താമരശേരി: എസ്വൈഎസ് കോഴിക്കോട് ജില്ലാ കമ്മിറ്റിയുടെ നേതൃത്വത്തില് ലോക ജല ദിനത്തില് പൂനൂര് പുഴ ശുചീകരണത്തിന് തുടക്കം കുറിച്ചു. ജലമാണ് ജീവന് എന്ന ശീര്ഷകത്തില് എസ്വൈഎസ് നടത്തുന്ന കാമ്പയിന്റെ ഭാഗമായാണ് പൂനൂര്, താമരശേരി സോണ് കമ്മിറ്റികള് സംയുക്തമായി പൂനൂര് ഭാഗത്ത് ശുചീകരണം നടത്തിയത്.
പ്ലാസ്റ്റിക് ഉള്പ്പെടെയുള്ള അന്പത് ചാക്ക് മാലിന്യങ്ങങ്ങള് നീക്കം ചെയ്തു. മാലിന്യ നിക്ഷേപം തടയാനുള്ള നടപടികളും ബോധവത്കരണ പരിപാടികളും സംഘടിപ്പിക്കും. രണ്ടാം ഘട്ടത്തില് പൂനൂര് പുഴയുടെ ഉത്ഭവ കേന്ദ്രമായ കട്ടിപ്പാറ വരെയും കൊടുവള്ളി ഭാഗവും ശുചീകരിക്കും.
ജില്ലാ സെക്രട്ടറി മുനീര് സഅദി പൂലോട് ഉദ്ഘാനം ചെയ്തു. ചര്ച്ചാ സംഗമം പുരുഷന് കടലുണ്ടി എംഎല്എ ഉദ്ഘാടനം ചെയ്തു. ജില്ലാ പ്രസിഡന്റ് മുഹമ്മദലി സഖാഫി വള്ളിയാട് അധ്യക്ഷത വഹിച്ചു.
ജില്ലാ സെക്രട്ടറി അലവി സഖാഫി കായലം, താമരശേരി ഗ്രാമപഞ്ചായത്ത് വൈസ് പ്രസിഡന്റ് നവാസ് ഈര്പ്പോണ, പി.കെ അബ്ദുനാസര് സഖാഫി, സലാം ബുസ്താനി എളേറ്റില്, സ്വാദിഖ് സഖാഫി,സി.കെ അസീസ് ഹാജി, സി.കെ അബ്ദുല് ഗഫൂര് ബാഖവി, മുനീര് സഅദി പൂലോട്, അബ്ദുന്നാസര് പൂക്കോട് എന്നിവര് പ്രസംഗിച്ചു.
Tags:
POONOOR