താമരശ്ശേരിയില്‍ ടിപ്പറിനടിയില്‍പ്പെട്ട് യുവതിക്ക് ദാരുണാന്ത്യം.

താമരശ്ശേരി: താമരശ്ശേരി  കൊയിലാണ്ടി പാതയില്‍  ചുങ്കം ഫോറസ്റ്റ് ഓഫീസിന് സമീപമുണ്ടായ അപകടത്തിൽ യുവതിക്ക് ദാരുണാന്ത്യം.പനംതോട്ടം ഓർക്കിഡ് ഹൗസിംഗ് കോളനിയിലെ താമസക്കാരിയായ ഫാത്തിമ സാജിത (39) ആണ് മരിച്ചത്.

ഭർത്താവ്: ആബിദ്. മക്കൾ: സമാൻ, ദിയ, ദില്‍ഷാന്‍, ആരിഫ്.

കുട്ടിയെ സ്കൂൾ ബസ്റ്റിൽ കയറ്റി നിൽക്കുമ്പോൾ ബാലുശ്ശേരി ഭാഗത്തു നിന്നും ചുങ്കം ഭാഗത്തേക്ക് വന്ന റോഡ് കരാറുകാരായ ശ്രീ ധന്യ കൺസ്ട്രക്ഷൻ എന്ന കമ്പനിയുടെ ടോറസ് ടിപ്പറാണ് യുവതിയുടെ ശരീരത്തിൽ കയറി ഇറങ്ങിയത്.യുവതി സംഭവസ്ഥലത്ത് വെച്ചു തന്നെ മരിച്ചു.