ATM പ്രവർത്തനം കാര്യക്ഷമമാക്കണം:യൂത്ത് ലീഗ്

എളേറ്റിൽ:എളേറ്റിൽ വട്ടോളിയിലെയും സമീപ പ്രദേശങ്ങളിലെയും ജനങ്ങൾ ഏറെ ആശ്രയിക്കുന്ന എളേറ്റിൽ കനറാ ബാങ്ക്  ATM പ്രവർത്തനം നിലച്ചിട്ട് മാസങ്ങളായി.കോവിഡ് പ്രതിസന്ധിയിലും ATM പ്രവർത്തിക്കാത്തതിനാൽ ബാങ്കിൽ ഇടപാടുകരുടെ എണ്ണത്തിൽ വർധനവുണ്ടാകുന്നു.എടിഎം വഴി കൈകാര്യം ചെയ്യേണ്ട പല കാര്യങ്ങൾക്കും ഇടപാടുകർ ബാങ്കിനെ സമീപിക്കുന്നത് വലിയ ബുദ്ധിമുട്ടുണ്ടാക്കുന്നു.നിരന്തരം പരാതികൾ നൽകിയിട്ടും പ്രശ്നം പരിഹരിക്കപ്പെട്ടില്ലെന്ന് നാട്ടുകാർ അഭിപ്രായപ്പെടുന്നുണ്ട്.

 

എ.ടി.എം. ഉടനടി പ്രവർത്തനക്ഷമമാക്കാൻ വേണ്ട നടപടികൾ കൈകൊള്ളണമെന്ന് കിഴക്കോത്ത് പഞ്ചായത്ത് മുസ്‌ലിം യൂത്ത് ലീഗ് ആവശ്യപ്പെട്ടു. ബേങ്ക് മാനേജരെ നേരിൽ കണ്ട് പരാതി നൽകുകയും ചെയ്തു. പരിഹാരം കണ്ടില്ലെങ്കിൽ പ്രത്യക്ഷ സമരത്തിന് നേതൃത്വം നൽകുമെന്ന് പഞ്ചായത്ത് യൂത്ത് ലീഗ് ഭാരവാഹികൾ  മുന്നറിയയിപ്പ് നൽകി. 

 

പഞ്ചായത്ത് യൂത്ത് ലീഗ് പ്രസിഡണ്ട്‌ ഷമീർ പറക്കുന്ന്, ജനറൽ സെക്രെട്ടറി എം കെ സി അബ്ദുറഹിമാൻ, വൈസ് പ്രസിഡണ്ട്‌ ഫസൽ ആവിലോറ എ, സെക്രട്ടറി ജാഫർ അരീക്കര , സൈനു ദ്ധീൻ താഴെച്ചാൽ, ഹാരിസ് എളേറ്റിൽ , റസാഖ് മലയിൽ, ഉമർ സാലി, മുഹമ്മദലി ഈസ്റ്റ് കിഴക്കോത്ത് എന്നിവർ സംബന്ധിച്ചു.