മങ്ങാട് എയുപി സ്കൂളുകളിൽ ജനകീയ ശുചീകരണം നടത്തി

മങ്ങാട് എയുപി സ്കൂളിൽ, രക്ഷിതാക്കൾ, രാഷ്ട്രീയ പാർട്ടി പ്രവർത്തകർ, സന്നദ്ധ സംഘടനകൾ, വിവിധ ക്ലബ്ബ് അംഗങ്ങൾ,പിടിഎ ,മദർ പിടിഎ  ,പൊതുപ്രവർത്തകർ, തൊഴിലുറപ്പ് തൊഴിലാളികൾ, പൂർവ വിദ്യാർത്ഥികൾ, എന്നിങ്ങനെ 100 ൽ കൂടുതൽ ആളുകൾ പങ്കെടുത്ത് ജനകീയ ശുചീകരണം നടത്തി.

ശുചീകരണ  പ്രവർത്തന ഉദ്ഘാടനം ഉണ്ണികുളം ഗ്രാമപഞ്ചായത്ത് പ്രസിഡന്റ് ഇന്ദിര ഏറാടിയിൽ നിർവഹിച്ചു. പിടിഎ പ്രസിഡന്റ്  അബ്ദുൽ ഷുക്കൂർ ചാലിൽ അധ്യക്ഷത വഹിച്ചു.

വാർഡ് മെമ്പർ  ഖൈറുന്നിസ റഹീം , പിടിഎ വൈസ് പ്രസിഡന്റ് ഷാജി,മദർ പിടിഎ ചെയർപേഴ്സൺ ഷമീല, എസ് എസ് ജി ചെയർമാൻ സി വി ബാലകൃഷ്ണൻ നായർ,

ഹെഡ്മിസ്ട്രസ്സ് ജമീല ടീച്ചർ, ശുചീകരണ കമ്മറ്റി കൺവീനർ ജുനൈദ് ഒ,വാർഡ് കൺവീനർ തൊളോത്ത് മുനീർ എന്നിവർ ശുചീകരണത്തിന്  നേതൃത്വം നൽകി