Latest

6/recent/ticker-posts

Header Ads Widget

കോഴിക്കോട് സ്വദേശിനി യു.എ.ഇ.യില്‍ കടലില്‍ മുങ്ങിമരിച്ചു; അപകടം ഭര്‍ത്താവിനെയും കുട്ടികളെയും രക്ഷിക്കാന്‍ ശ്രമിക്കുന്നതിനിടെ.

ഉമ്മുല്‍ഖുവൈന്‍: കോഴിക്കോട് പന്തീരങ്കാവ് സ്വദേശിനി റഫ്സ മഹ്‌റൂഫ് (32) ഉമ്മുല്‍ഖുവൈന്‍ ബീച്ച്‌ ഹോട്ടലിന് സമീപം കടലില്‍ മുങ്ങി മരിച്ചു. ഭര്‍ത്താവും കുട്ടികളും വെള്ളത്തില്‍ മുങ്ങുന്നത് കണ്ട്​ രക്ഷപ്പെടുത്താന്‍ ശ്രമിക്കുന്നതിനിടയിലാണ് റഫ്സയ്ക്ക് ജീവന്‍ നഷ്​ടമായത്. ഷാര്‍ജ ഇത്തിസാലാത്തില്‍ സാങ്കേതിക വിഭാഗം ജീവനക്കാരന്‍ മഹ്റൂഫി​ന്റെ ഭാര്യയാണ്​. മൃതദേഹം ഉമ്മുല്‍ഖുവൈന്‍ ആശുപത്രി മോര്‍ച്ചറിയില്‍.

ഇന്നലെ രാവിലെയായിരുന്നു സംഭവം. ശക്തമായ അടിയൊഴുക്കാണ് അപകടത്തിന് കാരണമായത്. അജ്മാനില്‍ താമസിക്കുന്ന ഇവര്‍ രാവിലെ ഹോട്ടല്‍ പരിസരത്തെ കടലില്‍ കുളിക്കാന്‍ വന്നതായിരുന്നു.

മക്കൾ: ആമിര്‍ മഹറൂഫ്, ഐറ മഹറൂഫ്. പിതാവ് :കോയദ്ദീന്‍ തറമ്മല്‍. മാതാവ്: സഫിയ കുന്നത്ത് കൊടക്കാട്ട്.

ഉമ്മുല്‍ഖുവൈന്‍ ഇന്ത്യന്‍ അസോസിയേഷന്‍ പ്രസിഡന്‍റ്​ സജാദ് നാട്ടിക, ചാരിറ്റി കോര്‍ഡിനേറ്റര്‍ റാഷിദ് പൊന്നാണ്ടി, സാമൂഹിക പ്രവര്‍ത്തകന്‍ അഷ്റഫ് താമരശ്ശേരി എന്നിവരുടെ നേതൃത്വത്തില്‍ മൃതദേഹം നാട്ടിലേക്ക് കൊണ്ടുപോകാനുള്ള നടപടികള്‍ പുരോഗമിക്കുന്നു.

Post a Comment

0 Comments