ലോക്ക് ഡൗൺ ടാലന്റ് ഷോ 02

എളേറ്റിൽ ഓൺലൈൻ - ലോക്ക് ഡൗൺ ടാലന്റ് ഷോ 

Cont: 02
 

കവിത : നിസ്മ  മറിയം 

MJHSS എളേറ്റിൽ 

Std : 10

ഒരു കൈ അകലെ
------------------------------

വരുംഒരു നല്ലനാളെ ,
മഴ നനയാതെ ഒരു കുടക്കീഴിൽ               
നമുക്ക് നടന്നു നീങ്ങണം           
കടവിലെ തോണിയിൽ               
കിന്നാരവുമായി           
അക്കരെ ഇക്കരെ
തുഴഞ്ഞു പോവണം
ചോറ്റുപാത്രത്തിൽ
കയ്യിട്ടുവാരണം
ഒത്തുചേർന്നു കലപില കൂട്ടണം
കല്യാണത്തിനു
പന്തല്കെട്ടണം
ഉച്ചയ്ക്കാവോളം
ബിരിയാണി - വെട്ടണം

ഒരു നല്ലനാളെ വരുന്നതിൻ മുൻപായി
ഏറെ കരുതുക കൂട്ടുകാരെ,
കൈകൾ- കോർത്തേറെനാൾ
വീണ്ടും നടക്കുവാൻ
ഒരു കൈ അകലെ
നടന്നു നോക്കാം
തോളോടുതോൾ-
ചേർന്ന്
പാടി നടക്കുവാൻ
ഒറ്റയൊറ്റയ്ക്കായ്
ഇരുന്നു നോക്കാം
ജാലക- ചില്ലിലൂടാകാശവും
നോക്കി
ആധി ഇല്ലാതെ
കഴിച്ച് കൂട്ടാം               
കൂടെയിരിക്കുവാൻ      
നേരമാകും വരെ       
കൂട്ടിരിയ്ക്കാം               
ഒരു കൈ അകലെ