ബാലുശ്ശേരിയിൽ വന്ധ്യംകരണം നടത്തുന്ന തെരുവ് നായ്ക്കൾ ചത്തൊടുങ്ങുന്നതായി പരാതി.

ബാ​ലു​ശ്ശേ​രി: വ​ന്ധ്യം​ക​ര​ണ ശാസ്ത്ര​ക്രി​യ ക​ഴി​ഞ്ഞ് തി​രി​ച്ചെ​ത്തി​ക്കു​ന്ന തെ​രു​വ് നാ​യ്ക്ക​ൾ അ​വ​ശ​രാ​യി ച​ത്തൊ​ടു​ങ്ങു​ന്ന​താ​യി പ​രാ​തി ഉ​യ​രു​ന്നു. തെ​രു​വി​ൽ അ​ല​ഞ്ഞു​ന​ട​ക്കു​ന്ന നാ​യ്ക്ക​ളെ പി​ടി​ച്ചു​കൊ​ണ്ടു​പോ​യി ബാ​ലു​ശ്ശേ​രി​യി​ലെ എ.​ബി.​സി സെ​ന്റ​റി​ൽ​നി​ന്നും വ​ന്ധ്യം​ക​ര​ണ ശ​സ്ത്ര​ക്രി​യ​ക്ക് വി​ധേ​യ​മാ​ക്കി തെ​രു​വി​ലേ​ക്കു​ത​ന്നെ മ​ട​ക്കി​യെ​ത്തി​ക്കു​ന്ന​വ​യാ​ണ് അ​വ​ശ​ത​യ​നു​ഭ​വി​ച്ച് ചാ​കു​ന്ന​താ​യി പ​രാ​തി​യു​യ​ർ​ന്ന​ത്.

ക​ഴി​ഞ്ഞ​ദി​വ​സം ബാ​ലു​ശ്ശേ​രി ര​ജി​സ്ട്രാ​ർ ഓ​ഫി​സി​ന് മു​ന്നി​ലെ റോ​ഡി​ൽ വ​ന്ധ്യം​ക​ര​ണ ശ​സ്ത്ര​ക്രി​യ ക​ഴി​ഞ്ഞ തെ​രു​വു​നാ​യ് ഏ​റെ അ​വ​ശ​ത​യ​നു​ഭ​വി​ച്ച ശേ​ഷം ച​ത്തി​രു​ന്നു. അ​ര​ക്കു​താ​ഴെ ത​ള​ർ​ന്ന നി​ല​യി​ൽ എ​ഴു​ന്നേ​റ്റു നി​ൽ​ക്കാ​ൻ​പോ​ലും ക​ഴി​യാ​തെ എ​ല്ലും തോ​ലു​മാ​യ നി​ല​യി​ൽ കി​ട​ന്ന നാ​യ് ഏ​റെ താ​മ​സി​യാ​തെ ചാ​വു​ക​യാ​യി​രു​ന്നു. ബാ​ലു​ശ്ശേ​രി ടൗ​ണി​ൽ വി​വി​ധ​യി​ട​ങ്ങ​ളി​ലാ​യി ഇ​ക്ക​ഴി​ഞ്ഞ ര​ണ്ടു മാ​സ​ങ്ങ​ൾ​ക്കു​ള്ളി​ൽ അ​ഞ്ചോ​ളം തെ​രു​വ് നാ​യ്ക്ക​ൾ അ​വ​ശ​രാ​യി ച​ത്തി​ട്ടു​ണ്ട്.

ബ​സ് സ്റ്റാ​ൻ​ഡ് പ​രി​സ​രം, കൈ​ര​ളി റോ​ഡ്, കു​ടും​ബ​ശ്രീ ഹോ​ട്ട​ൽ പ​രി​സ​രം എ​ന്നി​വി​ട​ങ്ങ​ളി​ലും ക​ണ്ണാ​ടി​പ്പൊ​യി​ൽ ഭാ​ഗ​ത്തും അ​വ​ശ​രാ​യി വീ​ണു​കി​ട​ന്ന നാ​യ്ക്ക​ൾ ദി​വ​സ​ങ്ങ​ൾ​ക്കു​ള്ളി​ൽ ത​ന്നെ ച​ത്തു.

എ.​ബി.​സി സെ​ന്റ​റി​ൽ വ​ന്ധ്യം​ക​ര​ണ ശ​സ്ത്ര​ക്രി​യ ക​ഴി​ഞ്ഞ നാ​യ്ക്ക​ളെ തെ​രു​വി​ലേ​ക്ക് ത​ന്നെ തി​രി​ച്ചെ​ത്തി​ക്കു​ന്ന​ത് വേ​ണ്ട​ത്ര പ​രി​ച​ര​ണ​മോ ഭ​ക്ഷ​ണ​മോ ല​ഭി​ക്കാ​തെ​യാ​ണെ​ന്ന പ​രാ​തി​യു​ണ്ട്.

ശ​സ്ത്ര​ക്രി​യ ക​ഴി​ഞ്ഞ ആ​ൺ നാ​യ്ക്ക​ളെ നാ​ലു ദി​വ​സ​വും പെ​ൺ നാ​യ്ക്ക​ളെ അ​ഞ്ചു ദി​വ​സ​വും നി​രീ​ക്ഷ​ണ​ത്തി​ൽ വെ​ച്ച​ശേ​ഷം അ​വ​യെ പി​ടി​ച്ച സ്ഥ​ല​ത്തു​ത​ന്നെ കൊ​ണ്ടു​വി​ടു​ക​യാ​ണ്.ഇ​ങ്ങ​നെ വ​ന്ധ്യം​ക​ര​ണ ശ​സ്ത്ര​ക്രി​യ ന​ട​ത്തി​യ നാ​യ്ക്ക​ളെ തി​രി​ച്ച​റി​യാ​നാ​യി ചെ​വി​യി​ൽ ഒ​രു ക​ട്ടി​ങ് മാ​ർ​ക്കും ന​ൽ​കു​ന്നു​ണ്ട്. എ​ന്നാ​ൽ, ശ​സ്ത്ര​ക്രി​യ ക​ഴി​ഞ്ഞ് വേ​ണ്ട​ത്ര പ​രി​ച​ര​ണ​മോ ഭ​ക്ഷ​ണ​മോ ല​ഭി​ക്കാ​തെ ര​ണ്ടോ മൂ​ന്നോ ദി​വ​സം ക​ഴി​യു​മ്പോ​ഴേ​ക്കും നാ​യ്ക്ക​ളെ തെ​രു​വി​ലേ​ക്കു​ത​ന്നെ തി​രി​ച്ചെ​ത്തി​ക്കു​ക​യാ​ണെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്.

കാ​നൈ​ൻ ഡി​സ്റ്റം​ബ​ർ എ​ന്ന ഒ​രു​ത​രം വൈ​റ​സ് രോ​ഗം ബാ​ധി​ച്ചാ​ണ് നാ​യ്ക്ക​ൾ അ​വ​ശ​രാ​യി ചാ​കു​ന്ന​തെ​ന്നാ​ണ് എ.​ബി.​സി സെ​ന്റ​റി​ലെ വെ​റ്റ​റി​ന​റി ഡോ​ക്ട​ർ അ​നീ​ഷ് പ​റ​യു​ന്ന​ത്. വ​ന്ധ്യം​ക​ര​ണ ശ​സ്ത്ര​ക്രി​യ​ക്കാ​യി പി​ടി​ച്ചു​കൊ​ണ്ടു​വ​രു​മ്പോ​ൾ​ത​ന്നെ നാ​യ്ക്ക​ൾ​ക്ക് വൈ​റ​സ് രോ​ഗ​ബാ​ധ​യു​ണ്ടാ​കാ​മെ​ന്നും അ​താ​കാം പി​ന്നീ​ടു​ള്ള മ​ര​ണ​ത്തി​ന് കാ​ര​ണ​മെ​ന്നും ഡോ​ക്ട​ർ പ​റ​ഞ്ഞു.

തെ​രു​വ് നാ​യ്ക്ക​ളെ എ​ത്തി​ക്കു​ന്ന​തി​നും പ​രി​ച​ര​ണം ന​ട​ത്തു​ന്ന​തി​നു​മാ​യി എ.​ബി.​സി സെ​ന്റ​റി​ൽ ജീ​വ​ന​ക്കാ​രെ നി​യോ​ഗി​ച്ചി​ട്ടു​ണ്ട്. സെ​ന്റ​റി​ലെ​ത്തി​ക്കാ​ൻ ഒ​രു നാ​യ്ക്ക് 300 രൂ​പ​യാ​ണ് ക​രാ​ർ.ബാ​ലു​ശ്ശേ​രി​യും സ​മീ​പ പ​ഞ്ചാ​യ​ത്തു​ക​ളി​ൽ ​നി​ന്നു​മാ​യി 400ല​ധി​കം നാ​യ്ക്ക​ളെ ഇ​തു​വ​രെ വ​ന്ധ്യം​ക​ര​ണം ന​ട​ത്തി പു​റ​ത്തേ​ക്ക് വി​ട്ടി​ട്ടു​ണ്ടെ​ന്നും ഡോ. ​അ​നീ​ഷ് പ​റ​ഞ്ഞു.