താമരശേരി: കൊടുവള്ളി മണ്ഡലത്തിലെ താമരശേരി കിഴക്കോത്ത് നരിക്കുനി ഗ്രാമപഞ്ചായത്തുകളിലൂടെയും കൊടുവള്ളി നഗരസഭയിലൂടെയും കടന്നുപോകുന്ന മണ്ഡലത്തിലെ പ്രധാന റോഡുകളിലൊന്നായ പരപ്പന്‍പൊയില്‍ - എളേറ്റില്‍ - പുന്നശേരി കാരക്കുന്ന് റോഡ് പണി വിലയിരുത്താന്‍ എളേറ്റില്‍ വട്ടോളി വ്യാപാര ഭവനില്‍ കാരാട്ട് റസാഖ് എംഎല്‍എ യുടെ നേതൃത്വത്തില്‍ യോഗം ചേര്‍ന്നു.
ജനപ്രതിനിധികളും രാഷ്ട്രീയ പാര്‍ട്ടി പ്രതിനിധികളും വ്യാപാരി വ്യവസായികളും പങ്കെടുത്തു. കിഫ്ബി പദ്ധതിയിലുള്‍പ്പെടുത്തി 45.27 കോടി രൂപ വകയിരുത്തിയിട്ടുണ്ട്. ദേശീയപാത 766 ലെ പരപ്പന്‍പൊയില്‍ മുതല്‍ കാപ്പാട് തുഷാരഗിരി സംസ്ഥാന പാതയിലെ കാരക്കുന്ന് വരെ 10 മീറ്റര്‍ വീതിയില്‍ 10 കിലോമീറ്റര്‍ നീളത്തിലാണ് റോഡ് നിര്‍മിക്കുന്നത്.
സ്ഥലമേറ്റെടുക്കല്‍ വേഗത്തില്‍ പൂര്‍ത്തീകരിക്കാന്‌ റോഡ് സര്‍വ്വേ ചെയ്യുന്നതിനായി സ്‌പെഷല്‍ ടീമിനെ നിയമിച്ചതായി എംഎല്‍എ അറിയിച്ചു. സ്ഥലമേറ്റെടുക്കല്‍ സുഗമമാക്കുന്നതിന് പ്രദേശവാസികളുടെയും ജനപ്രതിനിധികളുടെയും വ്യാപാരികളുടെയും പ്രാദേശിക യോഗങ്ങള്‍ ചേരാനും 20 നകം യോഗങ്ങള്‍ പൂര്‍ത്തീകരിക്കാനും ധാരണയായി.
റോഡ് നിര്‍മാണത്തിന് മുന്നോടിയായി കിഴക്കോത്ത് ഗ്രാമപഞ്ചായത്ത് പ്രസിഡന്‍റ് എന്‍.സി. ഹുസൈന്‍ ചെയര്‍മാനായും ടി. ബാബു നരിക്കുനി കണ്‍വീനറായും പദ്ധതി കടന്നുപോകുന്ന തദ്ദേശ സ്വയംഭരണ സ്ഥാപനങ്ങളിലെ പ്രസിഡന്‍റുമാര്‍, റോഡ് കടന്നുപോകുന്ന പ്രദേശങ്ങളിലെ ജനപ്രതിനിധികള്‍, രാഷ്ട്രീയ പാര്‍ട്ടി പ്രതിനിധികള്‍ വ്യാപാരി വ്യവസായി പ്രതിനിധികളും അംഗങ്ങളായി എക്‌സിക്യൂട്ടീവ് കമ്മിറ്റിയും രൂപീകരിച്ചു.
കിഴക്കോത്ത് ഗ്രാമപഞ്ചായത്ത് പ്രസിഡന്‍റ് എന്‍.സി. ഉസൈന്‍, പിഡബ്ല്യുഡി റോഡ് ഉപവിഭാഗം അസിസ്റ്റന്‍റ് എക്‌സിക്യൂട്ടീവ് എൻജിനീയര്‍ ബിനീഷ്, എന്‍.കെ. സുരേഷ്, ടി. ബാബു, പോക്കര്‍ , ജബ്ബാര്‍, സോമന്‍ പിലാതോട്ടത്തില്‍, മുഹമ്മദ്, വസന്ത ചന്ദ്രന്‍, എം.എസ്. മുഹമ്മദ്, ആഷിഖ് റഹ്മാന്‍, പിഡബ്ല്യുഡി റോഡ്‌സ് നരിക്കുനി സെക്ഷന്‍ അസിസ്റ്റന്‍റ് എന്‍ജിനിയര്‍ രാഗിന തുടങ്ങിയവര്‍ പ്രസംഗിച്ചു
Tags:
ELETTIL NEWS
