തിരുവസന്തം 1500:'സ്നേഹലോകം' നാളെ.

പൂനൂർ:എസ്.വൈ.എസ്. പൂനൂർ സോൺ 'സ്നേഹലോകം' നാളെ (02-10-2025).രാവിലെ ഒമ്പത്  മണിക്ക് കേരള മുസ്ലിം ജമാഅത്ത് ജില്ലാ ഉപാധ്യക്ഷൻ സയ്യിദ് അബ്ദുൽലത്വീഫ് അഹ്ദൽ അവേലം പതാക ഉയർത്തുന്നതോടെ പ്രതിനിധി സമ്മേളനത്തിന് പൂനൂർ ഐ പി എസ് ഓപ്പൺ  ഗ്രൗണ്ടിൽ തുടക്കമാകും. 

സയ്യിദ് അലവി മഷ്ഹൂർ ആറ്റ തങ്ങൾ പ്രാർത്ഥന നിർവ്വഹിക്കും.

എസ് വൈ എസ് സംസ്ഥാന പ്രസിഡൻ്റ് ഡോ. എ പി അബ്ദുൽ ഹക്കീം അസ്ഹരി കാന്തപുരം ഉദ്ഘാടനം ചെയ്യും. അബ്ദുൽ ജലീൽ അഹ്സനി കാന്തപുരം അധ്യക്ഷത വഹിക്കും.സയ്യിദ് അബ്ദുൽ ഫത്താഹ് അഹ്ദൽ അവേലം, 

വി ബീരാൻകുട്ടി ഫൈസി,

പി കെ അബ്ദുൾ നാസർ സഖാഫി, സയ്യിദ് സഹൽ  മഷ്‌ഹൂർ അവേലം,

അബ്ദുൽ ഹമീദ് സഖാഫി മങ്ങാട്, മുനീർ സഅദി പൂലോട്, സാദിഖ് സഖാഫി പൂനൂർ,ഷഹീർ സുറൈജി, സി എം മുഹമ്മദ് റഫീഖ് സഖാഫി സംബന്ധിക്കും.

 

നബി സ്നേഹത്തിൻ്റെ മധുരം എന്ന വിഷയത്തിൽ എസ് വൈ എസ് കോഴിക്കോട് സൗത്ത് ജില്ലാ പ്രസിഡൻ്റ് അലവി സഖാഫി കായലം പ്രസംഗിക്കും.

 തിരുനബി (സ്വ)യുടെ കർമ്മഭൂമി എന്ന വിഷയം എസ് വൈ എസ് സംസ്ഥാന ഫിനാൻസ് സെക്രട്ടറി സ്വാദിഖ്  വെളിമുക്ക് അവതരിപ്പിക്കും.

ഉച്ചക്ക് ശേഷം നടക്കുന്ന മധ്യമ നിലപാടിൻ്റെ സൗന്ദര്യം എന്ന വിഷയത്തിൽ എസ് വൈ എസ് മുൻ സംസ്ഥാന പ്രസിഡൻ്റ് സയ്യിദ് ത്വാഹ തങ്ങൾ സഖാഫി പ്രസംഗിക്കും.

'ഉസ് വത്തുൻ ഹസന' എന്ന വിഷയം എസ് എസ് എഫ് സംസ്ഥാന ഫിനാൻസ് സെക്രട്ടറി അനസ് അമാനി പുഷ്പഗിരി അവതരിപ്പിക്കും.

 

പൂർണ്ണയതയുടെ മനുഷ്യ കാവ്യം എന്ന ശീർഷകത്തിൽ വൈകുന്നേരം നാലുമണിക്ക് നടക്കുന്ന സെമിനാറിൽ ഡോ. അനിൽ ചേലേമ്പ്ര ഉദ്ഘാടനം ചെയ്യും. എസ് എസ് എഫ് സംസ്ഥാന സെക്രട്ടറി ജാബിർ നെരോത്ത്, മുഹമ്മദലി കിനാലൂർ  വിഷയാവതരണം നടത്തും. എസ് എം എ സംസ്ഥാന സെക്രട്ടറി മുഹമദലി സഖാഫി വള്ളിയാട്  സ്നേഹ സന്ദേശ പ്രഭാഷണം നടത്തും.എസ് എം എ ജില്ലാ പ്രസിഡൻ്റ് പ്രൊഫ. അവേലത്ത്   സയ്യിദ് അബ്ദുസ്സബൂർ തങ്ങൾ 'വിദാഅ്' സെഷന് നേതൃത്വം നൽകും.