ജലനിരപ്പ് ഉയർന്നതിനെ തുടർന്ന് ചെറുതോണി അണക്കെട്ടിലെ അഞ്ച് ഷട്ടറുകളും വീണ്ടും തുറന്നു. മഴ ശക്തമാകുകയും ജലനിരപ്പ് ഉയരുകയും ചെയ്തതിനെ തുടർന്നാണ് ഷട്ടർ ഉയർത്തിയത്. ജലനിരപ്പ് കുറഞ്ഞതോടെ അടച്ച ഒന്ന്, അഞ്ച് ഷട്ടറുകളാണ് ഒരു മീറ്റർ വീതം തുറന്നത്. നിലവില് തുറന്നിരിക്കുന്ന രണ്ട്, മൂന്ന്, നാല് ഷട്ടറുകൾ 1.4 മീറ്ററായും ഉയർത്തും. ഇതോടെ ചെറുതോണി പാലത്തിൽ വീണ്ടും വെള്ളം കയറാൻ സാധ്യതയുണ്ട്. നേരത്തേ ജലനിരപ്പ് 24 മണിക്കൂറിനിടെ ഒന്നരയടിയോളം കുറഞ്ഞ് 2397 അടിയിലെത്തിയതോടെയാണ് അടച്ചത്.
Tags:
KERALA