Latest

6/recent/ticker-posts

Header Ads Widget

ജയിൽ ചാടിയത് ശുചിമുറിയിലെ വെന്റിലേറ്ററിലൂടെ; മൂന്നാമത്തെ ദിവസം തിരിച്ചെത്തി മാതൃകയായി ഫഹദ്.

കോഴിക്കോട്: വടകരയിൽ ജയിൽ ചാടിയ പ്രതി കീഴടങ്ങി. താമരശ്ശേരി നെരോത്ത് എരവത്ത് കണ്ടി മീത്തൽ വീട്ടിൽ എൻ ഫഹദ് ആണ് കീഴടങ്ങിയത്. ഇന്ന് രാവിലെയാണ് ഇയാൾ വടകര ജയിൽ അധികൃതർക്ക് മുൻപിൽ ഹാജരായത്.

കാസർഗോട്ടെ ഭാര്യവീട്ടിലും താമരശ്ശേരിയിലും പൊലീസ് റെയിഡ് നടത്തിയിരുന്നു. കഞ്ചാവ് കേസിൽ എക്സൈസിന്റെ പിടിയിലായ പ്രതി ഇക്കഴിഞ്ഞ 10-ന് വൈകുനേരം നാല് മണിയോടെ ജയിലിലെ ശുചിമുറിയിൽ നിന്നും വെന്റിലേറ്റർ വഴി പുറത്ത് കടന്നത്. പഴയ ട്രഷറി കെട്ടിടം വഴിയാണ് ഇയാൾ കടന്നുകളഞ്ഞത്.

വടകര പൊലീസ് കേസെടുത്ത് അന്വേഷണം നടക്കുന്നതിനിടെ ഇന്ന് രാവിലെ 10.15 ഓടെ ജയിലിൽ കീഴടങ്ങിയ പ്രതിയെ കൊയിലാണ്ടി എസ് ഐ കെ ടി രഘുവിന്റെ നേതൃത്വത്തിൽ സ്റ്റേഷനിൽ എത്തിച്ച് അറസ്റ്റ് രേഖപ്പെടുത്തി. തുടർന്ന് മെഡിക്കൽ പരിശോധനയ്ക്ക് ശേഷം കോടതിയിൽ ഹാജരാക്കി. അഴിയൂർ എക്സൈസ് ചെക്ക് പോസ്റ്റിൽ നിന്നു ജൂൺ ഏഴിന് ആറു കിലോ കഞ്ചാവുമായാണ് ഇയാളെ എക്‌സ്സൈസ് പിടികൂടിയത്.

Post a Comment

0 Comments