മടവൂർ: ജില്ലയിലെ തിരക്കേറിയ റൂട്ടുകളിൽ ഒന്നായ ചക്കാലക്കൽ , മടവൂർ സി എം മഖാം റൂട്ടിൽ കെ എസ്‌ ആർ ടി സി ബസ് റൂട്ട് അനുവദിക്കണമെന്ന് ചക്കാലക്കൽ ഹയർ സെക്കണ്ടറി സ്‌കൂൾ പി ടി എ എക്സിക്യൂട്ടീവ് യോഗം ആവശ്യപ്പെട്ടു.
നേരത്തെ ബാലുശ്ശരി കോഴിക്കോട് റൂട്ടിലും താമരശ്ശേരി നരിക്കുനി കോഴിക്കോട് റൂട്ടിലുമായി 4 കെ എസ്‌ ആർ ടി സി ബസുകൾ 17 ട്രിപ്പ് സർവീസ് നടത്തിയിരുന്നു.നാലായിരത്തിലധികം വിദ്യാർഥികൾ പഠിക്കുന്ന ചക്കാലക്കൽ ഹയർ സെക്കണ്ടറി സ്‌കൂൾ മടവൂർ , ആയിരക്കണക്കിന് തീർത്ഥാടകർ ദിനം പ്രതി യാത്ര ചെയ്യുന്ന സി എം മഖാം ശരീഫ് , ബൈത്തുൽ ഇസ്സ ആർട്സ് ആൻഡ് സയൻസ് കോളേജ് എന്നിവ ഈ റൂട്ടിലാണ്.
ദിവസേന പതിനായിരക്കണക്കിന് ആളുകൾ യാത്ര ചെയ്യുന്ന പടനിലം ചക്കാലക്കൽ മടവൂർ നരിക്കുനി റൂട്ടിൽ യാത്ര സൗകര്യത്തിനു കൂടുതൽ സർവീസ് ആരംഭിക്കാൻ നടപടി സ്വീകരിക്കണമെന്ന് യോഗം ആവശ്യപ്പെട്ടു.പി ടി എ എക്സിക്യൂട്ടീവ് യോഗം മാനേജർ പി കെ സുലൈമാൻ ഉദ്‌ഘാടനം ചെയ്‌തു .
പി ടി എ പ്രസിഡണ്ട് ഒ കെ ഇസ്മായിൽ അധ്യക്ഷനയിരുന്നു. പ്രിൻസിപ്പാൾ എം സിറാജുദീൻ , ഹെഡ് മാസ്റ്റർ ഷാജു പി കൃഷ്‌ണൻ , പി ടി എ വൈസ് പ്രസിഡന്റ് ഷബ്‌ന നൗഫൽ ,ഡെപ്യൂട്ടി ഹെഡ്മാസ്റ്റർ ടി ബാലകൃഷ്ണൻ , വി പി സുബൈർ ,എം പി ടി എ പ്രസിഡന്റ് എം കെ പ്രജില ,റിയാസ് ഖാൻ ,ഇ അനൂപ് ,പി കെ അൻവർ ,കെ ജാബിർ , ടി മുസ്തഫ , ഷാബുരാജ് , പി നൗഫൽ , റഷീദ് കീമാരി , റഹ്മത്ത് , സീനത്ത് , ഷെറിൻ ,ഫാക്കിഹത്ത് ,സി പി അബ്ദുൽ സലാം , പി അബ്ദുൽ ലത്തീഫ് എന്നിവർ സംസാരിച്ചു.
Tags:
MADAVOOR