ബസുകൾ തമ്മിൽ കൂട്ടിമുട്ടി നാൽപതോളം യാത്രക്കാർക്ക് പരിക്ക്.

അത്തോളി : ഉള്ളിയേരി - കോഴിക്കോട് റൂട്ടിൽ അത്തോളി കോളിയോട്ട് താഴത്ത് രണ്ടു ബസുകൾ നേർക്കുനേർ കൂട്ടിമുട്ടി നാൽപതോളം പേർക്ക് പരിക്ക്. ഒരു ബസിന്റെ ഡ്രൈവറുടെ പരിക്ക് ഗുരുതരമാണെന്ന് നാട്ടുകാർ പറഞ്ഞു. യാത്രക്കാർക്ക് അധികം പേർക്കും പല്ലിനാണ് പരിക്കേറ്റത്. 

ഇന്ന് ഉച്ചക്ക് 2 മണിയോടെയാണ് സംഭവം. കോഴിക്കോട് നിന്നും കുറ്റ്യാടിയിലേക്കും, കുറ്റ്യാടിയിൽ നിന്നും കോഴിക്കോടേക്കും സർവീസ് നടത്തുന്ന ബസാണ് കൂട്ടിയിടിച്ചത്. പരിക്കേറ്റവരിൽ 20 പേരെ ഗവ.മെഡിക്കൽ കോളേജ് ആശുപത്രി, 15 പേരെ മലബാർ മെഡിക്കൽ കോളേജ് ആശുപത്രി, 2 പേരെ മൈത്ര ഹോസ്പിറ്റലിലും, 3 പേരെ പ്രാഥമിക ചികിത്സ നൽകി വിട്ടയച്ചു.

കുറ്റ്യാടി യിൽ നിന്നുള്ള ബസ് മറ്റൊരു വാഹനത്തെ മറികടന്ന് അമിത വേഗതയിൽ ഇരു ബസും കൂട്ടിയിടിക്കുകയായിരുന്നു.അശ്രദ്ധയും അമിതവേഗതയുമാണ് അപകടത്തിന് കാരണമെന്ന് ദൃക്സാക്ഷികൾ പറഞ്ഞു.