വൈക്കം മുഹമ്മദ് ബഷീർ അനുസ്മരണവും ബഷീർ മാലാ അവതരണവും നടത്തി.

എളേറ്റിൽ: എളേറ്റിൽ ഗ്രാമീണ ഗ്രന്ഥാലയം & വായനശാലയുടെ ആഭിമുഖ്യത്തിൽ വൈക്കം മുഹമ്മദ് ബഷീർ അനുസ്മരണവും ബഷീർ മാലാ അവതരണവും നടത്തി.

കവിയും പ്രഭാഷകനുമായ ഡോ:സോമൻ കടലൂർ ഉദ്ഘാടന ഭാഷണവും കാലിക്കറ്റ് സർവകലാശാല ചരിത്ര വിഭാഗം ഡോ: മുജീബ് റഹ്മാൻ ബഷീറും ഗാന്ധിയും എന്ന വിഷയം അവതരിപ്പിച്ചു.തുടർന്ന് സാംസ്കാരിക പ്രവർത്തകരായ അബ്ദുള്ള കൊടോളി, നോവലിസ്റ്റ് മജീദ് മൂത്തേടം, ബിസി ഖാദർ എന്നിവർ സംസാരിച്ചു.

ഗ്രാമീണ ഗ്രന്ഥാലയം ബാലവേദിയുടെ ആഭിമുഖ്യത്തിൽ ഡോ: എം എം കാരശ്ശേരി രചിച്ച ബഷീർമാല സുനു ഫൈസൽ, ആയിശ നിദ എന്നിവർ ആലപിച്ചു. സൈയത് അബാൻ, മുഹമ്മദ് നജാദ്, മുഹമ്മദ്‌യാമിൻ എന്നിവർ സംഗീതം നൽകി.

പി പി സിദ്ദീഖ്മാസ്റ്ററുടെ അധ്യക്ഷതയിൽ നടന്ന പരിപാടിക്ക് തമീസ് അഹമ്മദ് സ്വാഗതവും, വിപി സുൽഫിക്കർ നന്ദിയും പറഞ്ഞു.