വരും ദിവസങ്ങളിൽ കേരളത്തിൽ ട്രെയിൻ സർവീസുകൾക്ക് നിയന്ത്രണം

 

തിരുവനന്തപുരം റെയിൽവേ ഡിവിഷന് കീഴിൽ നടക്കുന്ന അറ്റകുറ്റപ്പണികൾ കാരണം സംസ്ഥാനത്ത് വരും ദിവസങ്ങളിൽ ട്രെയിൻ സർവീസുകളിൽ നിയന്ത്രണം ഏർപ്പെടുത്തുമെന്ന് റെയിൽവേ അറിയിച്ചു. ചില ട്രെയിൻ സർവീസുകൾ ഭാഗികമായി റദ്ദാക്കുകയും മറ്റ് ചിലത് വഴി തിരിച്ചുവിടുകയും ചെയ്യും.

പ്രധാന മാറ്റങ്ങൾ ഇങ്ങനെ:
 * പരശുറാം എക്സ്പ്രസ്: ജൂലൈ 6, 7 തീയതികളിൽ പരശുറാം എക്സ്പ്രസ് (16650) തിരുവനന്തപുരം വരെ മാത്രമേ സർവീസ് നടത്തുകയുള്ളൂ. ജൂലൈ 7, 8 തീയതികളിൽ കന്യാകുമാരി – മംഗളൂരു പരശുറാം എക്സ്പ്രസ് (16650) തിരുവനന്തപുരത്ത് നിന്നാണ് സർവീസ് ആരംഭിക്കുക.
 * ഷൊർണൂർ ജംഗ്ഷൻ – തൃശൂർ പാസഞ്ചർ (56605): ജൂലൈ 19, 28 എന്നീ ദിവസങ്ങളിലെ സർവീസ് പൂർണമായും റദ്ദാക്കിയിട്ടുണ്ട്.
 * തിരുച്ചിറപ്പള്ളി – തിരുവനന്തപുരം സൂപ്പർ ഫാസ്റ്റ് എക്സ്പ്രസ് (12695): ജൂലൈ 9-നുള്ള ഈ ട്രെയിൻ വള്ളിയൂരിനും തിരുവനന്തപുരത്തിനുമിടയിൽ സർവീസ് നടത്തില്ല.
 * എം.ജി.ആർ. ചെന്നൈ സെൻട്രൽ – തിരുവനന്തപുരം സെൻട്രൽ സൂപ്പർ ഫാസ്റ്റ് എക്സ്പ്രസ് (12695): ജൂലൈ 25-നുള്ള ഈ ട്രെയിനിന്റെ സർവീസ് കോട്ടയത്ത് അവസാനിക്കും.
 * തിരുവനന്തപുരം സെൻട്രൽ – എം.ജി.ആർ. ചെന്നൈ സൂപ്പർഫാസ്റ്റ് (12696): ജൂലൈ 26-ന് ഈ ട്രെയിൻ കോട്ടയത്ത് നിന്നാണ് സർവീസ് ആരംഭിക്കുക.
 * തൃശൂർ – കണ്ണൂർ എക്സ്പ്രസ് (16609): ജൂലൈ 29-ന് ഈ ട്രെയിൻ ഷൊർണൂരിൽ നിന്നാണ് പുറപ്പെടുക.
 * എറണാകുളം ജംഗ്ഷൻ – ഹസ്രത് നിസാമുദ്ദീൻ എക്സ്പ്രസ് (12645): ജൂലൈ 19-നുള്ള ഈ ട്രെയിനിന്റെ സമയക്രമത്തിൽ മാറ്റം വന്നിട്ടുണ്ട്. വൈകീട്ട് 19.10-ന് പകരം 20.50-നാണ് ട്രെയിൻ യാത്ര തിരിക്കുക.
യാത്രക്കാർക്ക് ബുദ്ധിമുട്ടുകൾ ഒഴിവാക്കാൻ ഈ മാറ്റങ്ങൾ ശ്രദ്ധിക്കണമെന്ന് റെയിൽവേ അധികൃതർ അഭ്യർത്ഥിച്ചു.
പുതിയ 'റെയിൽ വൺ ആപ്പ്' സേവനത്തിൽ:
അതേസമയം, ഇന്ത്യൻ റെയിൽവേയുടെ എല്ലാ സേവനങ്ങളും ഒരൊറ്റ കുടക്കീഴിൽ ലഭ്യമാക്കുന്ന ‘റെയിൽ വൺ ആപ്പ്’ സേവനം തുടങ്ങിയിരിക്കുകയാണ്. ടിക്കറ്റ് ബുക്കിംഗ്, പി.എൻ.ആർ. സ്റ്റാറ്റസ്, ട്രെയിൻ ട്രാക്കിംഗ്, അൺറിസേർവ്ഡ് ടിക്കറ്റുകൾ എന്നിവയെല്ലാം ഈ ആപ്പിൽ ലഭ്യമാണ്. സേവനങ്ങൾ അറിയുന്നതിനൊപ്പം യാത്രക്കാരുടെ പരാതികൾ അറിയിക്കാനും ആപ്പിൽ സൗകര്യമുണ്ട്. റെയിൽ വൺ ആപ്പ് ആൻഡ്രോയിഡ്, ഐ.ഒ.എസ്. പ്ലാറ്റ്‌ഫോമുകളിൽ ലഭ്യമാണ്. ഉപഭോക്താക്കൾക്ക് അവരുടെ നിലവിലെ ലോഗിനിൽ (റെയിൽ കണക്ട്/ യു.ടി.എസ്.) ഈ ആപ്പിൽ ലോഗിൻ ചെയ്യാം. റെയിൽവേ ഇ–വാലറ്റ് സംവിധാനവും ലഭ്യമാണ്. വളരെ കുറച്ച് വിവരങ്ങൾ നൽകി ഗസ്റ്റ് ലോഗിനും ഉപയോഗിക്കാവുന്നതാണ്. ഇനി വ്യത്യസ്ത ഇന്ത്യൻ റെയിൽവേ സേവനങ്ങൾക്കായി പ്രത്യേക ആപ്ലിക്കേഷനുകൾ ആവശ്യമില്ല എന്ന പ്രത്യേകതയുമുണ്ട്.
Web URL: elettilonline.com/railway-service-changes-kerala