പൂനൂർ:ഹെല്‍ത്ത് കെയര്‍ ഫൗണ്ടേഷന്റെ ആഭിമുഖ്യത്തില്‍ രാസലഹരിക്കെതിര ഡ്രഗ് ഫ്രീ കേരള എന്ന സന്ദേശമുയര്‍ത്തി താമരശ്ശേരിയില്‍ നിന്നും തിരുവന്തപുരത്തേക്ക് സൈക്കിള്‍ യാത്ര തുടങ്ങി. പൊലീസ്,ഏക്‌സൈസ്, കേരള വ്യാപാരി വ്യവസായി ഏകോപന സമിതി, ബേബി മെമ്മോറിയല്‍ ഹോസ്പിറ്റല്‍,പാരജോൺ, എം.ത്രി ആര്‍, മറിയാസ് സൈക്കിള്‍മാര്‍ട്ട് തുടങ്ങിയ സര്‍ക്കാര്‍, സര്‍ക്കാറിതര സംവിധാനങ്ങളുമായി സഹകരിച്ചാണ് യാത്ര നടത്തുന്നത്.
പൂനൂരിൽ അഡ്വ:കെ. സച്ചിന്‍ദേവ് എം.എല്‍.എ സൈക്ലത്തോൺ ഉദ്ഘാടനം നിര്‍വഹിച്ചു. ഹെൽത്ത് കെയർ ഫൗണ്ടേഷൻ ജനറൽ സെക്രട്ടറി സി കെ എ ഷമീർ ബാവ അധ്യക്ഷത വഹിച്ചു . വടകര റൂറല്‍ എസ്.പി കെ ഇ ബൈജു ഫ്‌ളാഗോഫ് ചെയ്തു. എക്‌സൈസ് കമ്മീഷണർ സുഗുണന്‍ ലഹരിവിരുദ്ധ സന്ദേശം കൈമാറി.നജീബ് കാന്തപുരം എം എൽ എ മുഖ്യ പ്രഭാഷണം നടത്തി.
കട്ടിപ്പാറ ഗ്രാമ പഞ്ചായത്ത് പ്രസിഡണ്ട് പ്രേംജി ജയിംസ്,എം വി ഡി മനുരാജ് , താമരശ്ശേരി ഡി.വൈ.എസ്.പി. സുശീർ കുമാർ,സി പി കരീം മാസ്റ്റർ, അജിത് കുമാർ, രമേശൻ മാസ്റ്റർ, എ വി നാസർ, അമീർ ഷാജി, അബൂബക്കർ ഹാജി മാണിക്കോത്ത്, എന്നിവർ പ്രസംഗിച്ചു.
കോഡിനേറ്റർ കെ അബ്ദുൽ മജീദ് സ്വാഗതവും,സൈക്കിൾ റാലിയുടെ ക്യാപ്റ്റൻ ഷംസുദ്ധീൻ ഏകരൂൽ നന്ദിയും പറഞ്ഞു. സ്റ്റുഡന്റസ് പോലീസ് കേഡെറ്റ്, ബാലുശ്ശേരി ശ്രീ ഗോകുലം ആർട്സ് ആൻഡ് സയൻസ് കോളേജ് തുടങ്ങിയവർ പങ്കാളികളായി.
Tags:
POONOOR