കൊടുവള്ളി:മാനിപുരം കരീറ്റിപ്പറമ്പ് ഇരുമ്പോത്ത് കടവിൽ പതിനഞ്ചുകാരൻ ഒഴുക്കിൽപ്പെട്ടു. കരീറ്റിപറമ്പ് ഹംസയുടെ മകൻ മുഹമ്മദ് ഷഹിൻ (15) ആണ് ഒഴുക്കിൽപ്പെട്ടത്.
വിവരമറിഞ്ഞ് മുക്കത്തു നിന്നുള്ള ഫയർഫോഴ്സ് സംഘം സ്ഥലത്തെത്തി പുഴയിൽ തിരച്ചിൽ ആരംഭിച്ചു.
കൂടുതൽ വിദഗ്ദ്ധ തിരച്ചിലിനായി വെള്ളിമാടുകുന്ന് ഫയർ സ്റ്റേഷനിൽ നിന്നുള്ള പ്രത്യേക സ്കൂബ ഡൈവിംഗ് ടീമും സംഭവസ്ഥലത്തേക്ക് പുറപ്പെട്ടിട്ടുണ്ട്.
ഫയർ ഫോഴ്സിനൊപ്പം പ്രാദേശിക സന്നദ്ധ പ്രവർത്തകരും, നാട്ടുകാരും ചേർന്നാണ് രക്ഷാപ്രവർത്തനം നടത്തുന്നത്.