ഗ്രാറ്റോണിയം:മെഡിക്കൽ ക്യാമ്പ് ശനിയാഴ്ച

നരിക്കുനി : നെടിയനാട് ബദ്‌രിയ്യ വാർഷിക സമ്മേളന 'ഗ്രാറ്റോണിയം' ത്തിൻെറ മുന്നോടിയായി കെ എം സി ടി മെഡിക്കൽ കോളേജുമായി സഹകരിച്ച് കൊണ്ട് സൗജന്യ മെഡിക്കൽ ക്യാമ്പ് സംഘടിപ്പിക്കുന്നു. ഏപ്രിൽ 26 ശനിയാഴ്ച രാവിലെ 10 മണി മുതൽ ഉച്ചക്ക് 2 മണി വരെ ബദ്‌രിയ്യയുടെ കാരുകുളങ്ങര ക്യാമ്പസിൽ വെച്ചാണ് ക്യാമ്പ് നടക്കുന്നത് .ജനറൽ മെഡിസിൻ, ഓർത്തോ , നേത്ര രോഗ വിഭാഗം, ദന്ത രോഗ വിഭാഗം  തുടങ്ങി വിവിധ വിഭാഗങ്ങളിലെ പ്രഗത്ഭർ നേതൃത്വം നൽകും.   

മെയ് 2,3,4 തിയ്യതികളിൽ നെടിയനാട് വെച്ച് നടക്കുന്ന ' ഗ്രാറ്റോണിയം' വാർഷിക സമ്മേളനത്തിൽ സയ്യിദ് അലി ബാഫഖി തങ്ങൾ, റഈസുൽ ഉലമ ഇ സുലൈമാൻ മുസ്‌ലിയാർ, സുൽത്താനുൽ ഉലമ കാന്തപുരം ഉസ്താദ്, സയ്യിദ് ഇബ്രാഹിം ഖലീലുൽ ബുഖാരി, സി മുഹമ്മദ് ഫൈസി തുടങ്ങി മത - സാമൂഹിക -  സാംസ്കാരിക - രാഷ്ട്രീയ  രംഗത്തെ പ്രമുഖരും ജന പ്രതിനിധികളും സംബന്ധിക്കും .

പ്രാസ്ഥാനിക സമ്മേളനം, കുടുംബ സംഗമം, പെയിൻ & പാലിയേറ്റീവ് , ആംബുലൻസ് സമർപ്പണം, മഹബ്ബ കോൺഫറൻസ്, മുതഅല്ലിം സമ്മിറ്റ്, സമാപന സമ്മേളനം തുടങ്ങി വിവിധ സമ്മേളനങ്ങളും പഠന വേദികളും കൊണ്ട് വേദി സമ്പന്നമാകും.