താമരശ്ശേരി: ഉംറ തീർഥാടനം കഴിഞ്ഞ് മടങ്ങവേ കോഴിക്കോട് സ്വദേശിനി വിമാനത്തിൽ വച്ച് മരണപ്പെട്ടു .തലയാട് പടിക്കൽവയൽ കുന്നുമ്മൽ പരേതനായ മുഹമ്മദിന്റെ ഭാര്യ കുഞ്ഞി പാത്തുമ്മ (80) ആണ് മരണപ്പെട്ടത്.
ഇന്ത്യൻ സമയം ഇന്ന് പുലർച്ചെ മദീനയിൽ നിന്നും കോഴിക്കോട്ടേക്കുള്ള യാത്രക്കിടെ എയർ ഇന്ത്യ വിമാനത്തിൽ മസ്കറ്റിൽ വെച്ചാണ് മരണം. വിമാനം മസ്കറ്റ് വിമാനത്താവളത്തിൽ എമർജൻസി ലാന്റിങ് നടത്തി മൃതദേഹം ഹോസ്പിറ്റലിലേക്ക് മാറ്റി.
മക്കൾ: മുജീബ്, സുബൈദ, മൈമൂനത്ത്,ലൈല, കൗലത്ത്, മുനീറ, മരുമക്കൾ: ഹംസ, ബഷീർ, നാസർ, അബൂബക്കർ.
കൂടെ യാത്ര ചെയ്ത പെൺമക്കൾ അതെ വിമാനത്തിൽ കോഴിക്കോട്ടിറങ്ങി. മയ്യിത്ത് പരിപാലനവും, നാട്ടിലേക്കയക്കാനുള്ള നടപടിക്രമങ്ങളും പൂർത്തിയായതായി കെ.എം.സി.സി പ്രവർത്തകരും,മറ്റ് മലയാളി സംഘടനകളും അറിയിച്ചു.മയ്യത്ത് നാട്ടിൽ എത്തുന്ന മുറക്ക് തലയാട് ജുമാ മസ്ജിദിൽ ഖബറടക്കും.