Latest

6/recent/ticker-posts

Header Ads Widget

നിർമാണത്തിലിരിക്കുന്ന വീട്​ തകർന്ന്​ നിരവധി പേർക്ക്​ പരിക്ക്

പെരുവയൽ:ചെറുകുളത്തൂരിൽ വീട്​ തകർന്ന്​ നിരവധി പേർക്ക്​ പരിക്ക്​. നിർമാണം പുരോഗമിക്കുന്ന കോൺക്രീറ്റ്​ വീടാണ്​ തകർന്നു വീണത്​. കോൺക്രീറ്റ്​ പാളിക്കടിയിൽ കുടുങ്ങികിടന്ന ഒമ്പതു തൊഴിലാളികളെ നാട്ടുകാരും ഫയർഫോഴ്​സും ചേർന്ന്​ രക്ഷപ്പെടുത്തി.


തൊഴിലാളികളായ ജാമിൽ (28) മുബാറക്ക് (19) റന (22) ഫിറ്റാസ് ഖാൻ (25) അസദുൽ (30) റജബ് (35) അബ്താർ ഹുസൈൻ (27) അസിം ഖാൻ (23) നബിസുൽ (25) എന്നിവരെ മെഡിക്കൽ കോളേജിൽ പ്രവേശിപ്പിച്ചു.

വെൺമാറയിൽ അരുണിന്‍റെ വീടാണ്​ തകർന്നത്​. കോൺക്രീറ്റ്​ കട്ടർ ഉപയോഗിച്ച്​ ഒരു ഭാഗം വെട്ടിപ്പൊളിച്ചാണ്​ പലരെയും രക്ഷപ്പെടുത്തിയത്​. രക്ഷാപ്രവർത്തനം പുരോഗമിക്കുകയാണ്​.

വെള്ളിമാട്​കുന്നിൽനിന്നും മുക്കത്തുനിന്നുമുള്ള ഫയർഫോഴ്​സാണ്​ സംഭവ സ്​ഥലത്ത്​ എത്തിയത്​. ഉച്ചക്ക്​ ഒരുമണിയോടെയാണ്​ സംഭവം.

Post a Comment

0 Comments