സംസ്ഥാനത്തെ നാല് സ്വകാര്യ മെഡിക്കല് കോളെജുകളിലെ പ്രവേശനം സുപ്രീംകോടതി സ്റ്റേ ചെയ്തു. തൊടുപുഴ അല് അസ്ഹര്, വയനാട് ഡിഎം, പാലക്കാട് പികെ ദാസ്, വര്ക്കല എസ്ആര് എന്നീ മെഡിക്കല് കോളെജുകളിലെ പ്രവേശന നടപടികളാണ് സ്റ്റേ ചെയ്തത്. മെഡിക്കല് കൗണ്സിലിന്റെ ഹര്ജി പരിഗണിച്ചായിരുന്നു കോടതി ഉത്തരവ്.
പ്രവേശനാനുമതി നല്കിയ ഹൈക്കോടതി നടപടി അംഗീകരിക്കാനാവില്ലെന്നു വിധിയില് കോടതി വ്യക്തമാക്കി. പ്രവേശനം നേടുന്നവര്ക്ക് പുറത്തുപോകേണ്ട സാഹചര്യം ഉണ്ടാകുമെന്ന മുന്നറിയിപ്പും നല്കി. ഈ വര്ഷത്തെ പ്രവേശനത്തില് മാനദണ്ഡങ്ങളൊന്നും നാല് കോളെജുകളും പാലിച്ചില്ലെന്ന് മെഡിക്കല് കൗണ്സില് ഹര്ജിയില് ചൂണ്ടിക്കാട്ടിയിരുന്നു. ഇത് അംഗീകരിച്ച കോടതി കേസില് കൂടുതല് വാദം കേള്ക്കാമെന്നും പ്രവേശന നടപടികള് നിര്ത്തിവയ്ക്കാനും ഉത്തരവിട്ടു.
Tags:
EDUCATION