ഇന്ധനവിലക്കെതിരായ ഹർത്താൽ കേരളത്തിൽ പൂർണം

തി​രു​വ​ന​ന്ത​പു​രം: ഇ​ന്ധ​ന ​വി​ല​വ​ർ​ധ​ന​ക്കെ​തി​രെ യു.​ഡി.​എ​ഫും ഇ​ട​തു​പാ​ർ​ട്ടി​ക​ളും ആ​ഹ്വാ​നം ചെ​യ്​​ത 12 മ​ണി​ക്കൂ​ർ ഹ​ർ​ത്താ​ൽ പൂർണം. തിരുവനന്തപുരത്ത്  പ്രതിപക്ഷ നേതാവ് രമേശ് ചെന്നിത്തലയുടെ നേതൃത്വത്തിൽ കാളവണ്ടിയിൽ യാത്ര നടത്തി. കോൺഗ്രസ്, യു.ഡി.എഫ് നേതാക്കളും പ്രവർത്തകരും യാത്രയിൽ പങ്കെടുത്തു. ഇന്ധനവില ജി.എസ്.ടിയിൽ ഉൾപ്പെടുത്തണമെന്ന് ചെന്നിത്തല ആവശ്യപ്പെട്ടു. കോഴിക്കോട് ഡി.സി.സി പ്രസിഡന്‍റ് ടി. സിദ്ദീഖിന്‍റെ നേതൃത്വത്തിൽ കോൺഗ്രസ് പ്രവർത്തകർ പ്രതിഷേധം പ്രകടനം നടന്നു. 

അതേസമയം, ദു​രി​താ​ശ്വാ​സ  പ്ര​വ​ര്‍ത്ത​ന​ങ്ങ​ള്‍ക്ക് വേ​ണ്ടി ഉ​പ​യോ​ഗി​ക്കു​ന്ന  വാ​ഹ​ന​ങ്ങ​ളെ​യും, വി​വാ​ഹം, ആ​ശു​പ​ത്രി, വി​മാ​ന​ത്താ​വ​ളം, വി​ദേ​ശ ടൂ​റി​സ്​​റ്റു​ക​ള്‍, പാ​ല്‍, പ​ത്രം തു​ട​ങ്ങി​യ​വ​യെ​യും ഹ​ര്‍ത്താ​ലി​ല്‍ നി​ന്നൊ​ഴി​വാ​ക്കി​യി​ട്ടു​ണ്ട്. പ്ര​ള​യ​ബാ​ധി​ത പ്ര​ദേ​ശ​ങ്ങ​ളി​ലെ ജ​ന​ങ്ങ​ളു​ടെ സാ​ധാ​ര​ണ ജീ​വി​ത​ത്തി​നും ദു​രി​താ​ശ്വാ​സ പ്ര​വ​ര്‍ത്ത​ന​ങ്ങ​ള്‍ക്കും ത​ട​സ്സം ഉ​ണ്ടാ​കി​ല്ല.

പെ​ട്രോ​ളി​നും, ഡീ​സ​ലി​നും വി​ല​യി​ല്‍ സ​ര്‍വ​കാ​ല ​െറ​േ​ക്കാ​ഡി​ട്ട സാ​ഹ​ച​ര്യ​ത്തി​ല്‍ എ.​ഐ.​സി.​സി പ്ര​ഖ്യാ​പി​ച്ച ദേ​ശീ​യ ബ​ന്ദി​ല്‍ നി​ന്ന്​ കേ​ര​ള​ത്തി​ന് ഒ​ഴി​ഞ്ഞ്  നി​ല്‍ക്കാ​നാ​വാ​ത്ത​തി​നാ​ലാ​ണ് യു.​ഡി.​എ​ഫി​​​​​െൻറ നേ​തൃ​ത്വ​ത്തി​ല്‍ ഹ​ര്‍ത്താ​ല്‍ ന​ട​ത്തു​ന്ന​തെ​ന്ന്​ ഹ​സ​ൻ വാ​ർ​ത്ത​ക്കു​റി​പ്പി​ൽ വ്യ​ക്ത​മാ​ക്കി. ഇ​ട​തു​പാ​ർ​ട്ടി​ക​ളും ദേ​ശീ​യ​ത​ല​ത്തി​ൽ 12 മ​ണി​ക്കൂ​ർ ഹ​ർ​ത്താ​ലി​ന്​ ആ​ഹ്വാ​നം ചെ​യ്​​തി​രുന്നു.  

രാ​വി​ലെ ആ​റി​ന് തു​ട​ങ്ങിയ ഹർത്താൽ വൈ​കീ​ട്ട്​ ആ​റിന് അവസാനിക്കും. എ.​ഐ.​സി.​സി ആ​ഹ്വാ​നം ചെ​യ്ത​ത്​ ദേ​ശീ​യ​ ത​ല​ത്തി​ൽ ആ​റു മ​ണി​ക്കൂ​ർ ഭാ​ര​ത്​ ബ​ന്ദി​നാ​ണെ​ങ്കി​ല​ും കേ​ര​ള​ത്തി​ല്‍ ഹ​ര്‍ത്താ​ൽ നടത്താൻ കെ.പി.സി.സി തീരുമാനിക്കുകയായിരുന്നു. ​