വ്യാപാരി വ്യവസായി ഏകോപന സമിതി പ്രതിഷേധിച്ചു

എളേറ്റിൽ: ചളിക്കോട് അങ്ങാടിയിൽ പ്രവർത്തിക്കുന്ന ഗ്രാന്റ് വാടക കടയിൽ അതിക്രമിച്ചു കയറി സാമഗ്രികൾ നശിപ്പിച്ചതിലും നടത്തിപ്പുകാരെ മർദിച്ചതിലും പ്രതിഷേധിച്ച് വ്യാപാരി വ്യവസായി ഏകോപന സമിതി യൂനിറ്റ് കമ്മിറ്റി ചളിക്കോട് അങ്ങാടിയിൽ പ്രകടനം നടത്തി.

 

കഴിഞ്ഞ ദിവസം രാത്രി സമയത്താണ് ഒരു സംഘംആളുകൾ കടയിൽ കയറി വാടക സാധനങ്ങൾ നശിപ്പിക്കുകയും നടത്തിപ്പുകാരെ മർദിക്കുകയും ചെയ്തത്. അഞ്ച് ലക്ഷം രൂപയുടെ നഷ്ടം കാണിച്ച് കൊടുവള്ളി പൊലിസിൽ പരാതി നൽകിയിരിക്കുകയാണ്.

 

ചളിക്കോട് നടന്ന പ്രതിഷേധ പ്രകടനത്തിന്ന് ബേക്കറി ബാബു, പി.കെ അസീസ്, എൻ.കെ.ബാലൻ, പി.കെ രവീന്ദ്രൻ, ലത്തീഫ് ചിളിക്കോട്, കെ.കെ മൂസ, പി.ടി ലക്ഷ്മണൻ, കെ.കെസാലി തുടങ്ങിയവർ നേതൃത്വം നൽകി.