ദുബൈ: മുൻ കേന്ദ്ര മന്ത്രിയും മുസ്‌ലിം ലീഗ് ദേശീയ അധ്യക്ഷനുമായിരുന്ന ഇ. അഹ്‌മദ്‌ സാഹിബിന്റെ സ്മരണാർത്ഥം ദുബൈ കണ്ണൂർ ജില്ലാ കെഎംസിസി ഒരുക്കിയ ഓർമ്മകളുടെ പൂക്കാലം പോലെ അഹമ്മദ്‌ സാഹിബ് അനുസ്മരണ ആൽബം ഇ. അഹമ്മദിന്റെ മകൾ ഡോ. ഫൗസിയ ഷെർഷാദ് പ്രകാശനം ചെയ്തു. ഇ. അഹമ്മദിന്റെ ഓർമ്മദിനമായ ഫെബ്രുവരി ഒന്നിന് സാമൂഹ്യ മാധ്യമങ്ങളിലൂടെയും കെഎംസിസി-യൂത്ത് ലീഗ് ഔദ്യോഗിക പ്ലാറ്റുഫോമുകളിലൂടെയും ആൽബം റിലീസ് ചെയ്യും.
ഡോ. ഫൗസിയ ഷെർഷാദിന്റെ വസതിയിൽ നടന്ന ലളിതമായ ചടങ്ങിൽ ദുബൈ കണ്ണൂർ ജില്ലാ കെഎംസിസി ആക്ടിങ് പ്രസിഡണ്ട് പി വി ഇസ്മായിൽ, ജനറൽ സെക്രട്ടറി സൈനുദ്ധീൻ ചേലേരി, ട്രഷറർ കെ വി ഇസ്മായിൽ, സെക്രട്ടറി റഹ്ദാദ് മൂഴിക്കര, ഗാനം രചയിതാവ് നജീബ് തച്ചംപൊയിൽ, ഇഞ്ചിനീയർ അബൂബക്കർ, വാഷിംഗ്ടൺ ഡിസിയിൽ വേൾഡ് ബേങ്ക് കൺസൾട്ടന്റായ സുഹൈൽ ഷെർഷാദ് എന്നിവർ പങ്കെടുത്തു.
നജീബ് തച്ചംപൊയിൽ രചനയും ഇഖ്ബാൽ കണ്ണൂർ സംഗീത സംവിധാനവും ടി എൻ എ ഖാദർ ഏകോപനവും നിർവ്വഹിച്ച അനുസ്മരണ ഗാനം ആലപിച്ചിരിക്കുന്നത് യുവ ഗായിക ഫാത്തിമ ഫിദയാണ്. ലോജിക് മീഡിയയാണ് അണിയറ പ്രവർത്തനങ്ങൾക്ക് നേതൃത്വം നൽകുന്നത്.
