അരിച്ചുപെറുക്കി പോലീസ്;എട്ടു വയസ്സുകാരനെ പ്രദേശത്തൊന്നും കണ്ടെത്താനായില്ല.

താമരശ്ശേരി:  അണ്ടോണയിൽ നിന്നും കാണാതായ  വെള്ളച്ചാൽ വി.സി അഷ്‌റഫിന്റെ മകൻ മുഹമ്മദ്‌ അമീൻ (അനു - 8) എന്ന കുട്ടിയെ കുറിച്ച് ഇതുവരെ യാതൊരു വിവരവും ലഭിച്ചില്ല.

ഇന്നലെ വൈകുന്നേരം 4 മണി മുതലാണ് കാണാതായത്.കളരാന്തിരി ജി എം എൽ പി സ്കൂൾ മൂന്നാം ക്ലാസ് വിദ്യാർത്ഥിയാണ്.

താമരശ്ശേരി DYSP അഷറഫ് തെങ്ങിലക്കണ്ടിയുടെ നേതൃത്വത്തിൽ കൊടുവള്ളി പോലീസും,ഡോഗ് സ്കോഡും പ്രദേശത്ത് വ്യാപകമായി തിരച്ചിൽ നടത്തി..വീടിനു സമീപത്ത് പുഴ ഉണ്ടെങ്കിലും പോലീസ്  നായകൾ മാനിപുരം - താമരശ്ശേരി റോഡിലൂടെയാണ് ഏറെ ദൂരം മുന്നോട്ട് പോയത്.

മുക്കത്ത് നിന്ന് ഫയർഫോഴ്സും സ്ഥലത്ത് എത്തിയിരുന്നു.രാത്രിയിലും പോലീസും, നാട്ടുകാരും ചേർന്ന് തിരച്ചിൽ തുടരുകയാണ്.