പ്രഭാത വാർത്തകൾ

*🟨‘അമേരിക്ക പിടിച്ച പുലിവാല്’; യുദ്ധം ആരംഭിച്ചതിന് ശേഷം യുഎസിൽ ഇന്ധന വിലയിൽ 30 ശതമാനം വർദ്ധനവ്*

'അമേരിക്ക പിടിച്ച പുലിവാല്'; യുദ്ധം ആരംഭിച്ചതിന് ശേഷം യുഎസിൽ പെട്രോൾ വിലയിൽ 30 ശതമാനം വർദ്ധനവ്.ഇറാനുമായി യുദ്ധം ആരംഭിച്ച ശേഷം അമേരിക്കയിൽ ഇന്ധന വില കുത്തനെ കൂടിയതായി റിപ്പോർട്ട്. ഇസ്രായിലും അമേരിക്കയും സംയുക്തമായി ഇറാനെ ആക്രമിക്കുന്നത് തുടർന്ന് നാലാഴ്ച പിന്നിടുമ്പോൾ യുഎസിൽ ഇന്ധന വിലയിൽ 30 ശതമാനത്തോളം വർദ്ധനവാണ് രേഖപ്പെടുത്തിയിട്ടുള്ളത്. ഹോർമുസ് കടലിടുക്കിൽ ശത്രുക്കൾക്കും സഖ്യകക്ഷികൾക്കും ഇറാൻ ഏർപ്പെടുത്തിയ വിലക്ക് കാരണം ക്രൂഡോയിൽ ലഭ്യത കുറഞ്ഞതാണ് പ്രതിസന്ധിയിലാക്കിയത്.

ഡീസൽ വില ഗണ്യമായി ഉയർന്നത് ചരക്കു നീക്കത്തെ ബാധിക്കുകകയും പണപ്പെരുത്തിന് കാരണമായെന്നുമാണ് വിലയിരുത്തൽ. ഇറാനിയൻ വാർത്താ ഏജൻസിയായ മെഹർ ന്യൂസാണ് ഈ റിപ്പോർട്ട് പുറത്തുവിട്ടത്. ഹോർമുസ് തുറക്കാനും എണ്ണ വിതരണം പുനസ്ഥാപിക്കാനും അമേരിക്ക ശ്രമങ്ങൾ നടത്തുന്നുണ്ടെങ്കിലും ഇറാൻ മുന്നോട്ടുവെക്കുന്ന നിബന്ധനകളെ അംഗീകരിക്കാത്തതിനാൽ യുദ്ധം നീണ്ടുപോവുകയാണ്. അതിനു പുറമെ ഇറാനിലെ ഉന്നത രാഷ്ട്രീയ നേതാക്കളെ വധിച്ച് ഭരണത്തിൽ അസ്ഥിരതയുണ്ടാക്കാമെന്ന ധാരണയിൽ ഇസ്രയേലും യുഎസും ആക്രമണം തുടരുകയാണ്.

4 ദിവസം കൊണ്ടും ഒരാഴ്ച കൊണ്ടും അവസാനിപ്പിക്കുമെന്ന് പ്രസിഡന്റ് ഡൊണാൾഡ് ട്രംപ് അവകാശപ്പെട്ടിരുന്ന യുദ്ധം 22 ദിവസം പിന്നിടുമ്പോൾ ആഗോളതലത്തിൽ പ്രത്യാഘാതങ്ങൾ സൃഷ്ടിച്ചു കൊണ്ടിരിക്കുകയാണ്. ഇറാനുമേൽ അന്താരാഷ്ട്ര ഉപരോധങ്ങൾ ഏർപ്പെടുത്തിയ അമേരിക്ക തീരുമാനം മാറ്റിയെങ്കിലും ഗുണകരമായില്ല. ഫെബ്രുവരി മാസം വരെ അമേരിക്കയിൽ ഒരു ഗാലൻ പെട്രോളിന് ശരാശരി 2.98 ഡോളറായിരുന്നു വില.

എന്നാൽ 2026 ഫെബ്രുവരി 28-ഓടെ ഇറാനു നേരെ അമേരിക്കയും ഇസ്രായിലും സംയുക്തമായി ആക്രമണം നടത്തിയതോടെ മേഖലയിൽ തുറന്ന യുദ്ധം ആരംഭിച്ചു. ഹോർമുസ് കടലിൽ ഇറാൻ ഉപരോധം ഏർപ്പെടുത്തിയതോടെ ആഗോള വിപണിയിൽ ബ്രെന്റ് ക്രൂഡ് ഓയിൽ വില ബാരലിന് 100 ഡോളറിന് മുകളിലേക്ക് കുതിക്കുകയും ചെയ്തു. കാലിഫോർണിയയിൽ ഒരു ഗാലൻ ഇന്ധന വില 5.70 ഡോളറിലെത്തിയതായണ് വിവരം. ഹോർമുസ് പിടിച്ചടക്കാൻ അമേരിക്ക സൈനിക ഒരുക്കങ്ങൾ നടത്തുകയാണെന്ന സൂചനയും വൈറ്റ്ഹൗസ് പുറത്തുവിട്ടിട്ടുണ്ട്.

 

   *🟨‘ഖാർഗ് ദ്വീപ് പിടിച്ചെടുത്താൽ ബാബ് അൽമന്ദബ് അസ്ഥിരതപ്പെടുത്തും’; ഇസ്രായിലിന്റെ യുദ്ധവിമാനത്തെ ആക്രമിച്ചെന്നും ഇറാൻ*

'ഖാർഗ് ദ്വീപ് പിടിച്ചെടുത്താൽ ബാബ് അൽമന്ദബ് അസ്ഥിരതപ്പെടുത്തും'; ഇസ്രായിലിന്റെ യുദ്ധവിമാനത്തെ ആക്രമിച്ചെന്നും ഇറാൻ

തെഹ്‌റാൻ– അമേരിക്ക ഇറാന്റെ ഖാർഗ് ദ്വീപ് പിടിച്ചെടുക്കാൻ ശ്രമിച്ചാൽ ചെങ്കടലിലെയും ബാബ് അൽമന്ദബ് കടലിടുക്കിലെയും സുരക്ഷ ഇല്ലാതാക്കുമെന്ന് ഇറാൻ മുന്നറിയിപ്പ് നൽകി. ഖാർഗ് ദ്വീപിന് നേരെയുണ്ടാകുന്ന ഏതൊരു സൈനിക നീക്കത്തിനും അപ്രതീക്ഷിത തിരിച്ചടി നൽകുമെന്ന് ഇറാനിലെ സൈനിക വൃത്തങ്ങളെ ഉദ്ധരിച്ച് തസ്‌നീം വാർത്താ ഏജൻസി റിപ്പോർട്ട് ചെയ്തു. ഇറാന്റെ എണ്ണക്കയറ്റുമതിയുടെ ഭൂരിഭാഗവും നടക്കുന്നത് ഈ ദ്വീപ് വഴിയായതിനാൽ, അമേരിക്കൻ നീക്കം ആഗോള എണ്ണ വിപണിയെ സങ്കീർണ്ണമാക്കുമെന്നും ഇറാൻ ചൂണ്ടിക്കാട്ടുന്നു. ഒരു വശത്ത് ഇറാനുമേലുള്ള എണ്ണ ഉപരോധം പിൻവലിക്കാൻ തീരുമാനിക്കുകയും മറുഭാഗത്ത് ഖാർഗ് ദ്വീപിനെ ആക്രമിക്കാൻ പദ്ധതിയിടുകയും ചെയ്യുന്ന അമേരിക്കയുടെ ഇരട്ടത്താപ്പ് വലിയ പ്രതിസന്ധിക്ക് കാരണമാകും.

ദ്വീപിന് നേരെ ആക്രമണമുണ്ടായാൽ മേഖലയിലെ എണ്ണ വ്യവസായ കേന്ദ്രങ്ങൾ തകർക്കുമെന്നും രണ്ടാം ലോകമഹായുദ്ധത്തിന് ശേഷം അമേരിക്ക നേരിട്ടിട്ടില്ലാത്ത വലിയ നഷ്ടങ്ങൾ സംഭവിക്കുമെന്നും സുരക്ഷാ വൃത്തങ്ങൾ മുന്നറിയിപ്പ് നൽകി. ഇറാന്റെ നിയന്ത്രണത്തിലുള്ള ഹോർമുസ് കടലിടുക്ക് തുറക്കാൻ സമ്മർദ്ദം ചെലുത്തുന്നതിന്റെ ഭാഗമായി അമേരിക്ക ഖാർഗ് ദ്വീപിനെതിരെ നീങ്ങുന്നതായി വൈറ്റ് ഹൗസും നേരത്തെ സൂചന നൽകിയിരുന്നു. ഇതിനിടെ, മധ്യ ഇറാന് മുകളിൽ വെച്ച് ഇസ്രായേലിന്റെ എഫ്-16 യുദ്ധവിമാനത്തിന് നേരെ മിസൈൽ ആക്രമണം നടത്തിയതായി ഇറാന്റെ റെവല്യൂഷണറി ഗാർഡ് അവകാശപ്പെട്ടു. പുലർച്ചെ 3:45 ന് നടന്ന ആക്രമണത്തിൽ വിമാനത്തിന് കേടുപാടുകൾ സംഭവിച്ചതായി ഇറാൻ പറയുമ്പോൾ, മിസൈൽ പ്രയോഗം ഉണ്ടായെങ്കിലും വിമാനത്തിന് തകരാറുകൾ ഒന്നുമില്ലെന്നാണ് ഇസ്രായേൽ സൈന്യത്തിന്റെ വിശദീകരണം.

    *🟨യുദ്ധഭീതിയുടെ മറവിൽ എയർ ഇന്ത്യ എക്സ്പ്രസിന്റെ പകൽക്കൊള്ള; ജിദ്ദയിൽ നൂറുകണക്കിന് യാത്രക്കാർ ഇപ്പോഴും പെരുവഴിയിൽ*

ജിദ്ദ: ജിദ്ദയിൽനിന്ന് കോഴിക്കോട്ടേക്ക് പുറപ്പെടേണ്ടിയിരുന്ന വിമാനം മുന്നറിപ്പില്ലാതെ റദ്ദാക്കിയതോടെ നിരവധി യാത്രക്കാർ ജിദ്ദയിൽ ഇപ്പോഴും കുടുങ്ങിക്കിടക്കുന്നു. മാർച്ച് 19-ന് ഉച്ചയ്ക്ക് 12 മണിക്ക് ജിദ്ദയിൽ നിന്നും കോഴിക്കോട്ടേക്ക് പുറപ്പെടേണ്ടിയിരുന്ന IX 398 വിമാനം, വ്യോമപാത അടച്ചു എന്ന കാരണം പറഞ്ഞ് അവസാന നിമിഷം റദ്ദാക്കുകയായിരുന്നു. സൗദിയുടെ വിവിധ ഭാഗങ്ങളിൽനിന്ന് ഈ വിമാനത്തിൽ യാത്ര ചെയ്യാനെത്തിയവരും ജിദ്ദയിൽ കുടുങ്ങിക്കിടക്കുകയാണ്.

വ്യോമപാത അടച്ചു എന്ന കാരണം പറഞ്ഞ് ഒരു വിമാനം റദ്ദാക്കിയ അതേ സമയത്ത് തന്നെ എയർ ഇന്ത്യ എക്സ്പ്രസിന്റെ മറ്റ് വിമാനങ്ങൾ ഇതേ സെക്ടറിൽ സർവീസ് നടത്തിയിരുന്നു. കുറഞ്ഞ നിരക്കിൽ മാസങ്ങൾക്ക് മുമ്പ് ടിക്കറ്റ് ബുക്ക് ചെയ്തവരെ മനഃപൂർവ്വം ഒഴിവാക്കി, അവസാന നിമിഷം അമിത തുക നൽകി ടിക്കറ്റെടുത്തവരെ യാത്രയാക്കാനുള്ള ആസൂത്രിത നീക്കമാണിതെന്നാണ് യാത്രക്കാർ പറയുന്നത്. റദ്ദാക്കിയ IX 398 വിമാനത്തിൽ യാത്ര ചെയ്യേണ്ടിയിരുന്ന 50 ഓളം പേരെ കൂടുതൽ തുക ഈടാക്കി IX 396 എന്ന വിമാനത്തിലേക്ക് മാറ്റി നൽകിയത് ഈ ആരോപണം കൂടുതൽ ശരിവെക്കുന്നുണ്ട്.

ദമ്മാമിൽ നിന്നുൾപ്പെടെ എത്തിയ കുട്ടികളും പ്രായമായവരും അടങ്ങുന്ന യാത്രക്കാർ കഴിഞ്ഞ മൂന്ന് ദിവസമായി ജിദ്ദയിൽ കുടുങ്ങിക്കിടക്കുകയാണ്. സംഭവം വിവാദമായതോടെ അധികൃതർ യാത്രക്കാരെ ഹോട്ടലിലേക്ക് മാറ്റിയെങ്കിലും എന്നാണ് നാട്ടിലേക്ക് തിരിക്കാനാവുക എന്ന കാര്യത്തിൽ ഇപ്പോഴും വ്യക്തതയില്ല. പെരുന്നാൾ കുടുംബത്തോടൊപ്പം ആഘോഷിക്കാൻ നാട്ടിലേക്ക് തിരിച്ച പ്രവാസികൾക്ക് വിമാനക്കമ്പനിയുടെ ചതി കാരണം ഹോട്ടൽ മുറിയിൽ കഴിയേണ്ടി വന്നു. ഹോട്ടലിൽ എത്ര പേർ കഴിയുന്നുണ്ടെന്ന് അന്വേഷിച്ച് ഇന്നാണ് വിമാനകമ്പനി യാത്രക്കാരെ ബന്ധപ്പെട്ടത്.

കുടുങ്ങിക്കിടക്കുന്ന നൂറോളം യാത്രക്കാരെ അടുത്ത വിമാനത്തിൽ കയറ്റി വിടുകയോ അല്ലെങ്കിൽ പ്രത്യേക വിമാനം ചാർട്ട് ചെയ്ത് നാട്ടിലെത്തിക്കുകയോ വേണമെന്നാണ് യാത്രക്കാർ ആവശ്യപ്പെട്ടു.

    *🟨പശ്ചിമേഷ്യയിലെ ഏറ്റവും വലിയ വാട്ടർ തീം പാർക്ക് ‘അക്വേറബിയ’ തുറന്നു; പ്രവേശനം നറുക്കെടുപ്പിലൂടെ*

പശ്ചിമേഷ്യയിലെ ഏറ്റവും വലിയ വാട്ടർ തീം പാർക്ക് 'അക്വേറബിയ' തുറന്നു

റിയാദ് – സൗദി അറേബ്യയിലെ ഖിദ്ദിയ വിനോദ സമുച്ചയത്തിൽ ഒരുങ്ങുന്ന മിഡിൽ ഈസ്റ്റിലെ ഏറ്റവും വലിയ വാട്ടർ തീം പാർക്കായ ‘അക്വേറബിയ’ സന്ദർശകരെ സ്വീകരിച്ചു തുടങ്ങി. മാർച്ച് 20-ന് ആരംഭിച്ച ട്രയൽ റണ്ണിന്റെ ഭാഗമായി തിരഞ്ഞെടുത്ത അതിഥികൾക്കാണ് ഇപ്പോൾ പ്രവേശനം നൽകുന്നത്. ഔദ്യോഗിക ഉദ്ഘാടനത്തിന് മുന്നോടിയായി പാർക്കിന്റെ പ്രവർത്തനക്ഷമതയും സേവനങ്ങളും വിലയിരുത്തുന്നതിനാണ് ഈ ഘട്ടം. പരീക്ഷണാടിസ്ഥാനത്തിലുള്ള പ്രവർത്തനമാണെങ്കിലും പാർക്കിലെ എല്ലാ റൈഡുകളും ഭക്ഷണശാലകളും സന്ദർശകർക്കായി തുറന്നു നൽകിയിട്ടുണ്ട്.

ചെറിയ പെരുന്നാൾ അവധിക്കാലത്ത് സമീപത്തെ സിക്‌സ് ഫ്‌ലാഗ്‌സ് ഖിദ്ദിയ അമ്യൂസ്മെന്റ് പാർക്ക് സന്ദർശിക്കുന്നവർക്ക് അക്വേറബിയയിലേക്കുള്ള പ്രിവ്യൂ ടിക്കറ്റുകൾ നേടാൻ നറുക്കെടുപ്പിലൂടെ അവസരമുണ്ടാകും. മാർച്ച് 20 മുതൽ 28 വരെയുള്ള ദിവസങ്ങളിൽ സിക്‌സ് ഫ്‌ലാഗ്‌സ് സന്ദർശിക്കുന്നവർക്കാണ് ഈ പ്രത്യേക ആനുകൂല്യം ലഭിക്കുക. അക്വേറബിയയുടെ ഔദ്യോഗിക ഉദ്ഘാടന തീയതിയും ടിക്കറ്റ് നിരക്കുകളും ഉടൻ പ്രഖ്യാപിക്കുമെന്ന് അധികൃതർ അറിയിച്ചു. അതിവേഗ വാട്ടർ സ്ലൈഡുകൾ, കൂറ്റൻ വേവ് പൂളുകൾ, ഫാമിലി ഏരിയകൾ എന്നിവയ്ക്ക് പുറമെ 24 ഭക്ഷണശാലകളും പാർക്കിലുണ്ട്. 2025 ഡിസംബറിൽ പ്രവർത്തനം തുടങ്ങിയ സിക്‌സ് ഫ്‌ലാഗ്‌സ് പാർക്കിന് അനുബന്ധമായാണ് അക്വേറബിയ കൂടി സജ്ജമാകുന്നത്

    *🟨ഇറാന്റെ യുദ്ധം ‘കർക്കശ നിലപാടുകാരൻ’ മുഹമ്മദ് ബാഖർ ഖാലിബാഫ് നയിക്കും*

ഇറാന്റെ യുദ്ധം 'കർക്കശ നിലപാടുകാരൻ' മുഹമ്മദ് ബാഖർ ഖാലിബാഫ് നയിക്കും

തെഹ്‌റാൻ – ഇറാന്റെ യുദ്ധതന്ത്രങ്ങൾക്ക് ഇനി നേതൃത്വം നൽകുന്നത് പാർലമെന്റ് സ്പീക്കർ മുഹമ്മദ് ബാഖർ ഖാലിബാഫാണെന്ന് റിപ്പോർട്ട്. ഫെബ്രുവരി 28-ന് നടന്ന ഇസ്രായേൽ-യുഎസ് വ്യോമാക്രമണത്തിൽ പരമോന്നത നേതാവ് ആയത്തല്ല അലി ഖാംനഇ കൊല്ലപ്പെട്ടതും, തുടർന്ന് ദേശീയ സുരക്ഷാ കൗൺസിൽ മേധാവി അലി ലാരിജാനി ഉൾപ്പെടെയുള്ള പ്രമുഖ നേതാക്കൾ വധിക്കപ്പെട്ടതും ഇറാൻ ഭരണകൂടത്തിൽ വലിയ വിടവ് സൃഷ്ടിച്ചിരുന്നു. പുതിയ പരമോന്നത നേതാവായി മുജ്തബ ഖാംനഇ ചുമതലയേറ്റെങ്കിലും അദ്ദേഹം ഇതുവരെ പൊതുവേദികളിൽ പ്രത്യക്ഷപ്പെട്ടിട്ടില്ല. ഈ സാഹചര്യത്തിലാണ് ഇസ്ലാമിക് റെവല്യൂഷണറി ഗാർഡിലെ മുൻ സീനിയർ കമാൻഡർ കൂടിയായ ഖാലിബാഫ് ഭരണകൂടത്തിന്റെയും സൈന്യത്തിന്റെയും മുൻനിരയിലേക്ക് ഉയർന്നു വന്നത്.

മൂന്ന് പതിറ്റാണ്ടിലേറെയായി ഇറാന്റെ രാഷ്ട്രീയ-സൈനിക മേഖലകളിൽ സജീവമായ ഖാലിബാഫിന് സിവിലിയൻ ഭരണത്തിലും സൈനിക നീക്കങ്ങളിലും ഒരുപോലെ അനുഭവസമ്പത്തുണ്ട്. മുൻപ് റെവല്യൂഷണറി ഗാർഡിന്റെ വ്യോമസേനാ തലവനായും തെഹ്റാൻ പോലീസ് മേധാവിയായും നഗരസഭാ മേയറായും അദ്ദേഹം സേവനമനുഷ്ഠിച്ചിട്ടുണ്ട്. ഒരു പ്രായോഗികവാദിയായ നേതാവായി അറിയപ്പെടുമ്പോഴും, ആഭ്യന്തര പ്രക്ഷോഭങ്ങളെ അടിച്ചമർത്തുന്നതിൽ അദ്ദേഹം സ്വീകരിച്ച കർക്കശ നിലപാടുകൾ പലപ്പോഴും വിവാദമായിരുന്നു.

നിലവിലെ സാഹചര്യത്തിൽ ഭരണകൂടത്തിലെ വിവിധ വിഭാഗങ്ങളെ ഏകോപിപ്പിക്കാനും സൈനിക തന്ത്രങ്ങൾ മെനയാനും ഖാലിബാഫിനുള്ള കഴിവ് ഫർസാൻ സാബിതിനെപ്പോലെയുള്ള രാഷ്ട്രീയ നിരീക്ഷകർ എടുത്തുപറയുന്നുണ്ട്. തസ്‌നീം വാർത്താ ഏജൻസിക്ക് നൽകിയ അഭിമുഖത്തിൽ, നിലവിലെ യുദ്ധം മിഡിൽ ഈസ്റ്റിനെ പുനർനിർമ്മിക്കുമെന്നും അത് അമേരിക്കയുടെ താൽപ്പര്യങ്ങൾക്കനുസരിച്ചാവില്ലെന്നും ഖാലിബാഫ് പ്രസ്താവിച്ചു. 2026-ൽ ഇറാനിലുണ്ടായ ശക്തമായ പ്രക്ഷോഭങ്ങളെ നേരിടുന്നതിലും അദ്ദേഹം നിർണ്ണായക പങ്ക് വഹിച്ചിരുന്നു.

   *🟨ഇ​സ്ര​യേ​ൽ ആ​ണ​വ​കേ​ന്ദ്ര​ത്തി​നു നേ​രെ ഇ​റാ​ൻ ആ​ക്ര​മ​ണം; 39 പേ​ർ​ക്ക് പ​രി​ക്ക്*

ടെ​ഹ്‌​റാ​ൻ: ഇ​സ്ര​യേ​ലി​ന്‍റെ ആ​ണ​വ​കേ​ന്ദ്രം ഇ​റാ​ൻ ആ​ക്ര​മി​ച്ച​താ​യി റി​പ്പോ​ർ​ട്ട്. ഇ​സ്ര​യേ​ലി​ലെ തെ​ക്ക​ൻ ന​ഗ​ര​മാ​യ ഡി​മോ​ണ​യി​ലു​ണ്ടാ​യ മി​സൈ​ൽ ആ​ക്ര​മ​ണ​ത്തി​ൽ 39 പേ​ർ​ക്ക് പ​രി​ക്കേ​റ്റ​താ​യും ആ​ണ​വ വി​കി​ര​ണ​മി​ല്ലെ​ന്നും അ​ധി​കൃ​ത​ർ വ്യ​ക്ത​മാ​ക്കി. 24 മ​ണി​ക്കൂ​റി​നി​ടെ അ​ഞ്ചാം ത​വ​ണ​യാ​ണ് ഡി​മോ​ണ​യി​ൽ മി​സൈ​ൽ ആ​ക്ര​മ​ണ​മു​ണ്ടാ​യ​ത്.

ഷി​മ​ൺ പെ​ര​സ് നെ​ഗേ​വ് ന്യൂ​ക്ലി​യ​ർ റി​സ​ർ​ച്ച് സെ​ന്‍റ​ർ സ്ഥി​തി​ചെ​യ്യു​ന്ന​ത് ഡി​മോ​ണ​യി​ലാ​ണ്. മി​സൈ​ൽ ആ​ക്ര​മ​ണ​ത്തി​ൽ ന്യൂ​ക്ലി​യ​ർ റി​സ​ർ​ച്ച് സെ​ന്‍റ​റി​ൽ തീ​പി​ടു​ത്ത​മു​ണ്ടാ​യെ​ന്ന് റി​പ്പോ​ർ​ട്ടു​ക​ളു​ണ്ട്. ആ​ണ​വ​വി​കി​ര​ണം സം​ഭ​വി​ച്ചി​ട്ടി​ല്ലെ​ന്ന് രാ​ജ്യാ​ന്ത​ര ആ​ണ​വോ​ർ​ജ ഏ​ജ​ൻ​സി (ഐ​എ​ഇ​എ) അ​റി​യി​ച്ചു.

സ്ഥി​തി​ഗ​തി​ക​ൾ സൂ​ക്ഷ്‌​മ​മാ​യി നി​രീ​ക്ഷി​ച്ചു​വ​രി​ക​യാ​ണെ​ന്ന് രാ​ജ്യാ​ന്ത​ര ആ​ണ​വോ​ർ​ജ ഏ​ജ​ൻ​സി ത​ല​വ​ൻ റ​ഫാ​ൽ ഗ്രോ​സി പ​റ​ഞ്ഞു. ആ​ണ​വ നി​ല​യ​ങ്ങ​ൾ​ക്ക് സ​മീ​പം പ​ര​മാ​വ​ധി സൈ​നി​ക നി​യ​ന്ത്ര​ണം പാ​ലി​ക്ക​ണ​മെ​ന്നും അ​ദ്ദേ​ഹം പ​റ​ഞ്ഞു. അ​തേ​സ​മ​യം ന​താ​ൻ​സ് ആ​ണ​വ​നി​ല​യ​ത്തി​നു നേ​രെ​യു​ണ്ടാ​യ ആ​ക്ര​മ​ണ​ത്തി​ന്‍റെ മ​റു​പ​ടി​യാ​ണി​തെ​ന്നും ഇ​റാ​ൻ പ്ര​തി​ക​രി​ച്ചു.

ഗ​ൾ​ഫ് മേ​ഖ​ല​യി​ലെ ച​ര​ക്ക് ക​പ്പ​ലു​ക​ളെ​യും യാ​ത്രാ​ക്ക​പ്പ​ലു​ക​ളെ​യും യു​എ​സ്, ഇ​സ്ര​യേ​ൽ സൈ​ന്യ​ങ്ങ​ൾ മ​നഃ​പൂ​ർ​വം ല​ക്ഷ്യം വെ​ക്കു​ക​യാ​ണെ​ന്ന് ഇ​റാ​ൻ ആ​രോ​പി​ച്ചു. ഇ​ത്ത​രം ആ​ക്ര​മ​ണ​ങ്ങ​ൾ തു​ട​രു​ക​യാ​ണെ​ങ്കി​ൽ ക​ടു​ത്ത പ്ര​ത്യാ​ഘാ​തം ഉ​ണ്ടാ​കു​മെ​ന്നും അ​വ​ർ മു​ന്ന​റി​യി​പ്പ് ന​ൽ​കി.

  

   *🟨ഇന്ത്യ വലിയ വിലക്കയറ്റ ഭീഷണിയിലെന്ന് രാഹുൽ ഗാന്ധി*

ന്യൂഡൽഹി: ഇന്ത്യൻ സമ്പദ്‌വ്യവസ്ഥ വലിയ വിലക്കയറ്റ ഭീഷണി നേരിടുകയാണെന്ന് ലോക്സഭ പ്രതിപക്ഷ നേതാവ് രാഹുൽ ഗാന്ധി. ആഗോള വിപണിയിൽ അസംസ്‌കൃത എണ്ണവില വർധിക്കുയാണെന്നും രൂപയുടെ മൂല്യം ഇടിയുകയാണെന്നും രാഹുൽ പറഞ്ഞു.

ഈ സാഹചര്യത്തിൽ സാമ്പത്തിക വെല്ലുവിളികൾ നേരിടുന്നതിന് മോദി സർക്കാരിന് കൃത്യമായ ദിശാബോധമോ തന്ത്രമോ ഇല്ലെന്നും രാഹുൽ എക്സിൽ കുറിച്ചു.

അമേരിക്കയും ഇസ്രയേലും ഇറാനും തമ്മിലുള്ള യുദ്ധം ആഗോള വിപണിയിൽ അസംസ്‌കൃത എണ്ണവില വർധിപ്പിക്കുകയും ഇത് ഡോളറിനെതിരെ രൂപയുടെ മൂല്യം റെക്കോർഡ് താഴ്ചയായ 93.53-ലേക്ക് കൂപ്പുകുത്തിക്കുകയും ചെയ്തു. 

അത് ഉടൻതന്നെ 100-ലേക്ക് എത്തിയേക്കാമെന്നും അദ്ദേഹം പറഞ്ഞു. ഇത് വരാനിരിക്കുന്ന വലിയ സാമ്പത്തിക പ്രതിസന്ധിയുടെ വ്യക്തമായ സൂചനയാണെന്നും രാഹുൽ ചൂണ്ടിക്കാട്ടി.

    *🟨സ​മൂ​ഹ​മാ​ധ്യ​മ അ​ക്കൗ​ണ്ടു​ക​ളി​ലെ പോ​ലീ​സ് ഇ​ട​പെ​ട​ൽ; സു​പ്രീം​കോ​ട​തി ആ​ശ​ങ്ക രേ​ഖ​പ്പെ​ടു​ത്തി*

ന്യൂ​ഡ​ൽ​ഹി: കൈ​ക​ൾ ബ​ന്ധി​ച്ച് പ്ര​തി​ക​ളെ​ക്കൊ​ണ്ട് പ​രേ​ഡ് ചെ​യ്യി​ച്ച ചി​ത്രം സ​മൂ​ഹ​മാ​ധ്യ​മ അ​ക്കൗ​ണ്ടു​ക​ളി​ൽ പോ​സ്റ്റ് ചെ​യ്ത പോ​ലീ​സ് ന​ട​പ‌​ടി​യി​ൽ ആ​ശ​ങ്ക രേ​ഖ​പ്പെ​ടു​ത്തി സു​പ്രീം​കോ​ട​തി. പ്ര​തി​ക​ളു​ടെ ചി​ത്രം പോ​സ്‌​റ്റ് ചെ​യ്യു​ന്ന​തി​നു മാ​ർ​ഗ​നി​ർ​ദേ​ശം ആ​വ​ശ്യ​പ്പെ​ട്ടു​ള്ള ഹ​ർ​ജി പ​രി​ഗ​ണി​ക്കു​ന്ന​തി​നി​ടെ​യാ​ണ് സു​പ്രീം​കോ​ട​തി ന​ട​പ​ടി.

ഗു​ജ​റാ​ത്ത്, ഹ​രി​യാ​ന, മ​ഹാ​രാ​ഷ്ട്ര, അ​സം, ഛത്തീ​സ്‌​ഗ​ഡ് എ​ന്നി​വി​ട​ങ്ങ​ളി​ലെ പോ​ലീ​സി​ന്‍റെ സ​മൂ​ഹ​മാ​ധ്യ​മ അ​ക്കൗ​ണ്ടു​ക​ൾ ചൂ​ണ്ടി​ക്കാ​ട്ടി​യാ​യി​രു​ന്നു ഹ​ർ​ജി. കൈ​ക​ൾ ബ​ന്ധി​ച്ചും ക​യ​റു​കൊ​ണ്ട് വ​രി​ഞ്ഞും പ്ര​തി​ക​ളെ പ​രേ​ഡ് ചെ​യ്യി​ച്ചും മു​ട്ടു​കു​ത്തി​ച്ചു​മു​ള്ള ദൃ​ശ്യ​ങ്ങ​ൾ പോ​ലീ​സ് ത​ന്നെ പോ​സ്‌​റ്റ് ചെ​യ്യു​ന്ന രീ​തി​യെ​ക്കു​റി​ച്ചു ഹ​ർ​ജി​ക്കാ​ര​ന്‍റെ അ​ഭി​ഭാ​ഷ​ക​ൻ ചൂ​ണ്ടി​ക്കാ​ട്ടി.

പ്ര​തി​ക​ളു​ടെ അ​ന്ത​സ് കെ​ടു​ത്തു​മെ​ന്ന​തി​നു പു​റ​മേ അ​തു സ​മൂ​ഹ​മാ​ധ്യ​മ വി​ചാ​ര​ണ​യ്ക്ക് വ​ഴി​യൊ​രു​ക്കു​മെ​ന്നും അ​ഭി​ഭാ​ഷ​ക​ൻ ഗോ​പാ​ൽ ശ​ങ്ക​ര​നാ​രാ​യ​ണ​ൻ പ​റ​ഞ്ഞു. മാ​ധ്യ​മ​ങ്ങ​ൾ​ക്കു വി​വ​രം കൈ​മാ​റു​ന്ന​തു​മാ​യി ബ​ന്ധ​പ്പെ​ട്ടു പോ​ലീ​സി​നു​ള്ള മാ​ർ​ഗ​രേ​ഖ ത​യാ​റാ​ക്കാ​ൻ നി​ർ​ദേ​ശി​ച്ചി​ട്ടു​ണ്ടെ​ന്നും കോ​ട​തി പ​റ​ഞ്ഞു.

    *🟨ഈദ് പ്രാർഥനയ്ക്ക് സുരക്ഷ!; ഡൽഹി പോലീസിന് പുഷ്പവൃഷ്‌ടി*

ന്യൂ​​​ഡ​​​ൽ​​​ഹി: സ​​​മാ​​​ധാ​​​ന​​​പ​​​ര​​​മാ​​​യ ഈ​​​ദ് പ്രാ​​​ർ​​​ഥ​​​ന​​​ക​​​ൾ​​​ക്ക് സു​​​ര​​​ക്ഷ​​​യൊ​​​രു​​​ക്കി​​​യ​​​തി​​​ന് ഡ​​​ൽ​​​ഹി പോ​​​ലീ​​​സ് ഉ​​​ൾ​​​പ്പെ​​​ടെ​​​യു​​​ള്ള സു​​​ര​​​ക്ഷാ ഉ​​​ദ്യോ​​​ഗ​​​സ്ഥ​​​ർ​​​ക്കു​​​മേ​​​ൽ പു​​​ഷ്പ​​​വൃ​​​ഷ്‌​​​ടി ന​​​ട​​​ത്തി ഡ​​​ൽ​​​ഹി ഉ​​​ത്തം ന​​​ഗ​​​റി​​​ലെ മു​​​സ്‌​​​ലിം​​​ക​​​ൾ.

ഹോ​​​ളി ആ​​​ഘോ​​​ഷ​​​ത്തോ​​​ട​​​നു​​​ബ​​​ന്ധി​​​ച്ചു വ​​​ർ​​​ഗീ​​​യ സം​​​ഘ​​​ർ​​​ഷം ഉ​​​ട​​​ലെ​​​ടു​​​ത്ത ഇ​​​വി​​​ടെ ഈ​​​ദ് ആ​​​ഘോ​​​ഷ​​​ത്തി​​​ന്‍റെ പ​​​ശ്ചാ​​​ത്ത​​​ല​​​ത്തി​​​ൽ ക​​​ർ​​​ശ​​​ന സു​​​ര​​​ക്ഷ​​​യാ​​​യി​​​രു​​​ന്നു ഏ​​​ർ​​​പ്പെ​​​ടു​​​ത്തി​​​യ​​​ത്.

ക​​​ഴി​​​ഞ്ഞ നാ​​​ലി​​​ന് ഹോ​​​ളി ആ​​​ഘോ​​​ഷ​​​ങ്ങ​​​ൾ​​​ക്കി​​​ടെ വാ​​​ട്ട​​​ർ ബ​​​ലൂ​​​ണ്‍ ഒ​​​രു മു​​​സ്‌​​​ലിം സ്ത്രീ​​​യു​​​ടെ മേ​​​ൽ വീ​​​ണ​​​താ​​​ണ് വ​​​ർ​​​ഗീ​​​യ സം​​​ഘ​​​ർ​​​ഷ​​​ത്തി​​​നു കാ​​​ര​​​ണ​​​മാ​​​യ​​​ത്.

ഇ​​​തി​​​നെ​​​ത്തു​​​ട​​​ർ​​​ന്നു​​​ണ്ടാ​​​യ ആ​​​ക്ര​​​മ​​​ണ​​​ങ്ങ​​​ളി​​​ൽ ത​​​രു​​​ണ്‍ കു​​​മാ​​​ർ എ​​​ന്ന 26കാ​​​ര​​​ൻ കൊ​​​ല്ല​​​പ്പെ​​​ടു​​​ക​​​യും കേ​​​സു​​​മാ​​​യി ബ​​​ന്ധ​​​പ്പെ​​​ട്ട് പോ​​​ലീ​​​സ് 14 പേ​​​രെ അ​​​റ​​​സ്റ്റ് ചെ​​​യ്യു​​​ക​​​യും ചെ​​​യ്തി​​​രു​​​ന്നു. എ​​​ന്നാ​​​ൽ ത​​​രു​​​ണി​​​ന്‍റെ മ​​​ര​​​ണ​​​ത്തി​​​ന് ഈ​​​ദ് ദി​​​ന​​​ത്തി​​​ൽ പ്ര​​​തി​​​കാ​​​രം ചെ​​​യ്യു​​​മെ​​​ന്ന് ചി​​​ല തീ​​​വ്ര സം​​​ഘ​​​ട​​​ന​​​ക​​​ൾ ഭീ​​​ഷ​​​ണി മു​​​ഴ​​​ക്കി​​​യ​​​തോ​​​ടെ മേ​​​ഖ​​​ല​​​യി​​​ലെ മു​​​സ്‌​​​ലിം​​​ക​​​ളാ​​​കെ ഭ​​​യ​​​ത്തി​​​ലാ​​​യി​​​രു​​​ന്നു ക​​​ഴി​​​ഞ്ഞി​​​രു​​​ന്ന​​​ത്.

മേ​​​ഖ​​​ല​​​യി​​​ൽ സു​​​ര​​​ക്ഷ ഉ​​​റ​​​പ്പാ​​​ക്കാ​​​ൻ ആ​​​വ​​​ശ്യ​​​മാ​​​യ ക്ര​​​മീ​​​ക​​​ര​​​ണ​​​ങ്ങ​​​ൾ ന​​​ട​​​ത്ത​​​ണ​​​മെ​​​ന്നു ഡ​​​ൽ​​​ഹി ഹൈ​​​ക്കോ​​​ട​​​തി ഉ​​​ത്ത​​​ര​​​വി​​​ട്ട​​​തി​​​നെ​​​ത്തു​​​ട​​​ർ​​​ന്ന് നൂ​​​റി​​​ല​​​ധി​​​കം പി​​​ക്ക​​​റ്റ് പോ​​​സ്റ്റു​​​ക​​​ളാ​​​ണ് ഈ​​​ദ് ദി​​​ന​​​ത്തോ​​​ട​​​നു​​​ബ​​​ന്ധി​​​ച്ചു പോ​​​ലീ​​​സ് ഇ​​​വി​​​ടെ സ്ഥാ​​​പി​​​ച്ച​​​ത്.

വി​​​ദ്വേ​​​ഷ​​​ക​​​ര​​​മാ​​​യ പ്ര​​​സ്താ​​​വ​​​ന​​​ക​​​ൾ പ്ര​​​ച​​​രി​​​ക്ക​​​പ്പെ​​​ടാ​​​തി​​​രി​​​ക്കാ​​​ൻ സ​​​മൂ​​​ഹ​​​മാ​​​ധ്യ​​​മ നി​​​രീ​​​ക്ഷ​​​ണ​​​വും ക​​​ർ​​​ശ​​​ന​​​മാ​​​ക്കി. ഒ​​​ടു​​​വി​​​ൽ ഈ​​​ദ് പ്രാ​​​ർ​​​ഥ​​​ന​​​ക​​​ൾ സ​​​മാ​​​ധാ​​​ന​​​പ​​​ര​​​മാ​​​യി ക​​​ഴി​​​ഞ്ഞ​​​തോ​​​ടെ​​​യാ​​​ണ് മു​​​സ്‌​​​ലിം മ​​​ത​​​വി​​​ശ്വാ​​​സി​​​ക​​​ൾ പോ​​​ലീ​​​സു​​​കാ​​​ർ​​​ക്ക് ന​​​ന്ദി അ​​​ർ​​​പ്പി​​​ച്ച​​​ത്.

    *🟨തെ​​​ര​​​ഞ്ഞെ​​​ടു​​​പ്പ്: ഏ​പ്രി​ൽ ഒ​ന്പ​തി​ന് പൊ​തു​ അ​വ​ധി*

തി​​​രു​​​വ​​​ന​​​ന്ത​​​പു​​​രം: നി​​​യ​​​മ​​​സ​​​ഭാ തെ​​​ര​​​ഞ്ഞെ​​​ടു​​​പ്പു ന​​​ട​​​ക്കു​​​ന്ന ഏ​​​പ്രി​​​ൽ ഒ​​​ന്പതി​​​ന് നെ​​​ഗോ​​​ഷ്യ​​​ബി​​​ൾ ഇ​​​ൻ​​​സ്ട്രു​​​മെ​​​ന്‍റ് ആ​​​ക്ട് അ​​​നു​​​സ​​​രി​​​ച്ച് പൊ​​​തു​​​ അ​​​വ​​​ധി പ്ര​​​ഖ്യാ​​​പി​​​ച്ച് ഉ​​​ത്ത​​​ര​​​വാ​​​യി.

സം​​​സ്ഥാ​​​ന​​​ത്തെ വാ​​​ണി​​​ജ്യ-​​​സ്വ​​​കാ​​​ര്യ സ്ഥാ​​​പ​​​ന​​​ങ്ങ​​​ൾ അ​​​ട​​​ക്ക​​​മു​​​ള്ളി​​​ട​​​ങ്ങ​​​ളി​​​ലെ എ​​​ല്ലാ ജീ​​​വ​​​ന​​​ക്കാ​​​ർ​​​ക്കും ശ​​​ന്പ​​​ള​​​ത്തോ​​​ടു കൂ​​​ടി​​​യഅ​​​വ​​​ധി​​​യാ​​​യി​​​രി​​​ക്കും.

കേ​​​ര​​​ള ഷോ​​​പ്സ് ആ​​​ൻ​​​ഡ് കൊ​​​മേ​​​ഴ്സ്യ​​​ൽ എ​​​സ്റ്റാ​​​ബ്ലി​​​ഷ്മെ​​​ന്‍റ് ആ​​​ക്ട് പ്ര​​​കാ​​​രം എ​​​ല്ലാ സ്വ​​​കാ​​​ര്യ സം​​​രം​​​ഭ​​​ങ്ങ​​​ൾ, സ്വ​​​കാ​​​ര്യ വ്യാ​​​വ​​​സാ​​​യി​​​ക കേ​​​ന്ദ്ര​​​ങ്ങ​​​ൾ, മ​​​റ്റു സ്വ​​​കാ​​​ര്യ സ്ഥാ​​​പ​​​ന​​​ങ്ങ​​​ൾ എ​​​ന്നി​​​വ​​​ക്കും അ​​​വ​​​ധി ബാ​​​ധ​​​ക​​​മാ​​​യി​​​രി​​​ക്കും.

എ​​​ല്ലാ ജീ​​​വ​​​ന​​​ക്കാ​​​ർ​​​ക്കും ശ​​​ന്പ​​​ള​​​ത്തോ​​​ടു​​​കൂ​​​ടി​​​യ അ​​​വ​​​ധി ന​​​ൽ​​​ക​​​ണം. നി​​​യോ​​​ജ​​​ക മ​​​ണ്ഡ​​​ല​​​ത്തി​​​നു പു​​​റ​​​ത്തു ജോ​​​ലി ചെ​​​യ്യു​​​ന്ന ദി​​​വ​​​സ​​​വേ​​​ത​​​ന തൊ​​​ഴി​​​ലാ​​​ളി​​​ക​​​ൾ, താ​​​ത്കാ​​​ലി​​​ക തൊ​​​ഴി​​​ലാ​​​ളി​​​ക​​​ൾ ഉ​​​ൾ​​​പ്പെ​​​ടെ​​​യു​​​ള്ള ജീ​​​വ​​​ന​​​ക്കാ​​​ർ​​​ക്ക് ശ​​​ന്പ​​​ള​​​ത്തോ​​​ടു കൂ​​​ടി​​​യ അ​​​വ​​​ധി അ​​​നു​​​വ​​​ദി​​​ക്ക​​​ണ​​​മെ​​​ന്നും ഉ​​​ത്ത​​​ര​​​വി​​​ൽ പ​​​റ​​​യു​​​ന്നു.

ശുഭദിനം.