കോഴിക്കോട് ജില്ലയിലെ മലയോര മേഖലകളിലും മറ്റും ശക്തമായ മഴ പെയ്യുന്നതിനാലും, തുടർന്നും മഴ പ്രതീക്ഷിക്കുന്നതിനാലും, വെള്ളക്കെട്ടുള്ളതിനാലും ജില്ലയിലെ സ്കൂളുകൾ, മദ്രസകൾ, ട്യൂഷൻ സെൻ്ററുകൾ, പ്രൊഫഷണൽ കോളേജുകൾ, അങ്കണവാടികൾ ഉൾപ്പെടെയുള്ള മുഴുവൻ വിദ്യാഭ്യാസ സ്ഥാപനങ്ങൾക്കും നാളെ 04/08/2026 (ചൊവ്വ) ജില്ലാ കളക്ടർ അവധി പ്രഖ്യാപിച്ചു.
(ഓൺലൈൻ ക്ലാസുകൾ നടത്തുന്നതിന് ഈ അവധി ബാധകമല്ല).
മഴ തുടരുന്നു ; കോഴിക്കോട് ഉൾപ്പെടെ നാല് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് നാളെ അവധി
തിരുവനന്തപുരം:മോശം കാലാവസ്ഥയെത്തുടര്ന്ന് പത്തനംതിട്ട, മലപ്പുറം, ആലപ്പുഴ, കോഴിക്കോട് ജില്ലകളില് പ്രൊഫഷണല് കോളേജുകള് ഉള്പ്പെടെയുള്ള വിദ്യാഭ്യാസ സ്ഥാപനങ്ങള്ക്ക് ചൊവ്വാഴ്ച അവധി പ്രഖ്യാപിച്ചു.
കനത്ത മഴയും പ്രളയബാധിത ക്യാമ്പുകള് സ്കൂളുകളില് പ്രവര്ത്തിക്കുന്നതിനാലുമാണ് അവധിയെന്ന് പത്തനംതിട്ട ജില്ലാ കലക്ടര് അറിയിച്ചു.
മലപ്പുറത്ത് ശക്തമായ മഴ തുടരുന്ന സാഹചര്യത്തില് ജില്ലയിലെ പ്രൊഫഷണല് കോളെജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും നാളെ (ഓഗസ്റ്റ് 4 ചൊവ്വ) ജില്ലാ കലക്ടര് ഡോ.വിനയ് ഗോയല് അവധി പ്രഖ്യാപിച്ചു. മദ്രസകള്,ട്യൂഷന് സെന്ററുകള്,അങ്കണവാടികള് എന്നിവയ്ക്കും അവധി ബാധകമാണ്.മുന്കൂട്ടി നിശ്ചയിച്ച യൂണിവേഴ്സിറ്റി,പി.എസ്.സി പരീക്ഷകള് എന്നിവയ്ക്ക് മാറ്റമില്ല.
കണ്ണൂര് ജില്ലയില് പയ്യന്നൂര്, തളിപ്പറമ്പ്,ഇരിട്ടി താലൂക്കുകളിലെ വിദ്യാഭ്യാസ സ്ഥാപനങ്ങള്ക്കും നാളെ അവധി പ്രഖ്യാപിച്ചിട്ടുണ്ട്.
വയനാട് ജില്ലയിൽ ദുരിതാശ്വാസ ക്യാമ്പുകൾ പ്രവർത്തിക്കുന്ന വിദ്യാഭ്യാസ സ്ഥാപനങ്ങൾക്ക് നാളെ (ഓഗസ്റ്റ് 4) അവധിയായിരിക്കുമെന്ന് വയനാട് ജില്ലാ കളക്ടർ അറിയിച്ചു.