പൂനൂര് : ഒരു മാസക്കാലമായി വ്യത്യസ്ത പരിപാടികളോടെ സംഘടിപ്പിച്ചു വന്ന മങ്ങാട് എ യു പി സ്കൂള്
80 -ാം വാര്ഷികാഘോഷം ഉത്സവാന്തരീക്ഷത്തില് സമാപിച്ചു . 33 വര്ഷത്തെ സേവനത്തിന് ശേഷം സര്വ്വീസില് നിന്നും വിരമിക്കുന്ന അറബിക് അധ്യാപിക ടി എം നഫീസ ടീച്ചര്ക്കുള്ള യാത്രയയപ്പ് സംഗമവും സമാപന സമ്മേളനവും ബാലുശ്ശേരി ബ്ലോക്ക് പഞ്ചായത്ത് പ്രസിഡന്റ് വി കെ അനിത ഉദ്ഘാടനം ചെയ്തു . ഉണ്ണികുളം ഗ്രാമ പഞ്ചായത്ത് പ്രസിഡന്റ് ഇന്ദിര ഏറാടിയില് അധ്യക്ഷത വഹിച്ചു.
ഉണ്ണികുളം ഗ്രാമ പഞ്ചായത്ത് വൈസ് പ്രസിഡന്റ് എം കെ നിജില് രാജ് , വിദ്യാഭ്യാസ സ്റ്റാന്ഡിംഗ് കമ്മറ്റി ചെയര്പേഴ്സണ് ബിച്ചു ചിറക്കല് , വാര്ഡ് മെമ്പര് ഖൈറുന്നിസ റഹീം , സ്കൂള് മാനേജര് എന് ആര് അബ്ദുല് റസാഖ് , എന് ആര് അബ്ദുല് നാസര് , വിവിധ സാമൂഹിക സാംസ്കാരിക രാഷ്ട്രീയ മേഖലകളിലെ പ്രമുഖരായ അഷ്റഫ് മൂത്തേടത്ത് , കെ കെ അബ്ദുല് ഗഫൂര് , എം ഹംസ മാസ്റ്റര് , കെ കെ പദ്മനാഭന് , സി അബ്ദുല് മജീദ് മാസ്റ്റര് , ഇക്ബാല് ചാലില് , പി പി അനില്കുമാര് , ടി പി ഷാജി , സജ് ന പി , കെ ഉമ്മര് മാസ്റ്റര് , എ കെ ഗ്രിജീഷ് മാസ്റ്റര് എന്നിവര് ആശംസകള് അറിയിച്ചു
ഹെഡ്മിസ്ട്രസ് കെ എന് ജമീല ടീച്ചര് ആമുഖ പ്രഭാഷണവും ടി എം നഫീസ ടീച്ചര് മറുപടി പ്രസംഗവും നടത്തി
സ്കൂള് പി ടി എ പ്രസിഡന്റ് നൗഫല് മങ്ങാട് സ്വാഗതവും സ്റ്റാഫ് സെക്രട്ടറി ടി അബ്ദുല് ജബ്ബാര് മാസ്റ്റര് നന്ദിയും രേഖപ്പെടുത്തി
രാവിലെ പത്ത് മണിക്കാരംഭിച്ച് രാത്രി 11 മണി വരെ നീണ്ട് നിന്ന കുട്ടികളുടെ കലാപരിപാടികള് പ്രശസ്ത ഗാന രചയിതാവ് ബാപ്പു വാവാട് ഉദ്ഘാടനം ചെയ്തു . കുട്ടികളുടെ കലാപരിപാടികള് വീക്ഷിക്കാന് ആയിരങ്ങളാണ് സ്കൂള് ഗ്രൗണ്ടില് പ്രത്യേകം സജ്ജീകരിച്ച ഓഡിറ്റോറിയത്തിലേക്ക് ഒഴുകിയെത്തിയത് .
Tags:
EDUCATION