ദുബൈ:
പുതുക്കിയ പാസ്പോര്ട്ടുമായി യു.എ.ഇയിലേക്ക് യാത്ര
ചെയ്യാന് എത്തിയവര്ക്ക് കേരളത്തിലെ
വിമാനത്താവളങ്ങളില് അനുമതി നിഷേധിക്കുന്നു. കൊച്ചി,
കോഴിക്കോട് വിമാനത്താവളില് നിന്ന് എയര് ഇന്ത്യ
എക്സ്പ്രസ് വിമാനത്തില് യാത്ര ചെയ്യാന്
ടിക്കറ്റുമായെത്തിയവരെയാണ് മടക്കിയത്. പുതുക്കിയ
പാസ്പോര്ട്ട് യു.എ.ഇ സിസ്റ്റത്തില് കാണുന്നില്ലെന്നും
അനുമതി നല്കാന് കഴിയില്ലെന്നുമാണ് എമിഗ്രേഷന്
ഉദ്യോഗസ്ഥര് അറിയിച്ചത്.
നാട്ടിൽ വെച്ച് പുതുക്കിയ പാസ്പോർട്ടുമായി UAE യിലേക്ക് വരുമ്പോൾ ശ്രദ്ധിക്കേണ്ട കാര്യങ്ങൾ !!
എന്നാല്, മറ്റ് രാജ്യങ്ങളിലുള്ളവരുടെ പാസ്പോര്ട്ട് വിഷയത്തില് ഒന്നും ചെയ്യാനാവില്ലെന്നും യു.എ.ഇയില് എത്തിയ ശേഷമാണ് സിസ്റ്റത്തില് അപ്ലോഡ് ചെയ്യുന്നത് എന്നും ഷാര്ജ എമിഗ്രേഷന് അധികൃതര് വ്യക്തമാക്കി. പഴയ പാസ്പോര്ട്ടും പുതിയതും ഒന്നിച്ച് പിന് ചെയ്ത് വിമാനത്താവളത്തില് കാണിക്കുകയാണ് പതിവ്.
യു.എ.ഇയില് എത്തിയ ശേഷം 150 ദിര്ഹം ഫീസ് അടച്ച് പുതിയ പാസ്പോര്ട്ടിലേക്ക് വിസമാറ്റുകയും ചെയ്യും. ഇതിനാണ് മാറ്റം വന്നത്. ഇതോടെ, പാസ്പോര്ട്ട് പുതുക്കിയവര്ക്ക് യു.എ.ഇയിലേക്ക് മടങ്ങാനാകാത്ത സ്ഥിതിയാണ്.