ത്യാഗത്തിന്റെയും, ആത്മ സമര്‍പ്പണത്തിന്റെയും സന്ദേശം പകര്‍ന്ന് ബലിപെരുന്നാള്‍.

മുസ്ലിം വിശ്വാസികള്‍ പ്രാര്‍ഥനകളോടെയും സാഹോദര്യത്തിന്റെ സന്ദേശങ്ങളോടെയും ബലിപെരുന്നാള്‍ ആഘോഷിക്കുന്നു. സ്നേഹത്തിന്റെയും ത്യാഗത്തിന്റെയും ഉജ്ജ്വല സ്മരണകൾ ഉണർത്തി വീണ്ടും ഒരു ബലിപെരുന്നാൾ കൂടി. 

അല്ലാഹുവിന്റെ പ്രീതിക്കായി സ്വന്തം ഇഷ്ടങ്ങളെ ബലികഴിക്കാൻ തയ്യാറായ ഇബ്രാഹിം നബിയുടെയും ഇസ്മായിൽ നബിയുടെയും ചരിത്രം നമുക്ക് പകർന്നു നൽകുന്നത് അചഞ്ചലമായ വിശ്വാസത്തിന്റെ കരുത്താണ്. ഈ വലിയ പെരുന്നാൾ ദിനത്തിൽ സമാധാനവും സന്തോഷവും സമർപ്പണ ബോധവും നമ്മുടെ ജീവിതത്തിൽ നിറയട്ടെ.

നമ്മുടെ ഉള്ളിലെ അഹന്തയെയും സ്വാർത്ഥതയെയും ബലികഴിക്കാൻ ഈ ദിനം നമ്മെ ഓർമ്മിപ്പിക്കുന്നു.

പരീക്ഷണങ്ങളിൽ തളരാതെ ദൈവത്തിൽ അർപ്പിച്ച വിശ്വാസം എങ്ങനെ വിജയിക്കുന്നു എന്നതിന്റെ അടയാളമാണ് ഈ പെരുന്നാൾ.

ഒരേ മനസ്സോടെ പ്രാർത്ഥനകളിലും പങ്കുവെക്കലുകളിലും മുഴുകുന്ന ഈ ദിനം സ്നേഹത്തിന്റെ പാലം പണിയുന്നു.

ഈ മുഹൂർത്തം സന്തോഷകരവും അനുഗ്രഹീതവുമാകട്ടെ! 

ഈദ് മുബാറക്.