വാഹനാപകടത്തിൽ വിദ്യാർത്ഥിനി മരിച്ചു.

കുന്ദമംഗലം : കുന്ദമംഗലം പതിനൊന്നാം മൈൽ പെട്രോൾ പമ്പിന് സമീപം ബൈക്കും പിക്കപ്പ് വാനും കൂട്ടിയിടിച്ച് ഉണ്ടായ വാഹനാപകടത്തിൽ വിദ്യാർത്ഥിനി മരിച്ചു.

ആരാമ്പ്രത്ത് താമസിക്കുന്ന എകരൂൽ സ്വദേശിനി വഫ ഫാത്തിമ (18) യാണ്  മരണപ്പെട്ടത്.

അപകടം നടന്ന ഉടൻ തന്നെ വഫ ഫാത്തിമയെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം തുടർ നടപടികൾക്കായി മെഡിക്കൽ കോളേജിൽ.

പ്രോവിഡൻസ് കോളേജിലെ ഡിഗ്രി വിദ്യാർത്ഥിനിയാണ് ഫാത്തിമ.വീട്ടിൽ നിന്നും വരുമ്പോൾ കൊടുവള്ളിയിൽ വാഹനം നിർത്തിയിട്ടാണ് ബഫ സാധാരണ കോളേജിൽ പോകുന്നതെങ്കിലും ഇന്നലെയും ഇന്നും പരീക്ഷയായത് കൊണ്ട് വണ്ടിയെടുത്ത് പോകുകയായിരുന്നുവെന്ന് ബന്ധു പറയുന്നു.

പിതാവ്: ശരീഫ് (സൗദിയിലെ ദമാമിൽ ജോലി ചെയ്തുവരുന്നു). മാതാവ്: സലീഖ. സഹോദരങ്ങൾ: സഫ ശരീഫ്, നഫ ശരീഫ്.

മാതാവ് ഇന്നലെയാണ് പിതാവ് ജോലി ചെയ്യുന്ന സൗദി അറേബ്യയിലേക്ക് പോയത്.