തിരുവനന്തപുരം: കൊറോണയുടെ പശ്ചാത്തലത്തിൽ സംസ്ഥാനത്തെ എല്ലാ പരീക്ഷകളും മാറ്റിവെച്ചു. എസ്എസ്എൽസി, പ്ലസ്ടു, സർവകലാശാല പരീക്ഷകൾ ഉൾപ്പെടെ മാറ്റിവെയ്ക്കാനാണ് തീരുമാനം. മുഖ്യമന്ത്രി വിളിച്ച് ചേർത്ത ഉന്നതതലയോഗത്തിലാണ് തീരുമാനം. 


ഇനി നടക്കാനിരിക്കുന്ന പരീക്ഷകളെല്ലാമാണ് മാറ്റിയത്.
കൊറോണ വൈറസിന്റെ സാമൂഹിക വ്യാപനത്തിന്റെ സാധ്യത നിലനിൽക്കുന്നതിനാൽ മുൻകരുതലിന്റെ ഭാഗമായാണ് സംസ്ഥാനത്തെ എല്ലാ പരീക്ഷകളുടെ മാറ്റിവെയ്ക്കാൻ വെള്ളിയാഴ്ച ചേർന്ന ഉന്നതതലയോഗത്തിൽ തീരുമാനമായത്.
രാജ്യത്തെ എല്ലാ പരീക്ഷകളും മാറ്റിവെയ്ക്കാനുള്ള കേന്ദ്രം നിർദേശം വന്നിട്ടും കേരളത്തിൽ മുൻനിശ്ചയിച്ച പ്രകാരം പരീക്ഷകൾ നടത്താനായിരുന്നു വ്യാഴാഴ്ച വൈകുന്നേരം വരെ സംസ്ഥാന സർക്കാർ തീരുമാനം. എന്നാൽ ഇന്ന് ചേർന്ന യോഗത്തിൽ പരീക്ഷകൾ മാറ്റിവെയ്ക്കാൻ തീരുമാനിക്കുകയായിരുന്നു.
സിബിഎസ്ഇ, ഐസിഎസ്ഇ അടക്കമുള്ള പരീക്ഷകൾ മാറ്റിയിട്ടും സംസ്ഥാന സർക്കാർ പരീക്ഷകൾ മാറ്റിവയ്ക്കാത്തതിനെതിരേ വിമർശനം ഉയർന്നിരുന്നു. പുതുക്കിയ പരീക്ഷ തിയതി പിന്നീട് അറിയിക്കും