കനത്ത മഴയെത്തുടര്ന്ന് വയനാട്, പാലക്കാട് ജില്ലകളിലെ പ്രഫഷനല് കോളജ് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും ചൊവ്വാഴച അവധിയായിരിക്കുമെന്ന് ഇരു ജില്ലകളിലേയും കലക്റ്റര്മാര് പ്രഖ്യാപിച്ചു. സി.ബി.എസ്.ഇ., ഐ.സി.എസ്.ഇ. സ്കൂളുകള്ക്കും, അംഗന്വാടികള്ക്കും അവധി ബാധകമായിരിക്കും.
പത്തനംതിട്ട ജില്ലയിലെ തിരുവല്ല, കോഴഞ്ചേരി താലൂക്കുകളിലെ ദുരിതാശ്വാസ ക്യാമ്ബുകള് പ്രവര്ത്തിക്കുന്ന എല്ലാ സ്ഥാപനങ്ങള്ക്കും ജില്ലാ കലക്ടര് അവധി പ്രഖ്യാപിച്ചു. കുട്ടനാട് താലൂക്കിലെ പ്രൊഫഷണല് കോളേജ് ഒഴികെയുള്ള വിദ്യാഭ്യാസ സ്ഥാപനങ്ങള്ക്ക് ആലപ്പുഴ ജില്ലാ കലക്ടര് നാളെ അവധി പ്രഖ്യാപിച്ചു.
വയനാട് ജില്ലയില്കനത്ത മഴ തുടരുന്ന സാഹചര്യത്തില് വൈത്തിരി പഞ്ചായത്തിലെ നിരവധി പ്രദേശങ്ങള് ഉരുള്പൊട്ടല് മണ്ണിടിച്ചില് ഭീഷണി നേരിടുകയാണ്. കഴിഞ്ഞ നാലു ദിവസത്തിനിടെ അഞ്ചു തവണയാണ് വയനാട്ടില് ഉരുള്പൊട്ടിയത്. ഇന്നലെ രാത്രി കുറിച്ച്യാര് മലയില് രണ്ടു തവണ ഉരുള് പൊട്ടിയിരുന്നു.
സംസ്ഥാനത്ത് മഴ കനത്തതോടെ അയ്യപ്പ ഭക്തര് ശബരിമല തീര്ഥാടനം തല്ക്കാലം ഒഴിവാക്കണമെന്ന് തിരുവിതാംകൂര് ദേവസ്വം ബോര്ഡ് ആവശ്യപ്പെട്ടിട്ടുണ്ട്.
Tags:
KERALA