ത്തി.

ഇ​​​സ്ര​​​യേ​​​ലി​​​ലെ പാ​​​ർ​​​ല​​​മെ​​​ന്‍റി​​​നെ അ​​​ഭി​​​സം​​​ബോ​​​ധ​​​ന ചെ​​​യ്യു​​​ന്പോ​​​ൾ ഗാ​​​സ​​​യി​​​ലെ ആ​​​യി​​​ര​​​ക്ക​​​ണ​​​ക്കി​​​നു സാ​​​ധാ​​​ര​​​ണ​​​ക്കാ​​​രു​​​ടെ​​​യും കു​​​ട്ടി​​​ക​​​ളു​​​ടെ​​​യും വം​​​ശ​​​ഹ​​​ത്യ പ്ര​​​ധാ​​​ന​​​മ​​​ന്ത്രി പ​​​രാ​​​മ​​​ർ​​​ശി​​​ക്കു​​​മെ​​​ന്ന് പ്ര​​​തീ​​​ക്ഷി​​​ക്കു​​​ന്ന​​​താ​​​യി പ്രി​​​യ​​​ങ്ക ഗാ​​​ന്ധി എം​​​പി പ​​​റ​​​ഞ്ഞു.

ഗാ​​​സ​​​യി​​​ൽ ഇ​​​സ്ര​​​യേ​​​ൽ വം​​​ശ​​​ഹ​​​ത്യ ന​​​ട​​​ത്തി​​​ക്കൊ​​​ണ്ടി​​​രി​​​ക്കു​​​ന്പോ​​​ഴു​​​ണ്ടാ​​​കു​​​ന്ന സ​​​ന്ദ​​​ർ​​​ശ​​​ന​​​ത്തെ ശ​​​ക്ത​​​മാ​​​യി എ​​​തി​​​ർ​​​ക്കു​​​ന്നു​​​വെ​​​ന്ന് സി​​​പി​​​എം പോ​​​ളി​​​റ്റ് ബ്യൂ​​​റോ പ്ര​​​സ്താ​​​വ​​​ന​​​യി​​​ൽ വ്യ​​​ക്ത​​​മാ​​​ക്കി.

ഇ​​​സ്ര​​​യേ​​​ലി​​​ന്‍റെ പ്രേ​​​ര​​​ണ​​​യാ​​​ൽ അ​​​മേ​​​രി​​​ക്ക ഇ​​​റാ​​​നി​​​ൽ സൈ​​​നി​​​കാ​​​ക്ര​​​മ​​​ണ​​​ത്തി​​​നു ത​​​യാ​​​റെ​​​ടു​​​ക്കു​​​ന്പോ​​​ൾ ന​​​ട​​​ക്കു​​​ന്ന സ​​​ന്ദ​​​ർ​​​ശ​​​നം അ​​​ന​​​വ​​​സ​​​ര​​​ത്തി​​​ലു​​​ള്ള​​​താ​​​ണെ​​​ന്നും സി​​​പി​​​എം ചൂ​​​ണ്ടി​​​ക്കാ​​​ട്ടി.

    *🟨അമേരിക്ക സുവർണയുഗത്തിൽ: ട്രംപ്*

വാ​​​ഷിം​​​ഗ്ട​​​ൺ ഡി​​​സി: അ​​​മേ​​​രി​​​ക്ക​​​യെ സു​​​വ​​​ർ​​​ണ​​​യു​​​ഗ​​​ത്തി​​​ലേ​​​ക്കു ന​​​യി​​​ച്ചെ​​​ന്ന് പ്ര​​​സി​​​ഡ​​​ന്‍റ് ട്രം​​​പ്. കോ​​​ൺ​​​ഗ്ര​​​സി​​​ന്‍റെ സം​​​യു​​​ക്ത സ​​​മ്മേ​​​ള​​​ന​​​ത്തി​​​ൽ വാ​​​ർ​​​ഷി​​​ക സ്റ്റേ​​​റ്റ് ഓ​​​ഫ് ദ ​​​യൂ​​​ണി​​​യ​​​ൻ പ്ര​​​സം​​​ഗം ന​​​ട​​​ത്തു​​​ക​​​യാ​​​യി​​​രു​​​ന്നു അ​​​ദ്ദേ​​​ഹം.

അ​​​മേ​​​രി​​​ക്ക എ​​​ക്കാ​​​ല​​​ത്തേക്കാ​​​ളും സ​​​ന്പ​​​ന്ന​​​വും ശ​​​ക്ത​​​വു​​​മാ​​യെ​​​ന്ന് ട്രം​​​പ് അ​​​വ​​​കാ​​​ശ​​​പ്പെ​​​ട്ടു. പ​​​ണ​​​പ്പെ​​​രു​​​പ്പം കു​​​റ​​​ച്ചു, ഓ​​​ഹ​​​രി​​​വി​​​പ​​​ണി​​​ക്കു നേ​​​ട്ട​​​മു​​​ണ്ടാ​​​ക്കി, നി​​​കു​​​തി​​​ക​​​ൾ വെ​​​ട്ടി​​​ക്കു​​​റ​​​ച്ചു, മ​​​രു​​​ന്നു​​​വി​​​ല കു​​​റ​​​ച്ചു തു​​​ട​​​ങ്ങി​​​യ​​​വ ഭ​​​ര​​​ണ​​​നേ​​​ട്ട​​​ങ്ങ​​​ളാ​​​ണ്.

തൊ​ഴി​ല​വ​സര​ങ്ങ​ൾ ഇ​ല്ലാ​താ​ക്കാ​ൻ സാ​ധ്യ​ത​യു​ള്ള നി​ർ​മി​ത​ബു​ദ്ധി​യെ​ക്കു​റി​ച്ച് ട്രം​പ് പ്ര​സം​ഗ​ത്തി​ൽ പ​രാ​മ​ർ​ശി​ച്ചി​ല്ല. ഒ​രു​വ​ർ​ഷ ഭ​ര​ണ​ത്തി​ന്‍റെ ഭൂ​രി​ഭാ​ഗം സ​മ​യ​വും വി​ദേ​ശ​ന​യ​ത്തി​ലാ​ണു ശ്ര​ദ്ധ​ കേ​ന്ദ്രീ​ക​രി​ച്ചി​രു​ന്ന​തെ​ങ്കി​ലും വി​വി​ധ രാ​ജ്യ​ങ്ങ​ൾ​ക്കു ചു​മ​ത്തി​യ ഇ​റ​ക്കു​മ​തി​ച്ചു​ങ്കം അ​ട​ക്ക​മു​ള്ള വി​ഷ​യ​ങ്ങ​ളെ​ക്കു​റി​ച്ച് പ​രി​മി ത​മാ​യേ സം​സാ​രി​ച്ചു​ള്ളൂ.

റ​​​ഷ്യ​​​ൻ അ​​​ധി​​​നി​​​വേ​​​ശ​​​ത്തി​​​ന്‍റെ നാ​​​ലാം വ​​​ർ​​​ഷി​​​ക​​​ദി​​​ന​​​ത്തി​​​ൽ ന​​​ട​​​ത്തി​​​യ പ്ര​​​സം​​​ഗ​​​ത്തി​​​ൽ യു​​​ക്രെ​​​യ്ൻ യു​​​ദ്ധ​​​ത്തെ​​​ക്കു​​​റി​​​ച്ചും പ​​​രാ​​​മ​​​ർ​​​ശ​​​മു​​​ണ്ടാ​​​യി​​​ല്ല. അ​​​മേ​​​രി​​​ക്ക​​​യു​​​ടെ മു​​​ഖ്യ എ​​​തി​​​രാ​​​ളി​​​യാ​​​യ ചൈ​​​ന, ഡെ​​​ന്മാ​​​ർ​​​ക്കി​​​ന്‍റെ ഭാ​​​ഗ​​​മാ​​​യ ഗ്രീ​​​ൻ​​​ലാ​​​ൻ​​​ഡി​​​നെ ഏ​​​റ്റെ​​​ടു​​​ക്കാ​​​നു​​​ള്ള മോ​​​ഹം എ​​​ന്നീ വി​​​ഷ​​​യ​​​ങ്ങ​​​ളും ട്രം​​​പ് എ​​​ടു​​​ത്തു​​​പ​​​റ​​​ഞ്ഞി​​​ല്ല.

എ​​​ഴു​​​പ​​​ത്തൊ​​​ന്പ​​​തു​​​കാ​​​ര​​​നാ​​​യ ട്രം​​​പി​​​ന്‍റെ പ്ര​​​സം​​​ഗം ഒ​​​രു മ​​​ണി​​​ക്കൂ​​​റും 47 മി​​​നി​​റ്റും നീ​​​ണ്ടു. അ​​​മേ​​​രി​​​ക്ക​​​യു​​​ടെ ച​​​രി​​​ത്ര​​​ത്തി​​​ലെ ഏ​​​റ്റ​​​വും ദൈ​​​ർ​​​ഘ്യ​​​മേ​​​റി​​​യ സ്റ്റേ​​​റ്റ് ഓ​​​ഫ് ദ ​​​യൂ​​​ണി​​​യ​​​ൻ പ്ര​​​സം​​​ഗ​​​മാ​​​യി​​​രു​​​ന്നി​​​ത്. ക​​​ഴി​​​ഞ്ഞ​​​ വ​​​ർ​​​ഷ​​​ത്തെ സ്വ​​​ന്തം റി​​​ക്കാ​​​ർ​​​ഡാ​​​ണു ട്രം​​​പ് ത​​​ക​​​ർ​​​ത്ത​​​ത്. പ്ര​​​സം​​​ഗ​​​ത്തി​​​ന്‍റെ ഭൂ​​​രി​​​ഭാ​​​ഗ​​​വും സ്വ​​​ന്തം ഭ​​​ര​​​ണ​​​നേ​​​ട്ട​​​ങ്ങ​​​ൾ വി​​​ശ​​​ദീ​​​ക​​​രി​​​ക്ക​​​ലാ​​​യി​​​രു​​​ന്നു. എ​​​ട്ട് യു​​​ദ്ധ​​​ങ്ങ​​​ൾ അ​​​വ​​​സാ​​​നി​​​പ്പി​​​ച്ചു​​​വെ​​​ന്ന വാ​​​ദം അ​​​ദ്ദേ​​​ഹം ആ​​​വ​​​ർ​​​ത്തി​​​ച്ചു. രാ​​​ജ്യ​​​ത്തു​​​ ന​​​ട​​​ക്കു​​​ന്ന അ​​​ക്ര​​​മ​​​ങ്ങ​​​ൾ​​​ക്കു പി​​​ന്നി​​​ൽ അ​​​ന​​​ധി​​​കൃ​​​ത കു​​​ടി​​​യേ​​​റ്റ​​​ക്കാ​​​രാ​​​ണെ​​​ന്നും പ​​​റ​​​ഞ്ഞു.

പ്ര​​​തി​​​പ​​​ക്ഷ ഡെ​​​മോ​​​ക്രാ​​​റ്റി​​​ക് പാ​​​ർ​​​ട്ടി​​​യി​​​ലെ ന​​​ല്ലൊ​​​രു​​​ വി​​​ഭാ​​​ഗം അം​​​ഗ​​​ങ്ങ​​​ളും സ​​​ഭ​​​യി​​​ലു​​​ണ്ടാ​​​യി​​​രു​​​ന്നി​​​ല്ല. ഹാ​​​ജ​​​രാ​​​യി​​​രു​​​ന്ന പ്ര​​​തി​​​പ​​​ക്ഷാം​​​ഗ​​​ങ്ങ​​​ളി​​​ൽ ചി​​​ല​​​ർ പ്ര​​​സം​​​ഗ​​​സ​​​മ​​​യ​​​ത്ത് പ്ര​​​തി​​​ഷേ​​​ധ​​​പ്ര​​​ക​​​ട​​​ന​​​ങ്ങ​​​ൾ​​​ക്കു മു​​​തി​​​ർ​​​ന്നു.

അ​​​തേ​​​സ​​​മ​​​യം, ട്രം​​​പി​​​ന്‍റെ ഭരണത്തിൽ അ​​​മേ​​​രി​​​ക്ക​​​ൻ ജ​​​ന​​​ത​​​യ്ക്കു തൃ​​​പ്തി​​​യി​​​ല്ലെ​​​ന്നാ​​​ണ് അ​​​ടു​​​ത്തി​​​ടെ ന​​​ട​​​ന്ന അ​​​ഭി​​​പ്രാ​​​യ സ​​​ർ​​​വേ​​​ക​​​ൾ പ​​​റ​​​യു​​​ന്ന​​​ത്. ന​​​വം​​​ബ​​​റി​​​ലെ മി​​​ഡ് ടേം തെ​​​ര​​​ഞ്ഞെ​​​ടു​​​പ്പി​​​ൽ ഡെ​​​മോ​​​ക്രാ​​​റ്റു​​​ക​​​ൾ സെ​​​ന​​​റ്റി​​​ലും ജ​​​ന​​​പ്ര​​​തി​​​നി​​​ധി​​​സ​​​ഭ​​​യി​​​ലും ഭൂ​​​രി​​​പ​​​ക്ഷം നേ​​​ടാ​​​നും സാ​​​ധ്യ​​​ത​​​യു​​​ണ്ട്.

*ഇറാൻ ഭീഷണി; പ്രക്ഷോഭത്തിൽ കൊല്ലപ്പെട്ടത് 32,000 പേർ*

വാ​​​ഷിം​​​ഗ്ട​​​ൺ ഡി​​​സി: ​​​തീ​​​വ്ര​​​വാ​​​ദ​​​ത്തി​​​ന്‍റെ ഏ​​​റ്റ​​​വും വ​​​ലി​​​യ പ്രാ​​​യോ​​​ജ​​​ക​​​രാ​​​യ ഇ​​​റാ​​​ൻ അ​​​ണ്വാ​​​യു​​​ധം സ്വ​​​ന്ത​​​മാ​​​ക്കാ​​​ൻ അ​​​നു​​​വ​​​ദി​​​ക്കി​​​ല്ലെ​​​ന്നു ട്രം​​​പ്. ഇ​​​റാ​​​നി​​​ൽ ജ​​​നു​​​വ​​​രി​​​യി​​​ൽ ന​​​ട​​​ന്ന ജ​​​ന​​​കീ​​​യ പ്ര​​​ക്ഷോ​​​ഭ​​​ത്തി​​​ൽ 32,000 പേ​​​രാ​​​ണു കൊ​​​ല്ല​​​പ്പെ​​​ട്ട​​​തെ​​​ന്നും അ​​​ദ്ദേ​​​ഹം അ​​​വ​​​കാ​​​ശ​​​പ്പെ​​​ട്ടു.

ഇ​​​റാ​​​നെ ല​​​ക്ഷ്യ​​​മി​​​ട്ട് അ​​​മേ​​​രി​​​ക്ക പ​​​ശ്ചി​​​മേ​​​ഷ്യ​​​യി​​​ൽ സൈ​​​നി​​​ക​​​വി​​​ന്യാ​​​സം ശ​​​ക്തി​​​പ്പെ​​​ടു​​​ത്തു​​​ന്ന​​​തി​​​നി​​​ടെ​​​യാ​​ണു ട്രം​​​പ് ഇ​​​ക്കാ​​​ര്യ​​​ങ്ങ​​​ൾ സ്റ്റേ​​​റ്റ് ഓ​​​ഫ് ദ ​​​യൂ​​​ണി​​​യ​​​ൻ പ്ര​​​സം​​​ഗ​​​ത്തി​​​ൽ പ​​​റ​​​ഞ്ഞ​​​ത്.

ഇ​​​റാ​​​ന്‍റെ ആ​​​ണ​​​വ, മി​​​സൈ​​​ൽ പ​​​ദ്ധ​​​തി​​​ക​​​ൾ, തീ​​​വ്രവാ​​​ദ സം​​​ഘ​​​ട​​​ന​​​ക​​​ൾ​​​ക്കു ന​​​ല്കു​​​ന്ന പി​​​ന്തു​​​ണ, പ്ര​​​തി​​​ഷേ​​​ധ​​​ങ്ങ​​​ൾ ന​​​ട​​​ത്തു​​​ന്ന​​​വ​​​രെ കൊ​​​ന്നൊ​​​ടു​​​ക്ക​​​ൽ എ​​​ന്നി​​​വ​​​യെ​​​ല്ലാം അ​​​മേ​​​രി​​​ക്ക​​​യ്ക്കു ഭീ​​​ഷ​​​ണി​​​യാ​​​ണ്. ഇ​​​റാ​​​നും അ​​​വ​​​രു​​​ടെ പി​​​ന്തു​​​ണ​​​യോ​​​ടെ പ്ര​​​വ​​​ർ​​​ത്തി​​​ക്കു​​​ന്ന ഗ്രൂ​​​പ്പു​​​ക​​​ളും തീ​​​വ്ര​​​വാ​​​ദം, മ​​​ര​​​ണം, വി​​​ദ്വേ​​​ഷം എ​​​ന്നി​​​വ മാ​​​ത്ര​​​മാ​​​ണു പ​​​ട​​​ർ​​​ത്തു​​​ന്ന​​​ത്. ഇ​​​റാ​​​ൻ ആ​​​ണ​​​വ​​​പ​​​ദ്ധ​​​തി​​​ക​​​ൾ പു​​​ന​​​രാ​​​രം​​​ഭി​​​ച്ചി​​​രി​​​ക്കു​​​ക​​​യാ​​​ണ്. അ​​​മേ​​​രി​​​ക്ക​​​ വ​​​രെ എ​​​ത്താ​​​വു​​​ന്ന മി​​​സൈ​​​ലു​​​ക​​​ൾ നി​​​ർ​​​മി​​​ക്കാ​​​നു​​​ള്ള ശ്ര​​​മ​​​ത്തി​​​ലാ​​​ണ് അ​​​വ​​​രെ​​​ന്നും ട്രം​​​പ് കൂ​​​ട്ടി​​​ച്ചേ​​​ർ​​​ത്തു.

ട്രം​​​പി​​​ന്‍റെ ആ​​​രോ​​​പ​​​ണ​​​ങ്ങ​​​ൾ ആ​​​വ​​​ർ​​​ത്തി​​​ച്ചു​​​ള്ള നു​​​ണ​​​ക​​​ളാണെ​​​ന്ന് ഇ​​​റേ​​​നി​​​യ​​​ൻ വി​​​ദേ​​​ശ​​​കാ​​​ര്യ മ​​​ന്ത്രാ​​​ല​​​യം പ്ര​​​തി​​​ക​​​രി​​​ച്ചു.

    *🟨"സ്ക്രീൻ ഗാർഡിന് 100 രൂപ നൽകണം'; കർണാടകയിൽ കടയുടമയെ കുത്തിപ്പരിക്കേൽപ്പിച്ചു*

ചിത്രദുർഗ: മൊബൈൽ ഫോണിന്റെ സ്ക്രീൻ ഗാർഡ് മാറ്റുന്നതിനെച്ചൊല്ലിയുണ്ടായ തർക്കത്തെത്തുടര്‍ന്ന് കടയുടമയെ കുത്തിപ്പരിക്കേൽപ്പിച്ചു. കർണാടകയിലെ ചിത്രദുർഗ ജില്ലയിൽ സന്തെ മൈതാനത്തിന് സമീപമുള്ള മൊബൈൽ ഷോപ്പിലാണ് സംഭവം. കടയുടമ വിക്രം ചൗധരിക്കാണ് ആക്രമണത്തിൽ പരിക്കേറ്റത്. സംഭവത്തിന് പിന്നാലെ പ്രദേശത്ത് വലിയ രീതിയിലുള്ള പ്രതിഷേധമാണ്.

കടയിൽ നിന്ന് വാങ്ങിയ സ്ക്രീൻ ഗാർഡ് മാറ്റി നൽകണമെന്ന് ആവശ്യപ്പെട്ടാണ് പ്രതി കടയിലെത്തിയത്. മറ്റൊരു മോഡൽ സ്ക്രീൻ ഗാർഡിന് 100 രൂപ അധികം നൽകണമെന്ന് വിക്രം ചൗധരി ആവശ്യപ്പെട്ടതോടെ ഇരുവരും തമ്മിൽ വാക്കേറ്റമുണ്ടാവുകയും അത് കത്തിക്കുത്തിൽ കലാശിക്കുകയുമായിരുന്നു. കടയിലെ സിസിടിവി ദൃശ്യങ്ങളിൽ ആക്രമണത്തിന്റെ ദൃശ്യങ്ങൾ പതിഞ്ഞിട്ടുണ്ട്. കടയിൽ സംസാരിച്ചു നിൽക്കുന്നതിനിടെ പെട്ടെന്ന് പ്രതി മൂർച്ചയുള്ള ആയുധം പുറത്തെടുത്ത് വിക്രമിനെ ആക്രമിക്കുന്നത് ദൃശ്യങ്ങളിൽ കാണാം. വിക്രമും കടയിലുണ്ടായിരുന്ന മറ്റൊരു വ്യക്തിയും ചേർന്ന് അക്രമിയെ ഉടൻ തന്നെ പുറത്തേക്ക് തള്ളിമാറ്റുകയായിരുന്നു.

ഗുരുതരമായി പരിക്കേറ്റ വിക്രം ചൗധരിയെ പ്രാദേശിക ആശുപത്രിയിൽ പ്രവേശിപ്പിച്ചു. ആക്രമണം ആസൂത്രിതമാണെന്ന് ആരോപിച്ച് ആളുകൾ ആശുപത്രി പരിസരത്ത് തടിച്ചുകൂടുകയും റോഡ് ഉപരോധിക്കുകയും ടയറുകൾ കത്തിക്കുകയും ചെയ്തു. പ്രതിയെ ഉടൻ അറസ്റ്റ് ചെയ്ത് നിയമനടപടികൾ സ്വീകരിക്കണമെന്ന് പ്രതിഷേധക്കാർ ആവശ്യപ്പെട്ടു. സംഭവത്തിന് പിന്നാലെ പ്രദേശത്ത് സംഘർഷാവസ്ഥ നിലനിൽക്കുന്നതിനാൽ പൊലീസ് സുരക്ഷ ശക്തമാക്കിയിട്ടുണ്ട്. കേസ് രജിസ്റ്റർ ചെയ്ത പൊലീസ് പ്രതിക്കായി തിരച്ചിൽ ആരംഭിച്ചു."

    *🟨വിദ്യാർഥിനിയെ വീട്ടിൽ തൂങ്ങിമരിച്ച നിലയിൽ കണ്ടെത്തി*

കോഴിക്കോട് : ബിരുദ വിദ്യാർഥിനിയെ വീട്ടിൽ തൂങ്ങിമരിച്ച നിലയിൽ കണ്ടെത്തി. ബീച്ച് ചാലിൽ പറമ്പിൽ ശ്രീനന്ദ (21) ആണ്‌ മരിച്ചത്. കൊല്ലം ഗുരുദേവ കോളേജിൽ ബിഎസ്‌സി സൈക്കോളജി അവസാന വർഷ വിദ്യാർഥിനിയാണ്. ചൊവ്വ വൈകിട്ടാണ്‌ മരിച്ചനിലയിൽ കണ്ടത്. വൈകിട്ട് കോളജിൽനിന്ന് വീട്ടിലെത്തിയ ശ്രീനന്ദയെ സമീപത്തെ ക്ഷേത്രത്തിലേക്ക് പോകാൻ മാതാപിതാക്കൾ വിളിച്ചെങ്കിലും പോയില്ല. പിന്നീട് വീട്ടിലെത്തിയ പിതാവാണ് വീട് അകത്തുനിന്നു പൂട്ടിയ നിലയിൽ കണ്ടത്. ജനലിലൂടെ നോക്കിയപ്പോൾ തൂങ്ങിനിൽക്കുന്ന നിലയിൽ കണ്ടെത്തുകയായിരുന്നു. മെഡിക്കൽ കോളജ് ആശുപത്രിയിൽ എത്തിച്ചപ്പോഴേക്കും മരിച്ചു. കൊയിലാണ്ടി പൊലീസ് സ്ഥലത്തെത്തി. അച്ഛൻ: ചാലിൽപറമ്പിൽ അനിൽകുമാർ. അമ്മ: ലിസി. സഹോദരി: നവ്യശ്രീ. പൊലീസ് അസ്വാഭാവിക മരണത്തിന് കേസെടുത്തു."

   *🟨"ബ്രസീലിൽ മിന്നൽ പ്രളയം; 25 മരണം, 40 പേരെ കാണാനില്ല*

ബെലോ ഹൊറിസോണ്ടെ: തെക്കുകിഴക്കൻ ബ്രസീലിലെ മിനാസ് ഗെറൈസ് സംസ്ഥാനത്ത് അതിശക്തമായ മഴയെത്തുടർന്നുള്ള പ്രളയത്തിലും ഉരുൾപൊട്ടലിലും 25 പേർ മരിച്ചു. നാൽപ്പതിലധികം പേരെ കാണാതായതായാണ് വിവരം. തിങ്കളാഴ്ച മുതൽ ആരംഭിച്ച കനത്ത മഴയിൽ ജുയിസ് ഡി ഫോറ, ഉബ എന്നീ നഗരങ്ങളിലാണ് ഏറ്റവും കൂടുതൽ നാശനഷ്ടങ്ങൾ റിപ്പോർട്ട് ചെയ്തിരിക്കുന്നത്.

റിയോ ഡി ജനീറോയിൽ നിന്ന് 310 കിലോമീറ്റർ അകലെയുള്ള ജുയിസ് ഡി ഫോറ, ഉബ നഗരങ്ങളിൽ നിന്ന് 440-ഓളം പേരെ വീടുകളിൽ സുരക്ഷിത സ്ഥാനങ്ങളിലേക്ക് മാറ്റി. പ്രദേശത്തെ നദികൾ കരകവിഞ്ഞൊഴുകുന്നതും വീടുകൾക്കുള്ളിൽ വെള്ളം കയറിയതും ജനജീവിതത്തെ സാരമായി ബാധിച്ചു. ദുരന്തബാധിത പ്രദേശങ്ങളിൽ സുരക്ഷാ സേനയും ഫയർഫോഴ്‌സും സംയുക്തമായി രക്ഷാപ്രവർത്തനം നടത്തിവരികയാണെന്ന് ബ്രസീൽ പ്രസിഡന്റ് ലുല ഡ സിൽവ അറിയിച്ചു.

*ഇരട്ടിയിൽ അധികം മഴ*

ഉരുൾപൊട്ടൽ ഭീഷണിയുള്ള ചരിഞ്ഞ പ്രദേശങ്ങളിൽ നിന്നും താഴ്‌വരകളിൽ നിന്നും മാറിനിൽക്കാൻ അധികൃതർ ജനങ്ങൾക്ക് നിർദ്ദേശം നൽകിയിട്ടുണ്ട്.

ഫെബ്രുവരി മാസത്തിൽ ലഭിക്കേണ്ട ശരാശരി മഴയുടെ ഇരട്ടിയിലധികം കഴിഞ്ഞ ദിവസങ്ങളിൽ ഈ പ്രദേശങ്ങളിൽ ലഭിച്ചതായാണ് കാലാവസ്ഥാ നിരീക്ഷണ കേന്ദ്രം വ്യക്തമാക്കുന്നത്. പലയിടങ്ങളിലും ചെളി നിറഞ്ഞത് രക്ഷാപ്രവർത്തനത്തിന് തടസ്സം സൃഷ്ടിക്കുന്നുണ്ട്. വരും ദിവസങ്ങളിലും പ്രദേശത്ത് ശക്തമായ മഴ തുടരുമെന്നാണ് കാലാവസ്ഥാ പ്രവചനം."

  

   *🟨"സാമ്പത്തിക ക്രമക്കേട്: മുൻ സപ്ലൈകോ ഉദ്യോ​ഗസ്ഥന് 17 വർഷം തടവ്*

കണ്ണൂർ : സാമ്പത്തിക ക്രമക്കേട്‌ നടത്തിയ മുന്‍ സപ്ലൈകോ ഉദ്യോഗസ്ഥനെ വിജിലന്‍സ്‌ കോടതി 17 വര്‍ഷം തടവിനും 15 ലക്ഷം രൂപ പിഴ ഒടുക്കുന്നതിനും ശിക്ഷിച്ചു. കണ്ണൂര്‍ പ്ലാസയിലെ സപ്ലൈകോ സൂപ്പര്‍ മാര്‍ക്കറ്റില്‍ വില്‍പനയിലൂടെ ലഭിച്ച തുക കൃത്യമായി ബാങ്കില്‍ അടയ്ക്കാതെ സാമ്പത്തിക ക്രമക്കേട്‌ നടത്തിയ മുന്‍ സപ്ലൈകോ ഉദ്യോഗസ്ഥനും കണ്ണൂര്‍ നാലുവയല്‍ സ്വദേശിയുമായ പി മുഹമ്മദ്‌ അഷ്റഫിനെയാണ് കണ്ണൂര്‍ വിജിലന്‍സ്‌ കോടതി ശിക്ഷിച്ചത്. വിവിധ വകുപ്പുകളിലായി ആകെ 17 വര്‍ഷം തടവിനും 15,00,000 രൂപ പിഴ ഒടുക്കുന്നതിനുമാണ്‌ ശിക്ഷിച്ചത്‌.

2011-12ൽ കണ്ണൂര്‍ പ്ലാസയിലെ സപ്ലൈകോ സൂപ്പര്‍ മാര്‍ക്കറ്റില്‍ അസിസ്റ്റന്റ്‌ സെയില്‍സ്മാനായി ജോലി ചെയ്തിരുന്ന പി മുഹമ്മദ്‌ അഷ്റഫ്‌, സപ്ലൈകോ സൂപ്പര്‍ മാര്‍ക്കറ്റിലെ സാധനങ്ങള്‍ വില്‍പന നടത്തിയതിലൂടെ ലഭിച്ച 14,25,895 രൂപ കൃത്യമായി ബാങ്കില്‍ അടയ്ക്കാതെ തട്ടിയെടുത്ത സംഭവത്തില്‍ വിജിലന്‍സ്‌ കണ്ണൂര്‍ യൂണിറ്റ്‌ അഷ്റഫിനെ പ്രതിയാക്കി എഫ്ഐആർ രജിസ്റ്റര്‍ ചെയ്തിരുന്നു. അന്വേഷണം പൂര്‍ത്തിയാക്കി, കണ്ണൂര്‍ വിജിലന്‍സ്‌ കോടതിയില്‍ കുറ്റപത്രം സമര്‍പ്പിച്ച കേസിലാണ്‌ പ്രതിയെ കുറ്റക്കാരനായി കണ്ടെത്തി ശിക്ഷ വിധിച്ചത്‌.

പൊതുജനങ്ങളുടെ ശ്രദ്ധയില്‍ അഴിമതി സംബന്ധിച്ച വിവരങ്ങള്‍ ലഭിക്കുകയാണെങ്കില്‍ വിജിലന്‍സിന്റെ 1064 എന്ന ടോള്‍ ഫ്രീ നമ്പരിലോ 8592900900 , 9447789100 (വാട്സാപ്പ്) എന്നീ നമ്പരുകളിലോ അറിയിക്കണമെന്ന്‌ വിജിലന്‍സ്‌ ഡയറക്ടര്‍ മനോജ്‌ എബ്രഹാം അറിയിച്ചു."

    *🟨"2019 ഈസ്റ്റര്‍ ദിനത്തിലെ ഭീകരാക്രമണം; ശ്രീലങ്കൻ മുൻ രഹസ്യാന്വേഷണ മേധാവി സുരേഷ് സാലി അറസ്റ്റിൽ*

കൊളംബോ: ശ്രീലങ്കയെ നടുക്കിയ 2019- ഈസ്റ്റർ ദിനത്തിലെ ഭീകരാക്രമണക്കേസിൽ നിർണായക വഴിത്തിരിവ്. മുൻ സ്റ്റേറ്റ് ഇന്റലിജൻസ് സർവീസ് (SIS) മേധാവിയും റിട്ടയേർഡ് മേജർ ജനറലുമായ സുരേഷ് സാലിയെ കുറ്റാന്വേഷണ വിഭാഗം അറസ്റ്റ് ചെയ്തു. ബുധനാഴ്ച രാവിലെ കൊളംബോയുടെ പ്രാന്തപ്രദേശമായ പെലിയഗോഡയിൽ വെച്ചായിരുന്നു അറസ്റ്റ്. ഭീകരവാദ നിരോധന നിയമം ചുമത്തിയാണ് സാലിയെ പിടികൂടിയത്.

2019 ഏപ്രിൽ 21-ന് പള്ളികളിലും പഞ്ചനക്ഷത്ര ഹോട്ടലുകളിലുമായി നടന്ന സ്ഫോടനങ്ങളിൽ 11 ഇന്ത്യക്കാരടക്കം 279 പേർ കൊല്ലപ്പെട്ടിരുന്നു. പ്രാദേശിക ജിഹാദി ഗ്രൂപ്പായ നാഷണൽ തൗഹീദ് ജമാഅത്ത് (NTJ) ആണ് ആക്രമണം നടത്തിയതെന്ന് പിന്നീട് കണ്ടെത്തിയിരുന്നു. ഈസ്റ്റര്‍ ദിനത്തിലെ ക്രൂരമായ ആക്രമണം അന്ന് ലോകം മുഴുവൻ ചര്‍ച്ച ചെയ്തു.

*ആരായിരുന്നു പിന്നിൽ*

*തുടക്കം മുതൽ സംശയം*

എന്നാൽ സ്ഫോടന സംഭവത്തിന് പിന്നീൽ വലിയ രാഷ്ട്രീയ ഗൂഢാലോചന നടന്നതായി തുടര്‍ച്ചയായി ആരോപണങ്ങൾ ഉയർന്നു. സ്ഫോടനം നടത്തുന്നതിന് മുൻപ് പ്രതികൾക്ക് സൈനിക ഇന്റലിജൻസിൽ നിന്ന് സഹായം ലഭിച്ചതായും റിപ്പോര്‍ട്ടുകൾ പുറത്തു വന്നു.

2019-ലെ പ്രസിഡന്റ് തെരഞ്ഞെടുപ്പിൽ ഗോതബായ രാജപക്സയെ വിജയിപ്പിക്കാൻ ആക്രമണം തടയാതെ ബോധപൂർവം പ്രവര്‍ത്തിച്ചതായും ആരോപണം ഉണ്ടായി. ഇത് സ്ഫോടന സംഭവത്തിന് പിന്നീലെ രാഷ്ട്രീയ ബന്ധങ്ങളെ കുറിച്ചുള്ള ചര്‍ച്ചകൾ ഉയര്‍ത്തി.

*പുതിയ സര്‍ക്കാര്‍ വന്നതോടെ അന്വേഷണം*

അനുര കുമാര ദിസനായക സർക്കാർ 2024-ൽ അധികാരമേറ്റതോടെയാണ് കേസ് മാറുന്നത്. പുതിയ സര്‍ക്കാര്‍ ഈസ്റ്റർ സ്ഫോടനക്കേസിലെ അന്വേഷണം ഊർജ്ജിതമാക്കി. രാഷ്ട്രീയ സ്വാധീനം മൂലം കേസ് അട്ടിമറിക്കപ്പെട്ടുവെന്ന് ചൂണ്ടിക്കാട്ടിയാണ് പുനരന്വേഷണ

അനുമതി നൽകിയത്.

ഇതോടെ, രാജ്യത്ത് ഭീകരാക്രമണം ഉണ്ടാവാനുള്ള സാധ്യതയെ കുറിച്ച് ഇന്ത്യൻ രഹസ്യാന്വേഷണ ഏജൻസികൾ മുന്നറിയിപ്പ് നൽകിയിരുന്നതായി കണ്ടെത്തി. ഈ മുന്നറിയിപ്പുകൾ ശ്രീലങ്കൻ രഹസ്യാന്വേഷണ അധികാരികൾക്ക് ലഭിച്ചിരുന്നതായി കണ്ടെത്തി. മുന്നറിയിപ്പ് ലഭിച്ചിട്ടും അന്നത്തെ സുരക്ഷാ ഉദ്യോഗസ്ഥർ അതിനെ അവഗണിച്ചതായും അന്വേഷണ റിപ്പോർട്ട് വ്യക്തമാക്കി. ഈ സംഭവങ്ങൾക്കെല്ലാം ഒടുവിലാണ് സാലിയെ അറസ്റ്റ് ചെയ്ത നടപടിയിലേക്ക് എത്തിയിരിക്കുന്നത്."

    *🟨"25,000 വിദ്യാർഥികൾ, ഒരൊറ്റ അധ്യാപകൻ പോലുമില്ല; മധ്യപ്രദേശിലെ സർക്കാർ സർവകലാശാലകൾ ദുരിതത്തിൽ*

ഭോപ്പാൽ: മധ്യപ്രദേശിലെ സർവകലാശാലകൾ അധ്യാപകരില്ലാതെ നിശ്ചലമാകുന്നു. ഖാർഗോൺ ജില്ലയിലെ ക്രാന്തിസൂര്യ താന്തിയ ഭീൽ സർവകലാശാലയിൽ 25,000 വിദ്യാർഥികൾ പഠിക്കുന്നുണ്ടെങ്കിലും അവിടെ നിയമിക്കപ്പെട്ട 140 അധ്യാപക തസ്തികകളിലും ഒരൊറ്റ സ്ഥിരം അധ്യാപകൻ പോലുമില്ലെന്ന വിവരമാണ് പുറത്തുവരുന്നത്. മധ്യപ്രദേശിലെ ജനസംഖ്യയുടെ 22 ശതമാനത്തോളം വരുന്ന ഗോത്രവിഭാഗങ്ങളുടെ വോട്ട് ലക്ഷ്യമിട്ടാണ് ഗോത്ര നായകരുടെ പേരിൽ ഈ സർവകലാശാലകൾ സ്ഥാപിച്ചത്.

ഉന്നതവിദ്യഭ്യാസ മന്ത്രി ഇന്ദർ സിംഗ് പർമർ നിയമസഭയിൽ നൽകിയ മറുപടിയിലാണ് ഇതേക്കുറിച്ചുള്ള വിവരങ്ങളുള്ളത്. സർവകലാശാലയിലെ 80 അസിസ്റ്റന്റ് പ്രൊഫസർമാർ, 40 അസോസിയേറ്റ് പ്രൊഫസർമാർ, 20 പ്രൊഫസർമാർ എന്നീ തസ്തികകളെല്ലാം നിലവിൽ ഒഴിവാണ്. കൃഷി, ആർട്സ്, കൊമേഴ്സ്, സയൻസ് കോഴ്സുകൾ നടക്കുന്നുണ്ടെങ്കിലും ഡെപ്യൂട്ടേഷൻ വഴിയോ താൽക്കാലികമായോ എത്തുന്നവരെ വെച്ചാണ് സ്ഥാപനം പ്രവർത്തിക്കുന്നത്. സർവകലാശാലയ്ക്ക് സ്വന്തമായി കെട്ടിടം പോലുമില്ലെന്നതാണ് മറ്റൊരു വസ്തുത.

അധ്യാപകരില്ലാത്തത് വിദ്യാർഥികളുടെ ഭാവി അവതാളത്തിലാക്കുകയാണെന്ന് പ്രതിപക്ഷം ആരോപിച്ചു. പരീക്ഷകൾ കൃത്യസമയത്ത് നടക്കുന്നില്ല, ഫലപ്രഖ്യാപനം വൈകുന്നു, മാർക്ക് ലിസ്റ്റുകൾ ലഭിക്കാത്തതിനാൽ വിദ്യാർത്ഥികളുടെ സ്കോളർഷിപ്പുകൾ തടസ്സപ്പെടുന്നു തുടങ്ങിയ ഗുരുതരമായ പ്രശ്നങ്ങളാണ് വിദ്യാർഥികൾ നേരിടുന്നത്.

ഖാർഗോണിലെ മാത്രം അവസ്ഥയല്ല ഇത്. സംസ്ഥാനത്തെ 17 സർക്കാർ സർവകലാശാലകളിലായി ആകെയുള്ള 1,069 അസിസ്റ്റന്റ് പ്രൊഫസർ തസ്തികകളിൽ 793 എണ്ണവും (74 ശതമാനം) ഒഴിഞ്ഞുകിടക്കുകയാണ്. വെറും 276 അധ്യാപകർ മാത്രമാണ് സംസ്ഥാനത്തെ മുഴുവൻ സർക്കാർ സർവകലാശാലകളിലുമായി ഉള്ളത്. അഞ്ച് സർവകലാശാലകളിൽ ഒരൊറ്റ അസിസ്റ്റന്റ് പ്രൊഫസർ പോലും നിലവിൽ ജോലി ചെയ്യുന്നില്ല.

ചിന്ദ്‌വാരയിലെ രാജ ശങ്കർ ഷാ സർവകലാശാല, ഗുണയിലെ ക്രാന്തിവീർ താന്തിയ ടോപ്പെ സർവകലാശാല, ഛത്തർപൂരിലെ മഹാരാജ ഛത്രസാൽ ബുന്ദേൽഖണ്ഡ് സർവകലാശാല, സാഗറിലെ റാണി അവന്തിബായ് ലോധി സർവകലാശാല എന്നിവയും അധ്യാപകരില്ലാത്ത പ്രതിസന്ധി നേരിടുകയാണ്.

മധ്യപ്രദേശിലെ ഗോത്രവിഭാഗങ്ങളുടെ വോട്ട് ലക്ഷ്യമിട്ട് ഗോത്ര നായകരുടെ പേരിൽ സ്ഥാപിച്ചതാണ് സർവകലാശാലകൾ. എന്നാൽ തെരഞ്ഞെടുപ്പ് കഴിഞ്ഞതോടെ ഈ സ്ഥാപനങ്ങളെ സർക്കാർ അവഗണിക്കുകയാണെന്ന ആക്ഷേപം ശക്തമാണ്. റിക്രൂട്ട്‌മെന്റ് നടപടികൾ നാലഞ്ച് മാസത്തിനുള്ളിൽ പൂർത്തിയാക്കുമെന്നും ഖാർഗോണിൽ പുതിയ കെട്ടിടത്തിനായി 119 കോടി രൂപ വകയിരുത്തിയെന്നും വിദ്യാഭ്യാസ മന്ത്രി അറിയിച്ചിട്ടുണ്ടെങ്കിലും, നിലവിലെ അവസ്ഥയിൽ വിദ്യാർഥികൾ കടുത്ത പ്രതിഷേധത്തിലാണ്."

    *🟨"സൗദി അഭ്യന്തര ഹജ്ജ് തീർഥാടന രജിസ്‌ട്രേഷൻ ആരംഭിച്ചു*

ദമ്മാം: ഹജ്ജ് നിർവഹിക്കുന്ന സൗദി സ്വദേശികൾക്കും സൗദിയിലുള്ള വിദേശികൾക്കും പങ്കെടുക്കുന്നതിനുള്ള അഭ്യന്തര രജിസ്ട്രേഷൻ നടപടികൾ ആരംഭിച്ചതായി ഹജ്ജ് ഉംറ മന്ത്രാലയം അറിയിച്ചു. മുമ്പ് ഹജ്ജ് നിർവഹിച്ചിട്ടില്ലാത്ത വ്യക്തികൾക്കായിരിക്കും മുൻഗണന. 'നുസുക്' ആപ്പ് വഴിയോ മന്ത്രാലയത്തിൻ്റെ ഔദ്യോഗിക വെബ്സൈറ്റ് (www.nusuk.sa) വഴിയോ റംസാൻ ആറ് മുതൽ അപേക്ഷകൾ സമർപ്പിക്കാൻ കഴിയും. മാർച്ച് മൂന്ന് മുതലാണ് ഹജ്ജ് പാക്കേജുകൾ ബുക്ക് ചെയ്യാനുള്ള ഓപ്ഷൻ ലഭ്യമാകുക. ബുക്കിങ് ശവ്വാൽ മാസാവസാനം വരെ നീണ്ടുനിൽക്കും.

അപേക്ഷകർ കുറഞ്ഞത് 15 വയസ്സ് തികഞ്ഞവരായിരിക്കണം. എല്ലാ ആരോഗ്യ നിബന്ധനകളും പാലിച്ചിരിക്കണം. സൗദിയിൽ കഴിയുന്ന വിദേശികളായ താമസക്കാർക്ക്, സാധുവായ ഇഖാമ (റെസിഡൻസി പെർമിറ്റ്) ഉള്ളവരായിരിക്കണം. ഒരു വർഷം മുമ്പ് റെസിഡൻസി നൽകിയവർക്കായിരിക്കും മുൻഗണന.

നുസുക് പ്ലാറ്റ്ഫോമിൽ ലിസ്റ്റ് ചെയ്ത‌ിട്ടുള്ള ലൈസൻസുള്ള കമ്പനികൾ വഴി മാത്രമായി കരാർ നടത്തുന്നുവെന്ന് ഉറപ്പുവരുത്തണമെന്ന് മന്ത്രാലയം നിർദേശം നൽകിയിട്ടുണ്ട്. ഹജ്ജ് പെർമിറ്റ് ലഭിക്കുന്നതിന് അപേക്ഷകർ സ്വന്തമായി അക്കൗണ്ട് ഉണ്ടാക്കിയ ശേഷം അവരുടെ വിവരങ്ങൾ നൽകി യോഗ്യത ഉറപ്പ് വരുത്തണം. രജിസ്ട്രേഷൻ സമയത്ത് നൽകുന്ന മൊബൈലിൽ പാക്കേജ് ഫീ അടക്കാനുള്ള അറിയിപ്പ് ലഭിക്കും. ഡിജിറ്റൽ പേയ്മെൻ്റ് ചാനലായ സദാദ് (SADAD) സിസ്റ്റം വഴി പേയ്മെന്റ് പൂർത്തിയാക്കുന്നതോടെ ഹജ്ജ് പെർമിറ്റ് ഇഷ്യൂ ചെയ്യും. അപേക്ഷാ പ്രക്രിയകൾ പൂർണമായും ഓൺലൈൻ വഴിയായതിനാൽ തീർഥാടകർക്ക് എളുപ്പത്തിൽ തന്നെ നടപടിക്രമങ്ങൾ പൂർത്തിയാക്കാൻ സാധിക്കുമെന്നതാണ് പ്രധാന സവിശേഷത."

.ശുഭദിനം.