തിരുവനന്തപുരം:നാളെ ദേശീയ പണിമുടക്കില്‍ പങ്കെടുക്കുമെന്ന് കെഎസ്‌ആര്‍ടിസി യൂണിയനുകള്‍. ദേശീയ പണിമുടക്കില്‍ പങ്കെടുക്കരുതെന്ന ഗതാഗത മന്ത്രിയുടെ നിര്‍ദേശം തള്ളിയാണ് കെഎസ്‌ആര്‍ടിസി യൂണിയനുകള്‍ പണിമുടക്കില്‍ പങ്കെടുക്കുമെന്ന് അറിയിച്ചത്.
നാളത്തെ പണിമുടക്കില്‍ പങ്കെടുക്കുമെന്ന് സിഐടിയു,ടിഡിഎഫ് യൂണിയനുകള്‍ അറിയിച്ചു.പണിമുടക്ക് ദിവസം കെഎസ്‌ആര്‍ടിസി സര്‍വീസ് നടത്തുമെന്ന് മന്ത്രി കെ.ബി ഗണേഷ് കുമാര്‍ പറഞ്ഞിരുന്നു. രണ്ടാഴ്ചയ്ക്ക് മുൻപ് നോട്ടീസ് നല്‍കിയിട്ടുണ്ടെന്നും സംഘടനകള്‍ വ്യക്തമാക്കി.
അതേസമയം സംസ്ഥാനത്ത് സ്വകാര്യ ബസ് സമരം തുടരുകയാണ്.വിദ്യാര്‍ത്ഥി കണ്‍സഷന്‍ കൂട്ടണമെന്നടക്കം ആവശ്യപ്പെട്ടാണ് സൂചനാ പണിമുടക്ക്. അനുകൂല തീരുമാനം ഇല്ലെങ്കില്‍ 22 മുതല്‍ അനിശ്ചിതകാല സമരത്തിലേക്ക് നീങ്ങുമെന്നാണ് ബസുടമകളുടെ മുന്നറിയിപ്പ്.
എല്ലാ ആവശ്യങ്ങളും അംഗീകരിക്കാന്‍ കഴിയില്ലെന്നും സര്‍ക്കാര്‍ ജനപക്ഷത്താണെന്നും കെ.ബി ഗണേഷ് കുമാര്‍ പറഞ്ഞു.
Tags:
KERALA