നാല് രാജ്യങ്ങളില്‍ നിന്നുള്ള വിമാന സര്‍വീസുകള്‍ക്ക് യുഎഇയില്‍ താത്ക്കാലിക വിലക്ക്.

അബുദാബി: നാല് രാജ്യങ്ങളില്‍ നിന്നുള്ള വിമാന സര്‍വീസുകള്‍ക്ക് യുഎഇയില്‍ താത്ക്കാലികമായി വിലക്ക് ഏര്‍പ്പെടുത്തി. കെനിയ, ടാന്‍സാനിയ, എത്യോപ്യ, നൈജീരിയ എന്നീ നാല് രാജ്യങ്ങളില്‍ നിന്നുള്ളവര്‍ക്കാണ് വിലക്ക് ഏര്‍പ്പെടുത്തിയത്.

ഈ നാല് രാജ്യങ്ങളില്‍ നിന്ന് രാജ്യത്തേക്കു വരുന്ന എല്ലാ ആഭ്യന്തര- അന്താരാഷ്ട്ര വിമാന സര്‍വീസുകള്‍ക്കും ട്രാന്‍സിറ്റ് യാത്രക്കാര്‍ക്കും ഈ നിബന്ധന ബാധകമാണ്. ഡിസംബര്‍ 25 മുതല്‍ രാവിലെ 7.30 മുതലാണ് വിലക്ക് പ്രാബല്യത്തില്‍ വരിക. കൊവിഡിന്റെ പുതിയ വകഭേദമായ ഒമിക്രോണ്‍ റിപ്പോര്‍ട്ട് ചെയ്തതിന് പിന്നാലെയാണ് ഈ തീരുമാനം.

യുഎഇയില്‍ നിന്ന് വരുന്നതിന് 14 ദിവസങ്ങള്‍ക്ക് മുമ്പ് നാല് രാജ്യങ്ങളില്‍ നിന്നുള്ള യാത്രക്കാര്‍ക്കുള്ള പ്രവേശനം നിരോധിച്ചു. യുഎഇയില്‍ നിന്ന് ഈ രാജ്യങ്ങളിലേക്ക് യാത്രക്കാരെ കൊണ്ടുപോകുന്നതിനുള്ള നടപടികള്‍ നടന്നു കൊണ്ടിരിക്കുകയാണ്.

യുഎഇ പൗരന്മാര്‍, ആദ്യ ഡിഗ്രി ബന്ധുക്കള്‍, ഡിപ്ലോമാറ്റിക് മിഷനുകള്‍, യുഎഇയും മൂന്ന് രാജ്യങ്ങളും തമ്മിലുള്ള ഔദ്യോഗിക പ്രതിനിധികള്‍, ഗോള്‍ഡന്‍ റസിഡന്‍സ് ഉള്ളവര്‍ എന്നിവരെല്ലാം ഈ നിബന്ധനകളില്‍ നിന്ന് പുറത്തായി. ഈ വിഭാഗത്തില്‍പ്പെട്ടവര്‍ പുറപ്പെടുന്നതിന് 48 മണിക്കൂറിനുള്ളിലുള്ള കൊവിഡ് നെഗറ്റീവ് സര്‍ട്ടിഫിക്കറ്റ്, വിമാനത്താവളത്തിലെത്തി 6 മണിക്കൂറിനുള്ളില്‍ എടുത്ത റാപ്പിഡ് പിസിആര്‍ പരിശോധനാ സര്‍ട്ടിഫിക്കറ്റ്, യുഎഇയിലെത്തിയതിന് ശേഷം വിമാനത്താവളത്തില്‍ വച്ചെടുത്ത പിസിആര്‍ പരിശോധന എന്നിവയെല്ലാം സമര്‍പ്പിക്കണം.

യുഎഇ പൗരന്മാര്‍, ഫസ്റ്റ് ഡിഗ്രി റിലേറ്റീവ്‌സ്, പ്രതിനിധികള്‍, ഗോള്‍ഡ്ന്‍ വിസ സ്വന്തമാക്കിയവര്‍ എന്നിവര്‍ക്ക് 10 ദിവസം ക്വാറന്റൈന്‍ പാലിക്കുകയും രാജ്യത്തെത്തി 9ാം ദിവസം പിസിആര്‍ പരിശോധന എടുക്കുകയും വേണം. മറ്റ് രാജ്യങ്ങളില്‍ നിന്നുള്ളവര്‍ ഈ നാല് രാജ്യങ്ങള്‍ വഴി വരുന്ന യാത്രക്കാര്‍ യുഎഇയിലേക്ക് പ്രവേശനം അനുവദിക്കുന്നതുവരെ അടുത്ത രാജ്യങ്ങളില്‍ താമസിക്കണമെന്ന് ജിസിഎഎ പറഞ്ഞു.

യുഎഇ പൗരന്മാര്‍ക്ക് നാല് ആഫ്രിക്കന്‍ രാജ്യങ്ങളിലേക്ക് രാജ്യത്തെ അടിയന്തര ചികിത്സാ കേസുകള്‍, ഔദ്യോഗിക പ്രതിനിധികള്‍, സ്‌കോളര്‍ഷിപ്പുകള്‍ എന്നിവ ഒഴികെയുള്ള ആവശ്യങ്ങള്‍ക്ക് യാത്ര ചെയ്യുന്നത് വിലക്കിയിരുന്നു. കൂടാതെ, ഉഖാണ്ട, ഘാന എന്നീ രാജ്യങ്ങളില്‍ നിന്ന് നേരിട്ടുള്ള വിമാനങ്ങളില്‍ നിന്ന് വരുന്നവര്‍ പുതിയ യാത്രാ നിബന്ധനകള്‍ പാലിക്കണം. പുറപ്പെടുന്നതിന് 48 മണിക്കൂറിനുള്ളിലുള്ള കൊവിഡ് നെഗറ്റീവ് സര്‍ട്ടിഫിക്കറ്റ്, വിമാനത്താവളത്തില്‍ എത്തിയതിന് ശേഷം ആറ് മണിക്കൂറിനുള്ളില്‍ റാപ്പിഡ് പിസിആര്‍ പരിശോധനാ ഫലം ഹാജരാക്കണം.