കൊടുവള്ളി : ആവിലോറ എം എം എ  യു പി സ്കൂളിലെ വിദ്യാലയ ശാക്തീകരണത്തിന്റെ  ഭാഗമായി  അധ്യാപകരുടെ വീടുകളിൽ ആരംഭിക്കുന്ന ലൈബ്രറികൾക്ക് തുടക്കമായി. ഗുരു ഭവനത്തിൽ ഒരു ഗ്രന്ഥാലയം പദ്ധതിയുടെ സ്കൂൾതല ഉദ്ഘാടനം പി വി അഹ്മദ് കബീറിന്റെ വീട്ടിൽ സ്കൂൾ മാനേജർ ടി കെ  അബ്ദുറഹിമാൻ ബാഖവി ഉദ്ഘാടനം ചെയ്തു. 


സീതാറാം ടെക്സ്റ്റൈൽസ് ലിമിറ്റഡ് ചെയർമാൻ  സി യൂസഫ്  ഹൈദർ വിശിഷ്ടാതിഥിയായിരുന്നു.  കെ പി അബ്ദുറഹിമാൻ മാസ്റ്റർ  അധ്യക്ഷത വഹിച്ചു. കെ  ഖാദർ,  കെ എ  അബ്ദുറഹിമാൻ,  പി വി അഹ്മദ് കബീർ,  ടി പി  സലീം,  സംബന്ധിച്ചു. വി അബ്ദുൽ സലാം സ്വാഗതവും  യു പി മുഹമ്മദ്‌ റമീസ്  നന്ദിയും പറഞ്ഞു.