സോളാർ ഇൻവെർട്ടർ സർവീസ് സെന്ററിൽ തീപ്പിടുത്തം.

പന്നിക്കോട്ടൂർ: പാലങ്ങാട് സോളാർ ഇൻവെർട്ടർ സർവീസ് സെന്ററിൽ തീപ്പിടുത്തം. വ്യാഴാഴ്ച ഉച്ചയ്ക്ക് രണ്ടരയോടെയാണ് തീപ്പിടുത്തമുണ്ടായത് . മുഹമ്മദ് റിയാസിന്റെ ഉടമസ്ഥതയിലുള്ളതാണ് സ്ഥാപനം. വിവരമറിഞ്ഞ ഉടൻ നരിക്കുനി അഗ്നിശമന സേനാ നിലയത്തിൽ നിന്ന് സ്റ്റേഷൻ ഓഫീസർ പി.ഒ.വർഗീസിന്റെ നേതൃത്വത്തിലുള്ള ഒരു യൂണിറ്റ് സ്ഥലത്തെത്തിയാണ് രക്ഷാപ്രവർത്തനം നടത്തിയത്. 

വാഹനത്തിലെ പമ്പും ഫ്ലോട്ട് പമ്പും ഉപയോഗിച്ച് ഒന്നര മണിക്കൂറോളം നടത്തിയ പരിശ്രമത്തിനൊടുവിലാണ് തീ പൂർണമായും അണച്ചത്.സമീപത്തെ മറ്റ് കെട്ടിടങ്ങളിലേക്ക് തീ പടരുന്നത് തടയാൻ സാധിച്ചതു കൊണ്ട് വലിയ അപകടം ഒഴിവാക്കാനായി. തീപിടുത്തത്തിൽ സ്ഥാപനത്തിന് 30 ലക്ഷത്തോളം രൂപയുടെ നാശനഷ്ടമുണ്ടായിട്ടുണ്ടായിട്ടുണ്ടെന്നാണ് പറയപ്പെടുന്നത്. 

ഫയർഫോഴ്സ് അസിസ്റ്റന്റ് സ്റ്റേഷൻ ഓഫീസർമാരായ സജി ചാക്കോ, ഹമേഷ്, സീനിയർ ഫയർ റെസ്ക്യൂ ഓഫീസർ രാഗിൻ, ഫയർ റെസ്ക്യൂ ഓഫീസർമാരായ നിഖിൽ, ജിനുകുമാർ, സജിത്ത് കുമാർ, സത്യൻ, ഹോം ഗാർഡുമാരായ ചന്ദ്രൻ, സുജിത് എന്നിവരും രക്ഷാപ്രവർത്തനത്തിൽ പങ്കെടുത്തു.