ചുരത്തിൽ കൂറ്റൻപാറ റോഡിലേക്ക് അടർന്നുവീണു; ദുരന്തം ഒഴിവായത് തലനാരിഴയ്ക്ക്.

താമരശ്ശേരി :താമരശ്ശേരി ചുരത്തിൽ കൂറ്റൻപാറ റോഡിലേക്ക് അടർന്നുവീണു.ദുരന്തം ഒഴിവായത് തലനാരിഴയ്ക്ക്.ചുരം ഒമ്പതാം വളവിന് താഴെ ഇടുങ്ങിയ ഭാഗത്ത് കൂറ്റൻ പാറ അടർന്ന് റോഡിൽ വീഴുകയായിരുന്നു.

റോഡിന് വീതികുറഞ്ഞ സ്ഥലമായതിനാൽ വാഹന ഗതാ ഗതം ഭാഗികമായി തടസപ്പെട്ടു.വൺവേ ആയിട്ടാണ് വാഹനങ്ങൾ കടന്നുപോകുന്നത്.ഉച്ചയ്ക്ക് 12 മണിയോടുകൂടിയാണ് പാറകൾ റോഡിലേക്ക് വീണത്.ഈ സമയത്ത്  അതിലൂടെ വാഹനങ്ങൾ കടന്നു പോകാതിരുന്നത് വൻ അപകടം ഒഴിവായി.ഇനിയും പാറകൾ അടർന്നു വീഴുമെന്ന ആശങ്ക യിലാണ് യാത്രക്കാർ.