കിഴക്കോത്ത് മൂനമണ്ണിൽ തോട് പാലം ഉദ്ഘാടനം ചെയ്തു.

കൊടുവള്ളി നിയോജക മണ്ഡലം കാരാട്ട് റസാഖ് എം.എൽ.എ.യുടെ ആസ്തിവികസന ഫണ്ടിൽ നിന്നും 35 ലക്ഷം രൂപ വകയിരുത്തി നിർമ്മിച്ച പാലവും അപ്രോച്ച് റോഡും കോവിഡ് - 19 പ്രോട്ടോക്കോൾ പാലിച്ച് കൊണ്ട്  അഡ്വ. പി.ടി.എ. റഹീം എം.എൽ.എ. മുഖ്യാതിഥിയായ ചടങ്ങിൽ ഗ്രാമ പഞ്ചായത്ത് മെമ്പർ നസീമജമാലുദ്ദീന്റെ അധ്യക്ഷതയിൽ കാരാട്ട് റസാഖ് എം.എൽ.എ. ഉദ്ഘാടനം ചെയ്തു. 

ഒരു തുരുത്തിൽ ഒറ്റപ്പെട്ട് കഴിഞ്ഞിരുന്ന കുടുംബങ്ങൾക്കാണ് ഈ പാലം മൂലം യാത്രാസൗകര്യമായത്. വെള്ളപ്പൊക്കം മൂലം ദുരിതമനുഭവിക്കുന്ന ഈ പ്രദേശത്തുകാർക്ക് ഇത് വലിയ ഒരാശ്വാസമാണ്. 

വർഷ കാലത്ത് പ്രായമായവരെയും രോഗികളെയും ഇവിടെ നിന്നും പുറത്തെത്തിക്കുക വളരെ പ്രയാസമായിരുന്നു. പ്രദേശവാസികളുടെ ചിരകാലാഭിലാഷമാണ് ഇതോടെ പൂർത്തീകരിക്കപ്പെട്ടത്.