കൊടുവള്ളി : മടവൂർ സ്വദേശി കുവൈത്തിൽ ലിഫ്റ്റിൽ മരിച്ച നിലയിൽ. കാടച്ചാലിൽ ജിജിൻ (43) ആണ് മരിച്ചത്.
യുണൈറ്റഡ് എലിവേറ്റർ കമ്പനി ജീവനക്കാരനാണ്. കഴിഞ്ഞദിവസം റൂമിൽനിന്ന് പുറത്തുപോയ ജിജിനെ ലിഫ്റ്റിൽ മരിച്ച നിലയിൽ കണ്ടെത്തുകയായിരുന്നു.
എലിവേറ്റർ അപകടമാണ് മരണകാരണം എന്നാണ് പ്രാഥമിക റിപ്പോർട്ട് . മൃതദേഹം നാട്ടിലേക്ക് കൊണ്ടുപോകാനുള്ള നടപടിക്രമങ്ങൾ പുരോഗമിക്കുകയാണ്.
ഭാര്യ: വിസ്ന. മകൾ: തൻമയ (മടവൂർ എ.യു.പി. സ്കൂൾ വിദ്യാർഥിനി).
