Latest

6/recent/ticker-posts

Header Ads Widget

വാഹന പരിശോധനക്കിടെ മുന്നോട്ടെടുത്ത സ്‌കൂട്ടര്‍ മറിഞ്ഞ് എസ് ഐ ക്കും വിദ്യാര്‍ത്ഥിക്കും പരിക്ക്.

കൊടുവള്ളി: വാഹന പരിശോധനക്കിടെ മുന്നോട്ടെടുത്ത സ്‌കൂട്ടര്‍ മറിഞ്ഞ് എസ് ഐ ക്കും വിദ്യാര്‍ത്ഥിക്കും പരിക്ക്. കൊടുവള്ളി സ്റ്റേഷനിലെ പ്രിന്‍സിപ്പല്‍ എസ് ഐ. എ പി അനൂപ്, കൊടുവള്ളി മാനിപുരം കണ്ടാലമ്മല്‍ അബ്ദുസ്സലാമിന്റെ മകന്‍ ഫില്‍ഷാദ് (17) എന്നിവര്‍ക്കാണ് പരിക്കേറ്റത്.

ഫില്‍ഷാദിനെ കോഴിക്കോട് മെഡിക്കല്‍ കോളേജ് ആശുപത്രിയിലും എസ് ഐ യെ താമരശ്ശേരി താലൂക്ക് ആശുപത്രിയിലും പ്രവേശിപ്പിച്ചു.വ്യാഴാഴ്ച വൈകിട്ട് ദേശീയപാതയില്‍ കൊടുവള്ളി കെ എം ഒ ക്ക് സമീപത്തായിരുന്നു സംഭവം.

മൂന്ന് വിദ്യാര്‍ത്ഥികള്‍ സഞ്ചരിക്കുകയായിരുന്ന സ്‌കൂട്ടറിന് എസ് ഐ കൈ കാണിക്കുകയും സ്‌കൂട്ടര്‍ നിര്‍ത്തുകയും ചെയ്തു. നിര്‍ത്തിയ ഉടനെ രണ്ട് പേര്‍ ഓടി രക്ഷപ്പെട്ടു. സ്‌കൂട്ടറിന് അടുത്തെത്തിയ എസ് ഐ സ്‌കൂട്ടറില്‍ പിടിച്ച് സംസാരിക്കുന്നതിനിടെ പെട്ടെന്ന് മുന്നോട്ടെടുത്തു. അല്‍പ്പ ദൂരം മുന്നോട്ടു നീങ്ങിയ സ്‌കൂട്ടര്‍ മറിയുകയായിരുന്നു. എസ് ഐ ക്ക് കൈക്കും കാലിനും പരുക്കേറ്റു. ഫില്‍ഷാദിന് കൈക്കാണ് പരുക്ക്. ആരുടേയും പരുക്ക് ഗുരുതരമല്ല.

Post a Comment

0 Comments