ഉള്ളിയേരി: ഈസ്റ്റ് മുക്ക് പള്ളിയുടെ സമീപം കാറും ബൈക്കും കൂട്ടിയിടിച്ചുണ്ടായ അപകടത്തില് പരിക്കേറ്റ രണ്ടാമത്തെയാളും മരിച്ചു. കാവിലുംപാറ പീടികയുള്ളതില് ബിപിന് സുരേഷാണ് ഗുരുതരമായി പരിക്കേറ്റ് ചികിത്സയിലിരിക്കെ മരണത്തിന് കീഴടങ്ങിയത്.
ഇന്ന് രാവിലെ പത്ത് മണിയോടെയായിരുന്നു സംഭവം. അപകടത്തില് കൊയിലാണ്ടി സ്വദേശി മൊയ്യമ്പത്ത് വിൻരൂപ് തല്ക്ഷണം മരിച്ചിരുന്നു. മരിച്ച രണ്ട് പേരും ഒരേ സ്ഥാപനത്തില് ജോലി ചെയ്യുന്നവരാണ്.
അപകടത്തില് ബൈക്കും കാറും പൂര്ണ്ണമായി തകര്ന്നു.
കാറിലുണ്ടായിരുന്ന കൊടുവള്ളി പാലക്കുറ്റി, കൈതപ്പൊയിൽ സ്വദേശികളായ ഉവൈസ്, അസ്ലം, ഗഫാന് മുഹമ്മദ്, സാലിഹ് എന്നിവരെ പരിക്കുകളോടെ മൊടക്കല്ലൂർ മലബാർ മെഡിക്കൽ കോളേജ് ആശുപത്രിയില് പ്രവേശിപ്പിച്ചിരിക്കുന്നത്.
കാർ നിയന്ത്രണം വിട്ട് മതിലിടിച്ചതിനു ശേഷം സ്കൂട്ടറിലിടിക്കുകയായിരുന്നെന്നാണ് ദൃക്സാക്ഷികൾ പറയുന്നത്. നാട്ടുകാരും,അത്തോളി പോലീസും, കൊയിലാണ്ടിയിൽ നിന്ന് ഫയർ ആൻഡ് റെസ്ക്യൂ യൂണിറ്റ് എത്തി രക്ഷാപ്രവർത്തനം നടത്തി.
Tags:
KOZHIKODE