കോഴിക്കോട്: സംസ്ഥാനത്തെ ആദ്യത്തെ ജില്ലാ ദുരന്തനിവാരണ ടീം 'ദ്രുതം' കോഴിക്കോട് ജില്ലയില് ഒരുങ്ങുന്നു. ഓരോ പ്രദേശത്തും ദുരിതാശ്വാസ പ്രവര്ത്തനങ്ങള്ക്ക് നേതൃത്വം നല്കാന് ശാസ്ത്രീയ പരിശീലനം നേടിയവരുടെ സംഘമാണ് രൂപീകരിക്കുന്നത്.
ജില്ലാ ദുരന്തനിവാരണസേനയുടെ പ്രഖ്യാപനവും ലോഗോ പ്രകാശനവും കളക്ടര് യു.വി. ജോസ് നിര്വഹിച്ചു. നിപ്പാ വൈറസും കരിഞ്ചോല ഉരുള്പൊട്ടലുമെല്ലാം പഠിപ്പിച്ച പാഠങ്ങളില് നിന്നാണ് ജില്ലാ ദുരന്തനിവാരണ സേനയുടെ പ്രവര്ത്തനങ്ങള് ജില്ലാഭരണകൂടം ആരംഭിച്ചത്.
മനുഷ്യസ്നേഹം കൊണ്ടാണ് ദുരന്തങ്ങളെ കോഴിക്കോട് നേരിട്ടത്. നിപ്പാ വൈറസ് ജില്ലയില് ബാധിച്ചപ്പോള് ഏഞ്ചല്സുമായി സഹകരിച്ച് ദുരന്തനിവാരണ സേന രൂപീകരിക്കാന് ഒരുക്കങ്ങള് നടത്തിയിരുന്നു. പിന്നീട് പ്രളയവും ഉരുള്പൊട്ടലും ഉണ്ടായതോടെ പദ്ധതി നീണ്ടുപോവുകയായിരുന്നെന്നും അദ്ദേഹം പറഞ്ഞു.
സിവില്സ്റ്റേഷനിലെ ജില്ലാ ആസൂത്രണ സമിതി ഹാളില് നടന്ന ഗാന്ധിജയന്തി വാരാഘോഷ സമാപന ചടങ്ങില് സിറ്റി പോലീസ് കമ്മീഷണര് കാളിരാജ് മഹേഷ്കുമാര് അധ്യക്ഷത വഹിച്ചു. ഡോ. അജില് അബ്ദുള്ള പദ്ധതി വിശദീകരണം നടത്തി.
ബ്ലോക്ക് പഞ്ചായത്ത് അസോസിയേഷന് പ്രസിഡന്റ് സി.എച്ച്. ബാലകൃഷ്ണന്, ഗ്രാമപഞ്ചായത്ത് അസോസിയേഷന് പ്രസിഡന്റ് വി.കെ. വിനോദ്, പിആര്ഡി മേഖലാ ഡെപ്യൂട്ടി ഡയറക്ടര് ഇ.വി. സുഗതന്, പഞ്ചായത്ത് ഡെപ്യൂട്ടി ഡയറക്ടര് ഒ. മീനാകുമാരി അമ്മ, ജില്ലാ ഫയര് ഫോഴ്സ് ഓഫീസര് ടി. രജീഷ്, ഡോ ബാലസുബ്രഹ്മണ്യം, മാത്യു സി കുളങ്ങര, മുസ്തഫ കെ.പി, ജസ്ലി റഹ്മാന്, പി.പി. രാജന്, ഡോ. മനോജ് കാളൂര്, ജില്ലാ ഇന്ഫര്മേഷന് ഓഫീസര് എം. മധുസൂദനന്, ഡെപ്യൂട്ടി കളക്ടര് എന്. റംല തുടങ്ങിയവര് പ്രസംഗിച്ചു.
ഡോ. എം.കെ. ചന്ദ്രമോഹനാണ് ലോഗോ രൂപകല്പ്പന ചെയ്തത്. റവന്യൂ, പോലീസ്, ആരോഗ്യം, ഫയര് ആന്ഡ് റസ്ക്യൂ, ഏഞ്ചല്സ് എന്നിവയുടെ മേല്നോട്ടത്തിലാണ് ദ്രുതിന്റെ പ്രവര്ത്തനങ്ങള്.
കളക്ടറേറ്റിലെ ജില്ലാ ദുരന്ത നിവാരണ വിഭാഗം ജില്ലയിലെ പ്രവര്ത്തനങ്ങള് ഏകോപിപ്പിക്കും. 30 മുതല് 50 വരെ അംഗങ്ങളടങ്ങുന്ന 10 സേനകളാണ് പ്രാദേശികതലങ്ങളില് ആദ്യഘട്ടത്തില് രൂപീകരിക്കുന്നത്. ജില്ലാ തലത്തില് കളക്ടറും പ്രാദേശിക തലങ്ങളില് തഹസില്ദാര്മാരും സേനയെ നിയന്ത്രിക്കും.
ജില്ലാ ദുരന്തനിവാരണസേനയുടെ പ്രഖ്യാപനവും ലോഗോ പ്രകാശനവും കളക്ടര് യു.വി. ജോസ് നിര്വഹിച്ചു. നിപ്പാ വൈറസും കരിഞ്ചോല ഉരുള്പൊട്ടലുമെല്ലാം പഠിപ്പിച്ച പാഠങ്ങളില് നിന്നാണ് ജില്ലാ ദുരന്തനിവാരണ സേനയുടെ പ്രവര്ത്തനങ്ങള് ജില്ലാഭരണകൂടം ആരംഭിച്ചത്.
മനുഷ്യസ്നേഹം കൊണ്ടാണ് ദുരന്തങ്ങളെ കോഴിക്കോട് നേരിട്ടത്. നിപ്പാ വൈറസ് ജില്ലയില് ബാധിച്ചപ്പോള് ഏഞ്ചല്സുമായി സഹകരിച്ച് ദുരന്തനിവാരണ സേന രൂപീകരിക്കാന് ഒരുക്കങ്ങള് നടത്തിയിരുന്നു. പിന്നീട് പ്രളയവും ഉരുള്പൊട്ടലും ഉണ്ടായതോടെ പദ്ധതി നീണ്ടുപോവുകയായിരുന്നെന്നും അദ്ദേഹം പറഞ്ഞു.
സിവില്സ്റ്റേഷനിലെ ജില്ലാ ആസൂത്രണ സമിതി ഹാളില് നടന്ന ഗാന്ധിജയന്തി വാരാഘോഷ സമാപന ചടങ്ങില് സിറ്റി പോലീസ് കമ്മീഷണര് കാളിരാജ് മഹേഷ്കുമാര് അധ്യക്ഷത വഹിച്ചു. ഡോ. അജില് അബ്ദുള്ള പദ്ധതി വിശദീകരണം നടത്തി.
ബ്ലോക്ക് പഞ്ചായത്ത് അസോസിയേഷന് പ്രസിഡന്റ് സി.എച്ച്. ബാലകൃഷ്ണന്, ഗ്രാമപഞ്ചായത്ത് അസോസിയേഷന് പ്രസിഡന്റ് വി.കെ. വിനോദ്, പിആര്ഡി മേഖലാ ഡെപ്യൂട്ടി ഡയറക്ടര് ഇ.വി. സുഗതന്, പഞ്ചായത്ത് ഡെപ്യൂട്ടി ഡയറക്ടര് ഒ. മീനാകുമാരി അമ്മ, ജില്ലാ ഫയര് ഫോഴ്സ് ഓഫീസര് ടി. രജീഷ്, ഡോ ബാലസുബ്രഹ്മണ്യം, മാത്യു സി കുളങ്ങര, മുസ്തഫ കെ.പി, ജസ്ലി റഹ്മാന്, പി.പി. രാജന്, ഡോ. മനോജ് കാളൂര്, ജില്ലാ ഇന്ഫര്മേഷന് ഓഫീസര് എം. മധുസൂദനന്, ഡെപ്യൂട്ടി കളക്ടര് എന്. റംല തുടങ്ങിയവര് പ്രസംഗിച്ചു.
ഡോ. എം.കെ. ചന്ദ്രമോഹനാണ് ലോഗോ രൂപകല്പ്പന ചെയ്തത്. റവന്യൂ, പോലീസ്, ആരോഗ്യം, ഫയര് ആന്ഡ് റസ്ക്യൂ, ഏഞ്ചല്സ് എന്നിവയുടെ മേല്നോട്ടത്തിലാണ് ദ്രുതിന്റെ പ്രവര്ത്തനങ്ങള്.
കളക്ടറേറ്റിലെ ജില്ലാ ദുരന്ത നിവാരണ വിഭാഗം ജില്ലയിലെ പ്രവര്ത്തനങ്ങള് ഏകോപിപ്പിക്കും. 30 മുതല് 50 വരെ അംഗങ്ങളടങ്ങുന്ന 10 സേനകളാണ് പ്രാദേശികതലങ്ങളില് ആദ്യഘട്ടത്തില് രൂപീകരിക്കുന്നത്. ജില്ലാ തലത്തില് കളക്ടറും പ്രാദേശിക തലങ്ങളില് തഹസില്ദാര്മാരും സേനയെ നിയന്ത്രിക്കും.
Tags:
KOZHIKODE