ഉണ്ണികുളത്ത് തെരുവുനായ് ശല്യം രൂക്ഷം; വീ​ട്ടു​മു​റ്റ​ത്തു നിന്ന യു​വാ​വി​ന് തെ​രു​വു​നായയു​ടെ ക​ടി​യേ​റ്റു.

പൂനൂർ : ഉ​ണ്ണി​കു​ളം പ​ഞ്ചാ​യ​ത്തി​ലെ പു​തി​യേ​ട​ത്ത് മു​ക്ക് ഭാ​ഗ​ത്ത് വീ​ടിന് പുറത്തേക്കി​റ​ങ്ങി​യ യു​വാ​വി​ന് തെ​രു​വു നാ​യയു​ടെ ക​ടി​യേ​റ്റു. പു​തി​യേ​ട​ത്ത് മു​ക്ക് അ​ലി​യ​ൻ​ ക​ണ്ടി ജി​തേ​ഷ് കു​മാ​റി​ന് (37) ആണ്  തെ​രു​വു​നാ​യയു​ടെ കടിയേറ്റത്.

വ്യാ​ഴാ​ഴ്ച രാ​ത്രി എ​ട്ടോ​ടെ​യാ​ണ് സം​ഭ​വം. മു​റ്റ​ത്തേ​ക്ക് ഇ​റ​ങ്ങി​യ ഉ​ട​നെ ഇ​രു​ട്ടി​ൽ മ​റ​ഞ്ഞി​രു​ന്ന നാ​യ ചാ​ടി ക​ടി​ക്കു​ക​യാ​യി​രു​ന്നു. ഏ​റെ​നേ​രം കൈ​യി​ൽ ക​ടി​ച്ചു​പി​ടി​ച്ച നാ​യയെ ജി​തേ​ഷ്  ഇ​ടി​ച്ചു മാ​റ്റു​ക​യാ​യി​രു​ന്നു. കൈ​യി​ലും കാ​ൽ​മു​ട്ടി​ലും ക​ടി​യേ​റ്റ​തി​നെ തു​ട​ർ​ന്ന് ജി​തേ​ഷി​നെ ബാ​ലു​ശ്ശേ​രി താ​ലൂ​ക്ക് ആ​ശു​പ​ത്രി​യി​ലും പി​ന്നീ​ട് കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലും പ്രവേശിപ്പിച്ചു.

സംഭവസമയം ജിതേഷും പ്രായമായ അമ്മയും മാത്രമാണ് വീട്ടിലുണ്ടായിരുന്നത്. ഉണ്ണികുളം പഞ്ചായത്തിലെ വിവിധ ഭാഗങ്ങളിൽ തെരുവുനായ ശല്യം രൂക്ഷമായിട്ടും അധികൃതർ നടപടി സ്വീകരിക്കാത്തതിൽ പ്രതിഷേധം ശക്തമാണ്.