കൂടരഞ്ഞി: കക്കാടംപൊയിലില് പാര്ക്കിന് സമീപം നടക്കുന്ന നിര്മാണ പ്രവൃത്തികള് ഉടന് നിര്ത്തിവയ്ക്കാന് ജില്ലാദുരന്ത നിവാരണ അഥോറിറ്റി യോഗം തീരുമാനിച്ചു. കോഴിക്കോട് ജില്ലാ കളക്ടര് യു.വി. ജോസിന്റെ അധ്യക്ഷതയില് കളക്ടറുടെ ചേംബറിലാണ് യോഗം ചേര്ന്നത്. പാര്ക്കിന്റെ പ്രവര്ത്തനം നിര്ത്തിവയ്ക്കാന് നേരത്തെ നിര്ദ്ദേശം നല്കിയിരുന്നു. കനത്ത മഴയില് ഉരുള്പൊട്ടല് ഉണ്ടായത്തിനെത്തുടര്ന്ന് തഹസില്ദാര് സ്ഥലം സന്ദര്ശിച്ചു ജില്ലാ കളക്ടര്ക്ക് റിപ്പോര്ട്ട് നല്കിയിട്ടുണ്ട്.
മണ്ണിടിച്ചിലും ഉരുള്പൊട്ടലുമുണ്ടായ സ്ഥലത്ത് ഒരു തരത്തിലുള്ള നിര്മാണ ജോലികളും പാടില്ലയെന്ന് ചീഫ് സെക്രട്ടറിയുടെ നിര്ദേശം നിലവിലുണ്ട്. സംസ്ഥാന ദുരന്ത നിവാരണ അഥോറിറ്റിയോട് പാര്ക്കിനെ ക്കുറിച്ചു പഠിച്ച് വിദഗ്ധ റിപ്പോര്ട്ട് ലഭ്യമാക്കുന്നതിന് ജില്ലാദുരന്ത നിവാരണ അഥോറിറ്റി അഭ്യര്ഥിച്ചിരുന്നു. പഠനം വേഗത്തില് നടത്താന് ആവശ്യപ്പെടും. അതുവരെ പാര്ക്കിന്റെ പ്രവര്ത്തനം പാടില്ല. ഉരുള്പൊട്ടലുണ്ടായ പ്രദേശത്ത് കോണ്ക്രീറ്റ് ഭിത്തി നിര്മിക്കുന്നതായി പരിശോധനയില് കണ്ടെത്തിയിട്ടുണ്ട്. ഇത് അനുവദനീയമല്ല.
പാര്ക്കിന്റെ പരിസരത്ത് ജലസംഭരണം പാടില്ലയെന്ന് യോഗം തീരുമാനിച്ചു.
ജില്ലയില് അനുമതിയുളള ക്വാറികളുടെ പ്രവര്ത്തനം ജില്ലാ വികസന സമിതി തീരുമാനപ്രകാരം തുടരും. പരാതികളിലുളള മേഖലകളില് ക്വാറികളുടെ പരിശോധന നടത്തുന്നതിന് സബ് കളക്ടറെ ചുമതലപ്പെടുത്തി. ജലസംഭരണിയില് സംഭരിച്ചിരിക്കുന്ന വെള്ളം പൂര്ണമായും തുറന്നുവിടണം. പുതിയ ക്വാറികള്ക്കുളള അപേക്ഷകള് ഇപ്പോള് പരിഗണിക്കില്ലെന്നും ജില്ലാ കളക്ടര് അറിയിച്ചു.
സബ് കളക്ടര് വി. വിഘ്നേശ്വരി, ദുരന്ത നിവാരണ വിഭാഗം ഡെപ്യൂട്ടി കളക്ടര് കെ. റംല, റീജണല് ടൗണ് പ്ലാനര് അബ്ദുള് മാലിക്, അസി. കളക്ടര് കെ.എസ്. അഞ്ജു, ജില്ലാ ഫയര് ഫോഴ്സ് ഓഫീസര് രജിഷ്, പ്രിന്സിപ്പല് കൃഷി ഓഫീസര് ലീന, ജില്ലാ മെഡിക്കല് ഓഫീസര് ഡോ. വി. ജയശ്രീ, അസി. പോലീസ് കമ്മീഷണര് തുടങ്ങിയവര് യോഗത്തില് പങ്കെടുത്തു.
മണ്ണിടിച്ചിലും ഉരുള്പൊട്ടലുമുണ്ടായ സ്ഥലത്ത് ഒരു തരത്തിലുള്ള നിര്മാണ ജോലികളും പാടില്ലയെന്ന് ചീഫ് സെക്രട്ടറിയുടെ നിര്ദേശം നിലവിലുണ്ട്. സംസ്ഥാന ദുരന്ത നിവാരണ അഥോറിറ്റിയോട് പാര്ക്കിനെ ക്കുറിച്ചു പഠിച്ച് വിദഗ്ധ റിപ്പോര്ട്ട് ലഭ്യമാക്കുന്നതിന് ജില്ലാദുരന്ത നിവാരണ അഥോറിറ്റി അഭ്യര്ഥിച്ചിരുന്നു. പഠനം വേഗത്തില് നടത്താന് ആവശ്യപ്പെടും. അതുവരെ പാര്ക്കിന്റെ പ്രവര്ത്തനം പാടില്ല. ഉരുള്പൊട്ടലുണ്ടായ പ്രദേശത്ത് കോണ്ക്രീറ്റ് ഭിത്തി നിര്മിക്കുന്നതായി പരിശോധനയില് കണ്ടെത്തിയിട്ടുണ്ട്. ഇത് അനുവദനീയമല്ല.
പാര്ക്കിന്റെ പരിസരത്ത് ജലസംഭരണം പാടില്ലയെന്ന് യോഗം തീരുമാനിച്ചു.
ജില്ലയില് അനുമതിയുളള ക്വാറികളുടെ പ്രവര്ത്തനം ജില്ലാ വികസന സമിതി തീരുമാനപ്രകാരം തുടരും. പരാതികളിലുളള മേഖലകളില് ക്വാറികളുടെ പരിശോധന നടത്തുന്നതിന് സബ് കളക്ടറെ ചുമതലപ്പെടുത്തി. ജലസംഭരണിയില് സംഭരിച്ചിരിക്കുന്ന വെള്ളം പൂര്ണമായും തുറന്നുവിടണം. പുതിയ ക്വാറികള്ക്കുളള അപേക്ഷകള് ഇപ്പോള് പരിഗണിക്കില്ലെന്നും ജില്ലാ കളക്ടര് അറിയിച്ചു.
സബ് കളക്ടര് വി. വിഘ്നേശ്വരി, ദുരന്ത നിവാരണ വിഭാഗം ഡെപ്യൂട്ടി കളക്ടര് കെ. റംല, റീജണല് ടൗണ് പ്ലാനര് അബ്ദുള് മാലിക്, അസി. കളക്ടര് കെ.എസ്. അഞ്ജു, ജില്ലാ ഫയര് ഫോഴ്സ് ഓഫീസര് രജിഷ്, പ്രിന്സിപ്പല് കൃഷി ഓഫീസര് ലീന, ജില്ലാ മെഡിക്കല് ഓഫീസര് ഡോ. വി. ജയശ്രീ, അസി. പോലീസ് കമ്മീഷണര് തുടങ്ങിയവര് യോഗത്തില് പങ്കെടുത്തു.
Tags:
KOZHIKODE